ແຜ່ນດິນໄຫວລອມບອກສົ່ງຜົນໃຫ້ ຊາວອິນໂດເນເຊຍ 7 ໝື່ນຄົນບໍ່ມີເຮືອນຢູ່
ເຈົ້າໜ້າທີ່ອິນໂດເນເຊຍກ່າວວ່າ: ປະຊາຊົນຫລາຍກວ່າ 70.000 ຄົນບໍ່ມີບ່ອນຢູ່ອາໄສຈາກແຜ່ນດິນໄຫວຮຸນແຮງທີ່ເກາະລອມບອກ ໃນວັນທີ 5 ສິງຫາ, ພວກເຂົາຕ້ອງອາໄສນອນຢູ່ໃນສູນພັກເຊົາຊົ່ວຄາວ, ຂາດເຂີນອາຫານ, ຢາປົວພະຍາດ ແລະ ນ້ຳສະອາດ.
3 key facts from the #Lombok earthquake:
– At least 100 people killed
– 209 injured, mostly by buildings damaged in the earthquake
– Hardest hit area is North Lombok, with a population of 200,000 @palangmerah emergency teams are providing relief in affected areas. pic.twitter.com/P1XnjMJB9G— IFRC (@ifrc) August 7, 2018
ແຜ່ນດິນໄຫວລະດັບຕື້ນຂະໜາດ 6,9 ຣິກເຕີ ທີ່ເກາະລອມບອກ ເຮັດໃຫ້ມີຜູ້ເສຍຊີວິດຢ່າງໜ້ອຍ 105 ຄົນ, ຜູ້ຢູ່ອາໄສ ແລະ ນັກທ່ອງທ່ຽວຕ່າງຕື່ນຕົກໃຈ ຫລັງຈາກເກີດແຜ່ນດິນໄຫວທີ່ເກາະທ່ອງທ່ຽວມີຜູ້ເສຍຊີວິດ 17 ຄົນໃນອາທິດກ່ອນນັ້ນ, ແຜ່ນດິນໄຫວຫລ້າສຸດຍັງເຮັດໃຫ້ມີຜູ້ບາດເຈັບສາຫັດປະມານ 236 ຄົນ, ເຮືອນຫລາຍໝື່ນຫລັງພັງເສຍຫາຍ, ເຈົ້າໜ້າທີ່ຕ້ອງຮ້ອງຂໍກຳລັງເຈົ້າໜ້າທີ່ທາງການແພດ ແລະ ສິ່ງຂອງຈຳເປັນເພີ່ມອີກສຳລັບຜູ້ປະສົບໄພ. ໂຄສົກສຳນັກງານບັນເທົາໄພພິບັດແຫ່ງຊາດຖະແຫລງວ່າ: ຍອດຜູ້ເສຍຊີວິດຈະເພີ່ມຂຶ້ນອີກ ຂະນະທີ່ໜ່ວຍກູ້ໄພໃຊ້ອຸປະກອນໜັກເຂົ້າຮື້ຖອນອາຄານບ້ານເຮືອນ, ໂຮງຮຽນ ແລະ ມັສຢິດ, ສ່ວນຄວາມຫວັງພົບຜູ້ລອດຊີວິດເລືອນລາງລົງແລ້ວ. ທ່ານ ມູຮຳໝັດ ໄຊນັລ ມັດດີ ເຈົ້າແຂວງນູຊາເຕັງກາຣາຕາເວັນຕົກ ກ່າວວ່າ: ປັດຈຸບັນມີຄວາມຕ້ອງການເຈົ້າໜ້າທີ່ທາງການແພດ, ອາຫານ ແລະ ຢາປົວພະຍາດໃນພື້ນທີ່ປະສົບໄພຮຸນແຮງທີ່ສຸດ.
