ດີໃຈລັດຖະບານຈະເລັ່ງກວດສອບເຫດການໄພນ້ຳຖ້ວມ ເມືອງສະໜາມໄຊໃຫ້ໂປ່ງໃສ

- advert banner 728 90 728x90 - ດີໃຈລັດຖະບານຈະເລັ່ງກວດສອບເຫດການໄພນ້ຳຖ້ວມ ເມືອງສະໜາມໄຊໃຫ້ໂປ່ງໃສ

 ໂດຍ: ທ່ຽງທຳ   

ສະບາຍດີ, ເພື່ອນຜູ້ອ່ານ ທີ່ຮັກແພງ, ການຄອງຄອຍ ຂອງສັງຄົມສຳລັບສາເຫດ ຫລັກທີ່ກໍ່ໃຫ້ເກີດມະຫັນຕະໄພ ນ້ຳຖ້ວມເມືອງສະໜາມໄຊ, ແຂວງອັດຕະປື ເມື່ອຄືນວັນທີ 23 ກໍລະກົດ ຜ່ານມານັ້ນ, ອັນ ໄດ້ສ້າງຄວາມເສຍຫາຍຢ່າງ ຫລວງຫລາຍແກ່ຊີວິດ ແລະ ຊັບສິນຂອງປະຊາຊົນໃນເຂດ ປະສົບໄພດັ່ງກ່າວ, ຈົນລັດ ຖະບານໄດ້ປະກາດເປັນເຂດ ເຕືອນໄພລະດັບຊາດ ເພື່ອຂໍ ການຊ່ວຍເຫລືອຈາກພາກ ສ່ວນຕ່າງໆ ທັງພາຍໃນ ແລະ ຕ່າງປະເທດ ແລະ ດ້ວຍນ້ຳໃຈ ໂອບເອື້ອອາລີ, ຊ່ວຍເຫລືອ ເຊິ່ງກັນ ແລະ ກັນຂອງປະຊາ ຊົນລາວບັນດາເຜົ່າກໍຄືບັນ ດາປະເທດບ້ານໃກ້ເຮືອນ ຄຽງ, ເພື່ອນມິດສາກົນ, ນັບ ທັງກຳລັງຊັບ ແລະ ກຳລັງຄົນ ມາຊ່ວຍກູ້ໄພຢ່າງບໍ່ຮູ້ອິດຮູ້ ເມື່ອຍຈົນມາຮອດປັດຈຸບັນ ບັນດາໜ່ວຍງານຕ່າງໆ ກໍ ຍັງສືບຕໍ່ປະຕິບັດໜ້າທີ່ຂອງ ໃຜລາວດ້ວຍຄວາມຮັບຜິດ ຊອບອັນໄດ້ຊ່ວຍແກ້ໄຂ ແລະ ແບ່ງເບົາຄວາມຫຍຸ້ງຍາກ ຕ່າງໆ ຂອງປະຊາຊົນຜູ້ປະ ສົບໄພລົງເປັນສ່ວນຫລາຍ.
ແຕ່ວຽກທີ່ຍັງຄ້າງຄາ ນັ້ນແມ່ນຄວາມກະຈ່າງແຈ້ງ ແລະ ໂປ່ງໃສ ຂອງສາເຫດ ເຮັດໃຫ້ເຂື່ອນນ້ອຍຂອງ ເຂື່ອນໄຟຟ້າເຊປ່ຽນ-ເຊນ້ຳ ນ້ອຍທະລຸລົງມາແມ່ນດ້ວຍ ສາເຫດໃດແດ່? ນອກຈາກ ໄພທຳມະຊາດ, ຝົນຕົກແຮງ ຕິດຕໍ່ກັນຫລາຍວັນເຮັດໃຫ້ ນ້ຳໃນເຂື່ອນດັ່ງກ່າວເພີ່ມປະ ລິມານຫລາຍຂຶ້ນ, ດັ່ງຫລາຍ ແຫລ່ງຂ່າວສ່ອງແສງມາ.

ຕໍ່ບັນຫານີ້, ທ່ານນາຍົກ ລັດຖະມົນຕີ ທອງລຸນ ສີສຸລິດ ໄດ້ຊີ້ນຳໃຫ້ກອງປະຊຸມລັດຖະ ບານສະໄໝວິສາມັນປະຈຳ ເດືອນສິງຫາທີ່ໄດ້ຈັດຂຶ້ນ ໃນ ວັນທີ 6-7 ສິງຫານີ້ ແຕ່ງຕັ້ງ ຄະນະຮັບຜິດຊອບສືບສວນ- ສອບສວນເຫດໄພພິບັດດັ່ງ ກ່າວ, ໂດຍໄດ້ແຕ່ງຕັ້ງ ທ່ານ ບຸນທອງ ຈິດມະນີ ຮອງນາ ຍົກລັດຖະມົນຕີປະທານອົງ ການກວດກາລັດຖະບານ ເປັນຫົວໜ້າຄະນະດັ່ງກ່າວ ແລະ ສາມາດຮັບເອົາການ ຊ່ວຍເຫລືອທາງດ້ານເຕັກນິກ, ການເງິນ ແລະ ຊ່ຽວຊານ ຈາກຕ່າງປະເທດທີ່ມີມາດຕະ ຖານສາກົນມາຊ່ວຍພິສູດ ແລະ ກວດກາ ເພື່ອຊອກໃຫ້ ເຫັນສາເຫດທີ່ພາໃຫ້ເຂື່ອນ ມີການແຕກຫັກດັ່ງກ່າວ ແລະ ສາມາດເຊີນເອົາຕົວແທນ ຂອງບັນດາປະເທດທີ່ມີບໍລິ ສັດຜູ້ປະກອບການ ແລະ ຂາຮຸ້ນມາໃຫ້ຄຳປຶກສາ ຫລື ສັງເກດການເພື່ອແນໃສ່ເຮັດ ໃຫ້ການສືບສວນ-ສອບສວນ ມີຄຸນນະພາບ ແລະ ໂປ່ງໃສ ແລະ ເປັນທີ່ຍອມຮັບຕໍ່ພາຍ ໃນ ແລະ ຕ່າງປະເທດໄດ້ ແລະ ພາຍຫລັງຜົນການສືບ ສວນ-ສອບສວນ ອອກມາ ແລ້ວ ຈຶ່ງຈະດຳເນີນໃນບາດ ກ້າວຕໍ່ໄປ.

ເຖິງແນວໃດສິ່ງນີ້ກໍ ເປັນບົດຮຽນອັນເຈັບແຊບ ໃຫ້ແກ່ປະເທດເຮົາ, ໃນການ ກວດກາ, ຄຸ້ມຄອງເຕັກນິກ ແລະ ມາດຕະຖານການກໍ່ ສ້າງເຂື່ອນໃຫ້ຮັດກຸມ ແລະ ມີ ປະສິດທິພາບດີ, ເພື່ອປາສະ ຈາກເຫດຮ້າຍຕ່າງໆ ທີ່ຈະ ຕາມມາ./.

- 1 1 - ດີໃຈລັດຖະບານຈະເລັ່ງກວດສອບເຫດການໄພນ້ຳຖ້ວມ ເມືອງສະໜາມໄຊໃຫ້ໂປ່ງໃສ
- lattana 1 - ດີໃຈລັດຖະບານຈະເລັ່ງກວດສອບເຫດການໄພນ້ຳຖ້ວມ ເມືອງສະໜາມໄຊໃຫ້ໂປ່ງໃສ

 

ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ

ບົດຮຽນທີ່ລ້ຳຄ່າຍອດຕຳລາອັນວິເສດຈາກເຂື່ອນທະລຸ

- 38714629 300195414061247 17505977460850688 n - ດີໃຈລັດຖະບານຈະເລັ່ງກວດສອບເຫດການໄພນ້ຳຖ້ວມ ເມືອງສະໜາມໄຊໃຫ້ໂປ່ງໃສ
(ພາບປະກອບ)
error: Content is protected !!