ເຂົ້າພັນສາຕັ້ງໃຈສ້າງຄວາມດີ

- advert banner 728 90 728x90 - ເຂົ້າພັນສາຕັ້ງໃຈສ້າງຄວາມດີ

ໂດຍ: ທິດກ່ຳ

ໂອກາດເຂົ້າພັນສາປະ ຈຳປີ ນີ້ເປັນປີທີ່ສະພາບການ ບ້ານເມືອງ ເຮົາພວມເລັ່ງ ລັດພັດທະນາໄດ້ມີຫລາຍອັນຫລາຍຢ່າງທີ່ພວກເຮົາຈະ ຕ້ອງຮ່ວມແຮງຮ່ວມໃຈກັນ ສ້າງຄຸນງາມຄວາມດີໃຫ້ສັງ ຄົມ ແລະ ປະເທດຊາດ.

 

ກະຊວງສາທາລະນະສຸກມອບເຄື່ອງຜ່າຕັດທັນສະໄໝໃຫ້ໂຮງໝໍແຂວງອັດຕະປື

ມອບເຄື່ອງຊ່ວຍເຫລືອບ້ານຈຸດສຸມນ້ຳສຽມ

ພະພຸດທະເຈົ້າເພິ່ນໄດ້ ບັນຍັດໄວ້ວ່າ: ຫົນທາງສ້າງ ຄວາມດີໃຫ້ຕົນເອງ ແລະ ສັງຄົມນັ້ນຍ່ອມທຳໄດ້ສອງ ຢ່າງຄື ຕັ້ງໃຈນັ່ງສະມາທິໃຫ້ ຈິດໃຈຜ່ອງໃສ, ມີຄວາມທ່ຽງ ໝັ້ນ ບໍ່ຫວັ່ນໄຫວຫຍໍ້ທໍ້ ປະລະ ອະບາຍຍະມຸກທັງປວງເພື່ອ ສ້າງພະລັງຈິດໃຈຂອງເຮົາ ໃຫ້ເຂັ້ມແຂງແລ້ວຈະພາໃຫ້ ເຮົາຢູ່ເຢັນເປັນສຸກ.

ການເກີດປັນຍາດ້ວຍ ຕົນເອງນັ້ນ ຈະພາໃຫ້ເຮົາ ຄິດດີ, ທຳດີບໍ່ມີແນວຄິດອິດ ສາລິດສະຫຍາ, ບໍ່ໂລບມາກ ໂລພາ, ບໍ່ສໍ້ລາດບັງຫລວງ, ເມື່ອຈິດໃຈເຮົາສະຫງົບແລ້ວ, ຄວາມຮູ້ຜິດຮູ້ຖືກ, ຄວາມເມດ ຕາສົງສານເພື່ອນມະນຸດ ດ້ວຍກັນກໍ່ເກີດປະຕິຫານ ຢ່າງເປັນຮູບປະທຳ.

ສ່ວນຫົນທາງອັນທີ ສອງນັ້ນແມ່ນສ້າງຄວາມດີ ດ້ວຍ ການໃຫ້ເອີ້ນວ່າການ ໃຫ້ທານ, ຄວາມໝາຍຂອງ ກິດຈະກຳໃນການໃຫ້ທານ ນີ້ມັນກໍມີວິທີທາງໃນຫລາຍ ດ້ານ; ເປັນຕົ້ນຄືການໃຫ້ຊັບ ສິ່ງຂອງ, ການໃຫ້ວິຊາຄວາມ ຮູ້, ການຊີ້ແນະນຳພາໃຫ້ຄົນ ທັງຫລາຍທຳຄວາມດີຕໍ່ສັງ ຄົມ ແລະ ປະເທດຊາດບ້ານ ເມືອງ ນີ້ລະຄືຫົນທາງສ້າງ ຄວາມດີ.

- 1 1 - ເຂົ້າພັນສາຕັ້ງໃຈສ້າງຄວາມດີ
- lattana 1 - ເຂົ້າພັນສາຕັ້ງໃຈສ້າງຄວາມດີ

ສະນັ້ນ, ທາງພຸດທະປັດ ຊະຍາ ຈຶ່ງໄດ້ກຳນົດໃນຫລັກ ການສ້າງຄວາມດີນັ້ນວ່າ: “ທຳບຸນ” ສ່ວນວ່າສ້າງ ຄວາມບໍ່ດີທັງປວງນັ້ນ ເອີ້ນ ວ່າ “ທຳບາບ” ຫົນທາງທຳ ບາບກໍຍ່ອມສະແດງອອກ ຫລາຍດ້ານ ເຊິ່ງໂດຍລວມ ແລ້ວ ຖ້າເຮົາເຮັດໃຫ້ຄົນ ອື່ນ ເປັນທຸກ, ເກີດການເສຍຫາຍ, ເກີດເຈັບເປັນ, ລົ້ມຕາຍ ຍ້ອນ ການກະທຳຂອງເຮົາເອງ ແລ້ວເຂົາກໍເອີ້ນວ່າທຳບາບ ແລະ ຄຳວ່າ ບາບນີ້ມັນກໍຄື ທຳຄວາມຊົ່ວນັ້ນເອງ.

ໃນປັດຈຸບັນ, ສະພາບ ການບ້ານເມືອງເຮົາພວມມີ ການສ້າງສາພັດທະນາໄປ ຕິກໆ ໄດ້ມີຫລາຍອັນຫລາຍ ຢ່າງເກີດຂຶ້ນຢ່າງໄວວາ ນອກ ຈາກໃນດ້ານດີ ແລະ ຕັ້ງໜ້າ ກໍເກີດຂຶ້ນຢ່າງຫລວງຫລາຍພາຍມາກແລ້ວ, ສິ່ງຫຍໍ້ທໍ້ ຕ່າງໆ ມັນກໍຕາມມາເໝືອນ ດັ່ງຄົນກັບເງົາ.

ສະພາບປັດຈຸບັນ, ສິ່ງທີ່ ກະທົບເຖິງຊີວິດການເປັນຢູ່ ຂອງປະຊາຊົນເຮົາໃນຊ່ວງ ລະດູຝົນນີ້, ແມ່ນເກີດໄພນ້ຳ ຖ້ວມແບບວົງກວ້າງ ເຊິ່ງໄດ້ ສ້າງຄວາມເສຍຫາຍໃຫ້ແກ່ ປະຊາຊົນເຮົາໃນຫລາຍດ້ານ.

ດັ່ງເຫດການອຸຫົກກະໄພເຂື່ອນແຕກທະລຸຢູ່ເມືອງສະໜາມໄຊ, ເກີດນ້ຳຖ້ວມຢູ່ເຂດ ເມືອງ ໄຊບູລີ ແຂວງສະຫວັນ ນະເຂດ, ເມືອງມະຫາໄຊ ແຂວງ ຄຳມ່ວນ, ເມືອງແບງ ແຂວງອຸດົມໄຊ ແລະ ທ້ອງຖິ່ນອື່ນໆ ອີກຫລາຍເຂດ ແຂວງໃນທົ່ວປະເທດອັນໄດ້ກໍຄວາມເສຍຫາຍຫລວງ ຫລາຍພາຍມາກນັບທັງຊີ ວິດ ແລະ ຊັບສິນຂອງປະຊາຊົນເຮົາ.

ແຕ່ແນວໃດກໍຕາມຕໍ່ສະ ພາບໄພພິບັດທີ່ເກີດຂຶ້ນນີ້, ພວກເຮົາກໍສາມາດແບ່ງເບົາຄວາມສຸກທຸກດ້ວຍການໃຫ້ ການສະໜັບສະໜູນອູ້ມຊູ ຊ່ວຍເຫລືອດັ່ງເພື່ອນມິດທີ່ ຢູ່ໃກ້ຢູ່ໄກ, ທັງພາຍໃນ ແລະ ຕ່າງປະເທດໄດ້ນຳເອົາວັດ ຖຸສິ່ງຂອງ, ຕະຫລອດຮອດ ເງິນຄຳໄປຊ່ວຍເຫລືອຢ່າງ ຫລວງຫລາຍ.

ບາງຄົນກໍໄດ້ສະຫລະ ທັງຈິດໃຈເຫື່ອແຮງດ້ວຍຕົນ ເອງເພື່ອໄປຊ່ວຍເຫລືອຜູ້ ຖືກຜົນກະທົບໃນຄັ້ງນີ້ ດ້ວຍ ຄວາມບໍລິສຸດ ແລະ ຈິງໃຈ, ນີ້ ກໍສະແດງໃຫ້ເຫັນ ເຖິງການ ເມດຕາກາລຸນາມະນຸດ້ວຍ ກັນໃນເວລາອັດຕະຄັດຂັດ ສົນຕົກທຸກໄດ້ຍາກ.
ພະພຸດທະເຈົ້າເພິ່ນບັນ ຍັດໄວ້ວ່າການໃຫ້ທານຄົນ ອື່ນທີ່ພວມເປັນທຸກດ້ວຍ ຄວາມເສຍສະຫລະບໍລິສຸດ ຈິງໃຈນັ້ນເປັນຜົນທານອັນ ປະເສີດ ແລະ ຍິ່ງໃຫຍ່ຕໍ່ຕົນ ເອງ, ສັງຄົມ ແລະ ປະເທດ ຊາດ. ຄຸນງາມຄວາມດີທີ່ເຮົາ ໄດ້ສ້າງໄວ້ນັ້ນມັນກໍປຽບ ເໝືອນຜົນງານທີ່ຈາລຶກໄວ້ ໃຫ້ຕົນເອງເໝືອນກັນ./.

- 38668183 1018003104990943 6429603468457017344 n - ເຂົ້າພັນສາຕັ້ງໃຈສ້າງຄວາມດີ
(ພາບປະກອບ)
error: Content is protected !!