ຈີນກຽມທົດລອງເຮືອບິນໂດຍສານຜະລິດເອງລຳທຳອິດມໍ່ໆນີ້

- 1493787601684 960x0 - ຈີນກຽມທົດລອງເຮືອບິນໂດຍສານຜະລິດເອງລຳທຳອິດມໍ່ໆນີ້
- Untitled design - ຈີນກຽມທົດລອງເຮືອບິນໂດຍສານຜະລິດເອງລຳທຳອິດມໍ່ໆນີ້

- 1493787601684 960x0 300x169 - ຈີນກຽມທົດລອງເຮືອບິນໂດຍສານຜະລິດເອງລຳທຳອິດມໍ່ໆນີ້      ຊຽງ​ໄຮ້ 3 ພຶດສະພາ: ຈີນ​ກຽມ​ສົ່ງ​ເຮືອບິນ​ໂດຍສານ​ປະກອບ​ເອງ​ລຳ​ທຳ​ອິດ​ຂຶ້ນທົດ​ລອງ​ການບິນ​​ເທິງ​ຟ້າພາຍ​ໃນ​ອາທິດ​ນີ້ ຫວັງ​ທຽບ​ຊັ້ນບໍລິສັດ​ຜະລິດ​ເຮືອບິນ​ໂດຍສານ​ຊັ້ນນຳ​ຂອງ​ໂລກ ຄື​ໂບອິ້ງຂອງ​ອາ​ເມ​ລິ​ກາ ​ແລະ ​ແອ​ບັສຂອງ​ເອີຣົບ.

ສື່​ຂອງ​ທາງ​ການ​ຈີນ​ລາຍ​ງານ​ວ່າ: ​ເຮືອບິນ​ໂດຍສານ​ຮຸ້ນ C919 ຜະລິດ​ໂດຍ​ບໍລິສັດ​ຜະລິດ​ເຮືອບິນ​ການ​ຄ້າ​ຈີນ ຫລື ​ໂກ​ແມ​ກ ​ເຊິ່ງສາມາດ​ຮອງ​ຮັບ​ຜູ້​ໂດຍສານ​ໄດ້ 168 ຄົນ ​ແລະ ມີ​ໄລຍະ​ການບິນ​ໄກ​ສູ​ງສຸດ 5.555 ກິ​ໂລ​ແມັດ ກຽມ​ຈະ​ບິນ​ຂຶ້ນທົດ​ລອງ​ເໜືອ​ນ່ານຟ້າ​ນະຄອນ​ຊຽງ​ໄຮ້​ໃນ​ວັນ​ທີ 5 ພຶດສະພາ​ນີ້ ​ໂດຍ​ເຮືອບິນ​ລຳ​ນີ້​ເປັນ​ສິ່ງ​ທີ່​ຈີນ​ໃຊ້​ຄວາມ​ພະຍາຍາມ​ມາ​​ເປັນ​ທົດ​ສະ​ວັດ​ໃນ​ການ​ຊຸກຍູ້​ໃຫ້​ເກີດ​ການ​ຫລຸດ​ອາ​ໄສ​ເຮືອບິນ​ໂບອິ້ງ ​ແລະ ​ແອ​ບັສ.

ນອກຈາກ​ນີ້, ຕະຫລາດ​ທ່ອງ​ທ່ຽວ​ຢູ່​ຈີນ​ພວມ​ຂະຫຍາຍຕົວ​ຢ່າງ​ວ່ອງ​ໄວ ​ໂດຍ​ມີ​ຈຳນວນ​ຜູ້​ເດີນທາງ​ໂດຍ​ເຮືອບິນ​ເພີ່ມ​ຂຶ້ນຢ່າງ​ຕໍ່​ເນື່ອງ ສົ່ງ​ຜົນ​ໃຫ້​ບໍລິສັດ ​ແອ​ບັສ ຕີ​ລາຄາ​ວ່າ: ສາຍ​ການບິນ​ຈີນ​ຈະ​ມີ​ການ​ສັ່ງ​ຊື້​ເຮືອບິນ​ໃໝ່​ເກືອບ 6.000 ລຳ ພາຍ​ໃນ 2 ທົດ​ສະ​ວັດ​ຕໍ່​ໜ້າ. ຂະນະ​ທີ່​ບໍລິສັດ ​ໂບອິ້ງ ຕີ​ລາຄາ​ວ່າ: ຈະ​ມີ​ການ​ສັ່ງ​ຊື້​ເຮືອບິນ​ທັງ​ໝົດ 6.800 ລຳ ຄິດ​ເປັນ​ມູນ​ຄ່າ​ປະມານ 1 ຕື້​ໂດ​ລາ​ສະຫະລັດ. ​ໂກ​ແມ​ກ ຈຶ່ງ​ຕ້ອງການ​ເຂົ້າມາຍາ​ດຊີງ​ສ່ວນ​ແບ່ງ​ຕະຫລາດ ​ໂດຍ​ຫລ້າ​ສຸດ​ໃນ​ປີຜ່ານມາ ມີ​ສາຍ​ການບິນ ​ເຊິ່ງສ່ວນ​ຫລາຍ​ເປ​ັນສາຍ​ການບິນ​ໃຫ້​ບໍລິການ​ຖ້ຽວ​ບິນ​ໃນ​ປະ​ເທດ ສັ່ງ​ຊື້​ເຮືອບິນ​ໂດຍສານ​ຈາກ​ໂກ​ແມ​ກ​ແລ້ວ 570 ລຳ.

- Wave100S AD to Website 2020 0 - ຈີນກຽມທົດລອງເຮືອບິນໂດຍສານຜະລິດເອງລຳທຳອິດມໍ່ໆນີ້

ທ່ານ ​ເກຣັກ ວັລຣອນ ບັນນາທິການ​ບໍລິຫານ​ວາລະສານ​ຟາຍ​ໂກບ​ອນ ກ່າວ​ວ່າ: ການ​ທີ່​ໂກ​ແມ​ກຈະ​ຂຶ້ນມາ​ທຽບ​ຊັ້ນກັບ​ໂບອິ້ງ ​ແລະ ​ແອ​ບັສ​ໄດ້​ຕ້ອງ​ໃຊ້​ເວລາ​ຫລາຍ, ​ແຕ່​ພາຍ​ໃນ​ທົດ​ສະ​ວັດ​ໜ້າ ຈີນ​ຈະ​ກາຍ​ເປັນໜຶ່ງ​ຜູ້​ສຳຄັນ​ໃນ​ອຸດສາຫະກຳ​ການບິນ​ລະດັບ​ໂລກ.

- WhatsApp Image 2020 05 27 at 5 - ຈີນກຽມທົດລອງເຮືອບິນໂດຍສານຜະລິດເອງລຳທຳອິດມໍ່ໆນີ້
- WhatsApp Image 2020 05 27 at 5 - ຈີນກຽມທົດລອງເຮືອບິນໂດຍສານຜະລິດເອງລຳທຳອິດມໍ່ໆນີ້
error: Alert: ເນື້ອຫາຂ່າວມີລິຂະສິດ !!