ກະຊວງປ້ອງກັນປະເທດຫວຽດນາມມອບເງິນຊ່ວຍເຫລືອຜູ້ປະສົບໄພຢູ່ແຂວງອັດຕະປື

- advert banner 728 90 728x90 - ກະຊວງປ້ອງກັນປະເທດຫວຽດນາມມອບເງິນຊ່ວຍເຫລືອຜູ້ປະສົບໄພຢູ່ແຂວງອັດຕະປື

​ໃນວັນທີ 3 ສິງຫານີ້, ທີ່ສະຖານທູດລາວປະຈຳ ສສ.ຫວຽດນາມ ໄດ້ຮັບເງິນຊ່ວຍເຫລືອ ຈາກກະຊວງປ້ອງກັນປະເທດຫວຽດນາມ 50.000 ໂດລາສະຫະລັດ, ມອບໂດຍທ່ານ ພົນໂທ ເຈິ່ນເດີນ ຮອງລັດຖະມົນຕີກະຊວງປ້ອງກັນປະເທດຫວຽດນາມ ເພື່ອເປັນການປະກອບສ່ວນຊ່ວຍເຫລືອຕໍ່ຜູ້ປະສົບໄພພິບັດຢູ່ແຂວງອັດຕະປື, ຕາງໜ້າຮັບໂດຍທ່ານ ວຽງໄຊ ດາລາແສນ ອັກຄະລັດຖະທູດແຫ່ງ ສປປ ລາວ ປະຈຳ ສສ.ຫວຽດນາມ.

ທ່ານພົນໂທ ເຈິ່ນເດີນ ກ່າວວ່າ: ເງິນຈໍານວນດັ່ງກ່າວ, ເພື່ອເປັນການແບ່ງເບົາຄວາມທຸກໂສກ ທີ່ເກີດຂຶ້ນກັບປະຊາຊົນລາວຊາວແຂວງອັດຕະປື, ພ້ອມຢືນຢັນວ່າພັກ-ລັດຖະບານ ແລະ ກະຊວງປ້ອງກັນປະເທດຫວຽດນາມ ພ້ອມຈະໃຫ້ການຊ່ວຍເຫລືອຜູ້ທີ່ໄດ້ຮັບຜົນກະທົບຈາກໄພພິບັດທີ່ເກີດຂຶ້ນບົນພື້ນຖານສາຍພົວພັນແບບພິເສດ, ການຮ່ວມມືຮອບດ້ານລະຫວ່າງສອງຊາດລາວ-ຫວຽດນາມ ເພື່ອພ້ອມກັນແກ້ໄຂຄວາມຫຍຸ້ງຍາກ ແລະ ຜົນກະທົບຈາກໄພພິບັດໃນຄັ້ງນີ້ໃຫ້ກັບຄືນສູ່ສະພາບປົກກະຕິໂດຍໄວ.

- lattana 1 - ກະຊວງປ້ອງກັນປະເທດຫວຽດນາມມອບເງິນຊ່ວຍເຫລືອຜູ້ປະສົບໄພຢູ່ແຂວງອັດຕະປື
- 1 1 - ກະຊວງປ້ອງກັນປະເທດຫວຽດນາມມອບເງິນຊ່ວຍເຫລືອຜູ້ປະສົບໄພຢູ່ແຂວງອັດຕະປື

ທ່ານ ວຽງໄຊ ດາລາແສນ ໄດ້ຕາງໜ້າລັດຖະບານ ແລະ ປະຊາຊົນລາວ ສະແດງຄວາມຂອບໃຈຢ່າງຈິງໃຈຕໍ່ກະຊວງປ້ອງກັນປະເທດຫວຽດນາມ ທີ່ໄດ້ມີຄວາມເປັນຫ່ວງເປັນໄຍ ຕໍ່ໄພພິບັດທີ່ເກີດຂຶ້ນຢູ່ແຂວງອັດຕະປື ແລະ ຈະນຳເອົາເງິນຊ່ວຍເຫລືອຄັ້ງນີ້, ໄປນຳໃຊ້ເຂົ້າໃນການແກ້ໄຂໄພພິບັດ ທີ່ເກີດຂຶ້ນ ໃຫ້ມີປະສິດທິຜົນສູງສຸດ.

error: Content is protected !!