ກະຊວງກະສິກໍາ ແລະ ປ່າໄມ້ ຜັນຂະຫຍາຍ ດໍາລັດ 348/ລບ ແລະ ບົດແນະນໍາ 0830/ກປ ເຂົ້າສູ່ວຽກງານຕົວຈິງ

- Untitled design - ກະຊວງກະສິກໍາ ແລະ ປ່າໄມ້ ຜັນຂະຫຍາຍ ດໍາລັດ 348/ລບ ແລະ ບົດແນະນໍາ 0830/ກປ ເຂົ້າສູ່ວຽກງານຕົວຈິງ

ໃນວັນທີ 8 ສິງຫາ ນີ້, ກະຊວງກະສິກໍາ ແລະ ປ່າໄມ້ ຮ່ວມກັບ ແຂວງ ບໍລິຄໍາໄຊ ໄດ້ເປີດບັ້ນຜັນຂະຫຍາຍ ດໍາລັດ 348/ລບ ແລະ ບົດແນະນໍາ 0830/ກປ ກ່ຽວກັບ ມາດຕະຖານພົ້ນທຸກ ແລະ ມາດຕະຖານພັດທະນາ ເຂົ້າສູ່ວຽກງານຕົວຈິງ ຢູ່ເມືອງ ວຽງທອງ ແລະ ບ້ານຈອມທອງ ແຂວງ ດັ່ງກ່າວ. ໂດຍການເຂົ້າຮ່ວມຂອງ ທ່ານ ແດນປີ ມູນທະດີ ຮອງເຈົ້າແຂວງ ບໍລິຄໍາໄຊ ແລະ ທ່ານ ຄໍາບຸນນັດ ໄຊຍະນົນ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້,​ ຮອງເຈົ້າແຂວງ ພ້ອມດ້ວຍພະນັກງານວິຊາການກ່ຽວຂ້ອງເຂົ້າຮ່ວມຢ່າງພ້ອມພຽງ.

ໃນພິທີທ່ານ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ມີຄໍາເຫັນວ່າ: ດໍາລັດດັ່ງກ່າວ ມີ 4 ຈຸດປະສົງຫຼັກຄື: ເພື່ອກໍານົດມາດຕະຖານພົ້ນທຸກ ແລະ ມາດຕະຖານພັດທະນາ ເພື່ອເປັນພື້ນຖານໃຫ້ແກ່ການກໍານົດເປົ້າໝາຍແກ້ໄຂຄວາມທຸກຍາກ ໂດຍເລີ່ມຈາກການສ້າງຄອບຄົວໃຫ້ພົ້ນທຸກ, ສ້າງຄອບຄົວພັດທະນາ, ບ້ານພັດທະນາ, ບ້ານໃຫຍ່ເປັນເມືອງນ້ອຍ ແມ່ນການຈັດຕັ້ງລັດຂັ້ນໜຶ່ງ ລະຫວ່າງ ເມືອງກັບບ້ານຢູ່ຊົນນະບົດ ແລະ ສ້າງເມືອງເຂັ້ມແຂງຮອບດ້ານ ໃຫ້ສອດຄ່ອງກັບມະຕິກອງປະຊຸມໃຫຍ່ ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ ແຕ່ລະໄລຍະໃຫ້ປະກົດເປັນຈິງ,  ເພື່ອໃຫ້ຂັ້ນຕ່າງໆນັບທັງສູນກາງ ແລະ ທ້ອງຖິ່ນ ມີຄວາມຮັບຮູ້ຖືກຕ້ອງ ແລະ ສາມາດຜັນຂະຫຍາຍເປັນຍຸດທະສາດ (2025) ເປັນແຜນໄລຍະກາງຮອດປີ 2020 ໃຫ້ສອດຄ່ອງກັບສະພາບຈຸດພິເສດ ແລະ ລະດັບການພັດທະນາເປັນຕົ້ນແມ່ນເມືອງ, ບ້ານ ແລະ ຄອບຄົວ ເພາະການພັດທະນາຊົນນະບົດຕ້ອງໃຊ້ເວລາຍາວນານສົມຄວນ. ເພື່ອໃຫ້ເປັນເອກະພາບ ກ່ຽວກັບວິທີການກໍານົດ ຫຼືປັບປຸງຍົກລະດັບມາດຕະຖານຕົວຊີ້ບອກທີ່ຢູ່ໃນຄວາມຮັບຜິດຊອບຂອງຕົນ ໃຫ້ສອດຄ່ອງກັບດໍາລັດ ແລະ ເປັນບ່ອນອີງ ໃນການຈັດຕັ້ງປະຕິບັດ ແລະ  ການປະເມີນຜົນເປັນເອກະພາບກັນ ໃນຂອບເຂດທົ່ວປະເທດ. ທ່ານໃຫ້ຮູ້ຕື່ມວ່າ: ດໍາລັດສະບັບນີ້ປະກອບມີ 6 ໝວດ 19 ມາດຕາ ແຕ່ທັງໝົດເລົ່ານີ້ ຊຶ່ງບັນຫາເປັນໃຈກາງກວ່າໝູ່ແມ່ນໝວດທີ 3 ວ່າດ້ວຍການກໍານົດມາດຕະຖານພັດທະນາ. ມາດຕາ: 7 ທີ່ໄດ້ກໍານົດມາດຕະຖານຄອບຄົວພັດທະນາ ຊື່ງປະກອບດ້ວຍ 5 ເງື່ອນໄຂ; ມາດຕາ 8 ວ່າດ້ວມາດຕະຖານ ບ້ານພັດທະນາ ປະກອບດ້ວຍ 11 ເງື່ອນໄຂ; ມາດຕາທີ 9 ມາດຕະຖານ ເມືອງເຂັ້ມແຂງຮອບດ້ານ ປະກອບມີ 10 ເງື່ອນໄຂ  ແລະ ມາດຕາທີ 10 ວ່າດ້ວຍມາດຕະຖານບ້ານໃຫຍ່ເປັນຕົວເມືອງນ້ອຍໃນຊົນນະບົດ ປະກອບດ້ວຍ 14 ເງື່ອນໄຂ ທີ່ສໍາຄັນ ໃນການຈັດຕັ້ງວຽກງານໃນຄັ້ງນີ້. ການເຮັດທົດລອງຜັນຂະຫຍາຍ ດຳລັດ ແລະ ບົດແນະນຳ ດັ່ງກ່າວແມ່ນຈະໄດ້ດໍາເນີນຈົນຮອດວັນທີ 12 ສິງຫາ 2018.

- Wave100S AD to Website 2020 0 - ກະຊວງກະສິກໍາ ແລະ ປ່າໄມ້ ຜັນຂະຫຍາຍ ດໍາລັດ 348/ລບ ແລະ ບົດແນະນໍາ 0830/ກປ ເຂົ້າສູ່ວຽກງານຕົວຈິງ
- WhatsApp Image 2020 05 27 at 5 - ກະຊວງກະສິກໍາ ແລະ ປ່າໄມ້ ຜັນຂະຫຍາຍ ດໍາລັດ 348/ລບ ແລະ ບົດແນະນໍາ 0830/ກປ ເຂົ້າສູ່ວຽກງານຕົວຈິງ
- WhatsApp Image 2020 05 27 at 5 - ກະຊວງກະສິກໍາ ແລະ ປ່າໄມ້ ຜັນຂະຫຍາຍ ດໍາລັດ 348/ລບ ແລະ ບົດແນະນໍາ 0830/ກປ ເຂົ້າສູ່ວຽກງານຕົວຈິງ
error: Alert: ເນື້ອຫາຂ່າວມີລິຂະສິດ !!