ໄຂຂຶ້ນແລ້ວງານວາງສະແດງຮູບພາບ ແລະ ເຄື່ອງຫັດຖະກໍາບັນດາເຜົ່າຕ້ອນຮັບກອງປະຊຸມພົບປະຜູ້ຊົງຄຸນວຸດທິ

- Photo SHOW - ໄຂຂຶ້ນແລ້ວງານວາງສະແດງຮູບພາບ ແລະ ເຄື່ອງຫັດຖະກໍາບັນດາເຜົ່າຕ້ອນຮັບກອງປະຊຸມພົບປະຜູ້ຊົງຄຸນວຸດທິ
- Untitled design - ໄຂຂຶ້ນແລ້ວງານວາງສະແດງຮູບພາບ ແລະ ເຄື່ອງຫັດຖະກໍາບັນດາເຜົ່າຕ້ອນຮັບກອງປະຊຸມພົບປະຜູ້ຊົງຄຸນວຸດທິ

ພິທີເປີດງານວາງສະແດງຮູບພາບ ແລະ ເຄື່ອງຫັດຖະກໍາບັນດາເຜົ່າ ແລະ ງານລະດົມນໍ້າໃຈຊ່ວຍເຫຼືອຜູ້ປະສົບໄພນໍ້າຖ້ວມ ຢູ່ເມືອງ ສະໜາມໄຊ ແຂວງ ອັດຕະປື ໄດ້ມີຂຶ້ນໃນວັນທີ 8 ສິງຫານີ້ທີ່ສູນການຄ້າລາວ-ໄອເຕັກ, ໂດຍການເຂົ້າຮ່ວມຂອງທ່ານ ໄຊສົມພອນ ພົມວິຫານ ປະທານສູນກາງແນວລາວງສ້າງຊາດ ແລະ ທ່ານ  ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫຼງຂ່າວ, ວັທະນະທໍາ ແລະ ທ່ອງທ່ຽວ ແລະ ມວນຊົນເຂົ້າຮ່ວມເປັນຈໍານວນຫຼາຍ.

ເພື່ອຂໍ່ານັບຮັບຕ້ອນວັນສ້າງຕັ້ງແນວລາວສ້າງຊາດ ຄົບຮອບ 68 ປີ (13/8/1950-13/8/2018) ແລະ ວັນສື່ມວນຊົນແຫ່ງຊາດ-ວັນພິມຈໍາໜ່າຍ 13 ສິງຫາ ແລະ ເພື່ອຂໍ່ານັບຮັບຕ້ອນກອງປະຊຸມພົບປະຜູ້ຊົງຄຸນວຸດທິບັນດາເຜົ່າທົ່ວປະເທດ ຄັ້ງທີ 3 ທີ່ຈະໄຂຂຶ້ນໃນເດືອນ ຕຸລາ ນີ້, ພ້ອງທັງເປັນການລະດົມນໍ້າໃຈຊ່ວຍຜູ້ປະສົບໄພນໍ້າຖ້ວມ ຢູ່ເມືອງສະໜາມໄຊ ແຂວງ ອັດຕະປື ແລະ ບັນດາແຂວງຕ່າງໆໃນລາວທີ່ປະສົບໄພທໍາມະຊາດ.

ໃນງານດັ່ງກ່າວ, ໂດຍລວມມີຜະລິດຕະພັນປະເພດຕ່າງໆ ເຊັ່ນ: ຜ້າໄໝ, ເຄື່ອງຫັດຖະກໍາຈັກສານ, ອາຫານ-ເຄື່ອງດື່ມ ແລະ ຢາປົວພະຍາດ ທີ່ມາຈາກຫຼາຍແຂວງຄື: ແຂວງ ວຽງຈັນ, ຫຼວງພະບາງ, ຊຽງຂວາງ, ຫົວພັນ, ສາລະວັນ ແລະ ນະຄອນຫຼວງວຽງຈັນ ລວມມີຫ້ອງວາງສະແດງທັງໝົດ 45 ຫ້ອງ, ນອກນີ້, ຍັງມີຕູບນັ່ງຊີມອາຫານ ຕຽງນັ່ງຖ່າຍຮູບທັງໝົດ 13 ຈຸດດ້ວຍກັນ, ໂດຍຈະດໍາເນີນໄປເຖິງວັນທີ 12 ສິງຫາ 2018 ນີ້.

- Wave100S AD to Website 2020 0 - ໄຂຂຶ້ນແລ້ວງານວາງສະແດງຮູບພາບ ແລະ ເຄື່ອງຫັດຖະກໍາບັນດາເຜົ່າຕ້ອນຮັບກອງປະຊຸມພົບປະຜູ້ຊົງຄຸນວຸດທິ
- WhatsApp Image 2020 05 27 at 5 - ໄຂຂຶ້ນແລ້ວງານວາງສະແດງຮູບພາບ ແລະ ເຄື່ອງຫັດຖະກໍາບັນດາເຜົ່າຕ້ອນຮັບກອງປະຊຸມພົບປະຜູ້ຊົງຄຸນວຸດທິ
- WhatsApp Image 2020 05 27 at 5 - ໄຂຂຶ້ນແລ້ວງານວາງສະແດງຮູບພາບ ແລະ ເຄື່ອງຫັດຖະກໍາບັນດາເຜົ່າຕ້ອນຮັບກອງປະຊຸມພົບປະຜູ້ຊົງຄຸນວຸດທິ
error: Alert: ເນື້ອຫາຂ່າວມີລິຂະສິດ !!