ເຊລຊີ ທຸ້ມ 71 ລ້ານປອນ ຊື້ ເກປ້າ ຈາກບິວເບົາ ເປັນຜູ້ຮັກສາປະຕູແພງສຸດໃນໂລກ

- news201808090539788 - ເຊລຊີ ທຸ້ມ 71 ລ້ານປອນ ຊື້ ເກປ້າ ຈາກບິວເບົາ ເປັນຜູ້ຮັກສາປະຕູແພງສຸດໃນໂລກ
- Untitled design - ເຊລຊີ ທຸ້ມ 71 ລ້ານປອນ ຊື້ ເກປ້າ ຈາກບິວເບົາ ເປັນຜູ້ຮັກສາປະຕູແພງສຸດໃນໂລກ

ເຊລຊີ ກ້າຈ່າຍ 71 ລ້ານປອນ ໃຫ້ ແອັດເລຕິກ ບິວເບົາ (Athletic Bilbao) ເພື່ອແລກກັບ ເກປ້າ ອາຣຣີຊາບາລາກ້າ (Kepa Arrizabalaga) ຜູ້ຮັກສາປະຕູໄວ 23 ປີ ຊາວສະເປນ ເພື່ອມາເປັນຕົວແທນ ຕີໂບລ ກູຕົວ (Thibaut Courtois) ທີ່ກຳລັງຈະຍ້າຍໄປຮ່ວມທັບ ຣີລ ມາດຣິດ. ໂດຍ ເກປ້າ ຕົກລົງເຊັນສັນຍາກັບ ເຊລຊີ 7 ປີ.

ຄ່າຕົວຂອງ ເກປ້າ 71 ລ້ານປອນ ກາຍເປັນຜູ້ຮັກສາປະຕູແພງສຸດໃນໂລກ ທຳລາຍສະຖິຕິຂອງ ອາລິສຊອນ ເບັກເກີ (Alisson Becker) ຜູ້ຮັກສາປະຕູທີມຊາດບາຣຊິ​ລ ທີ່ຍ້າຍຈາກໂຣມ້າ ມາຢູ່ກັບ ລີເວີພູລ 66,8 ລ້ານປອນ ຫລັງຈົບບານໂລກ 2018 ແລະ ກາຍເປັນນັກເຕະທີ່ ເຊລຊີ ຊື້ແພງສຸດ ແຊງສະຖິຂອງ ອາວວາໂລ້ ໂມຣາຕ້າ (Alvaro Morata) ກອງຫນ້າຊາວສະເປນ ມູນຄ່າ 60 ລ້ານປອນ ໃນເດືອນກໍລະກົດ 2017.

ເກປ້າ ເປັນຜູ້ຮັກສາປະຕູມື 2 ທີມຊາດສະເປນ ຮອງຈາກ ດາບິດ ເດເກອາ ຂອງແມນເຊັສເຕີ ຢູໄນເຕັດ ແລະ ເປັນນັກເຕະຄົນທີ 2 ທີ່ແອັດເລຕິກ ບິວເບົາ ປ່ອຍອອກໄດ້ມູນຄ່າສູງຕໍ່ຈາກ ເອເມຣິກ ລາປໍເຕ້ (Aymeric Laporte) ກອງຫລັງຊາວຝຣັ່ງ ຍ້າຍໄປຮ່ວມທັບ ແມນຊິຕີ້ ມູນຄ່າ 57 ລ້ານປອນ ໃນເດືອນມັງກອນ 2018.

- Wave100S AD to Website 2020 0 - ເຊລຊີ ທຸ້ມ 71 ລ້ານປອນ ຊື້ ເກປ້າ ຈາກບິວເບົາ ເປັນຜູ້ຮັກສາປະຕູແພງສຸດໃນໂລກ
- WhatsApp Image 2020 05 27 at 5 - ເຊລຊີ ທຸ້ມ 71 ລ້ານປອນ ຊື້ ເກປ້າ ຈາກບິວເບົາ ເປັນຜູ້ຮັກສາປະຕູແພງສຸດໃນໂລກ
- WhatsApp Image 2020 05 27 at 5 - ເຊລຊີ ທຸ້ມ 71 ລ້ານປອນ ຊື້ ເກປ້າ ຈາກບິວເບົາ ເປັນຜູ້ຮັກສາປະຕູແພງສຸດໃນໂລກ
error: Alert: ເນື້ອຫາຂ່າວມີລິຂະສິດ !!