ນະໂຍບາຍພາສີເພື່ອການພັດທະນາເສດຖະກິດ-ສັງຄົມ

- advert banner 728 90 728x90 - ນະໂຍບາຍພາສີເພື່ອການພັດທະນາເສດຖະກິດ-ສັງຄົມ

# ວິເສດ ສະແຫວງສຶກສາ

ມື້ນີ້ພວກເຮົາພາກັນເບິ່ງກວ້າງໆ ເພື່ອເຫັນໄກໆວ່າ ຢູ່ບາງປະເທດນັ້ນເຂົາມີນະ ໂຍບາຍພາສີ ຫຍັງແດ່ ເພື່ອ ສົ່ງເສີມການພັດທະນາເສດ ຖະກິດ-ສັງຄົມທັງເປັນລາຍ ຮັບໄປໃນຕົວເຊັ່ນຢູ່ ນິວຊີ ແລນ ປະເທດຄູ່ເຈລະຈາ ອາຊຽນນັ້ນກໍໄດ້ມີແຜນຈະ ເກັບພາສີນັກທ່ອງທ່ຽວ ຕ່າງປະເທດນັບແຕ່ກາງປີ 2019 ເປັນຕົ້ນໄປ, ພາສີນັກ ທ່ອງທ່ຽວນີ້ຈະເກັບພ້ອມໆ ກັບການຍື່ນເອກະສານຂໍວີຊາ.

ຮອງນາຍົກ ແນະນຳຂະແໜງພາສີແກ້ຂອດປະສານງານອັດຊ່ອງຫວ່າງການຮົ່ວໄຫຼລາຍຮັບທຸກກໍລະນີ

ມາດຕະການເພື່ອສັງຄົມ ເພື່ອເສດຖະກິດ

ທາງການນິວຊີແລນ ຄາດວ່ານະໂຍບາຍເກັບພາສີນັກທ່ອງທ່ຽວນີ້ຈະສ້າງລາຍຮັບເຂົ້າປະເທດໄດ້ເຖິງ 80 ລ້ານໂດລາ ນິວຊີແລນຕໍ່ປີ.

ເງິນຈຳນວນທີ່ວ່ານີ້ຈະບໍ່ນຳໃຊ້ເຮັດແນວອື່ນ, ແຕ່ຈະ ສຸມໃສ່ການພັດທະນາໂຄງ ສ້າງພື້ນຖານ, ການອະນຸລັກສະຖານທີ່ທ່ອງທ່ຽວທຳມະ ຊາດໃຫ້ສວຍງາມ ແລະ ຍືນຍົງ; ນະໂຍບາຍເກັບພາສີ ນີ້ ຍົກເວັ້ນສະເພາະນັກທ່ອງ ທ່ຽວຈາກປະເທດອົດສະຕຼາ ລີ ທີ່ເຂົ້າໄປທ່ຽວນິວຊີແລນ ໃນຈຳນວນຫລາຍທີ່ສຸດ.

ຢູ່ ມາເລເຊຍ ກໍມີນະໂຍ ບາຍເກັບພາສີນັກທ່ອງທ່ຽວ ເຊັ່ນກັນໃນອັດຕາ 2-3 ໂດລາ ສະຫະລັດຕໍ່ວັນ. ອັນນີ້ແມ່ນ ສະເພາະນັກທ່ອງທ່ຽວທີ່ພັກ ເຊົາຢູ່ໂຮງແຮມ, ເຮືອນພັກ, ຣີສອດ ແລະ ອື່ນໆ ແຕ່ສຳ ລັບນັກ ທ່ອງທ່ຽວທີ່ພັກເຊົາ ຢູ່ເຮືອນປະຊາຊົນແບບ “ໂຮມ ສະເຕ- Homestay” ນັ້ນຈະ ໄດ້ຮັບການຍົກເວັ້ນພາສີແຕ່ ຕ້ອງເປັນເຮືອນປະຊາຊົນທີ່ ໄດ້ຈົດທະບຽນກັບທາງການແລ້ວບໍ່ແມ່ນເຮັດໃຜເຮັດມັນ ຕາມໃຈ.

- lattana 1 - ນະໂຍບາຍພາສີເພື່ອການພັດທະນາເສດຖະກິດ-ສັງຄົມ
- 1 1 - ນະໂຍບາຍພາສີເພື່ອການພັດທະນາເສດຖະກິດ-ສັງຄົມ

ຢູ່ ປະເທດ ສະວິດ ຫລື ສະວິດເຊີແລນ ແດນເອີຣົບ ພຸ້ນກໍໄດ້ດຳເນີນການລົງປະ ຊາມະຕິກ່ຽວກັບການເພີ່ມອັດ ຕາພາສີຫວ່າງບໍ່ດົນມານີ້.

ທີ່ຈຳເປັນຕ້ອງມີການ ລົງປະຊາມະຕິກໍເພາະວ່າ ເປັນ ອັດຕາພາສີເພື່ອຊອກເງິນ ເຂົ້າ ໃສ່ລະບົບສະຫວັດດີການ ສັງຄົມທີ່ຕິດພັນກັບກອງທຶນ ບຳນານຂອງປະເທດ.

ດຽວນີ້ປະເທດ ສະວິດ ເຊີ ແລນພວມປະເຊີນກັບບັນຫາ ຈຳນວນຄົນເຖົ້າເພີ່ມຂຶ້ນແຕ່ ອັດຕາດອກ ເບ້ຍເວົ້າລວມ ແມ່ນຍັງຕ່ຳ ເຊິ່ງສົ່ງຜົນກະ ທົບໂດຍກົງຕໍ່ກອງທຶນບຳ ເນັດບຳນານ.

ຄົນອາຍຸ 50-60 ປີ ເຊິ່ງ ເປັນໄວກຽມເຂົ້າບຳນານໃນປະເທດນີ້ກວມອັດຕາສູງ ຫລາຍ. ອັດຕາການປັບຂຶ້ນ ພາສີຄັ້ງນີ້ ແມ່ນຈາກ 8% ມາ ເປັນ 8,3%, ໂດຍຈະຫັກເງິນ ປະກັນສັງຄົມຈາກຄ່າຈ້າງ ເພີ່ມ ຂຶ້ນຈາກ 10,25% ເປັນ 10,55%, ນອກຈາກນັ້ນຍັງ ມີການເພີ່ມອາຍຸພາສີ ຂອງ ແມ່ຍິງຈາກ 64 ປີມາເປັນ 65 ປີ ເທົ່າກັບຜູ້ຊາຍ.

ບັດນີ້ໄປເບິ່ງນະໂຍບາຍຫລຸດພາສີ ຢູ່ ສປ ຈີນ ເຊິ່ງໄດ້ ກາຍເປັນຂ່າວໃນຕົ້ນເດືອນ ກໍລະກົດປີນີ້. ຂ່າວບອກວ່າ ນັບແຕ່ວັນທີ 1 ກໍລະກົດປີນີ້ ເປັນຕົ້ນໄປຈີນໄດ້ເລີ່ມຫລຸດ ພາສີນຳເຂົ້າຜະລິດຕະພັນ ຈາກຕ່າງປະເທດຈຳນວນ ໜຶ່ງເຊັ່ນລົດຍົນ, ເຄື່ອງບໍລິ ໂພກປະຈຳວັນ.

ສຳລັບພາສີລົດຍົນນັ້ນ ຫລຸດຈາກ 25% ແລະ 20% ໃນເມື່ອກ່ອນມາເປັນ 15%, ເຄື່ອງອາໄຫລລົດຫລຸດລົງ ເປັນ 6%, ການຫລຸດພາສີ ເຄື່ອງບໍລິໂພກນັ້ນທາງການຈີນບອກວ່າ ເພື່ອຕອບສະ ໜອງຄວາມຮຽກຮ້ອງຕ້ອງ ການໃນການບໍລິໂພກແບບມີຫລາຍສີສັນ ແລະ ທາງເລືອກ ການຫລຸດພາສີ ຄັ້ງນີ້ເປັນຜົນ ປະໂຫຍດສຳລັບປະຊາຊົນ, ສຳລັບຊຸກຍູ້ວິສາຫະກິດ, ຫັນປ່ຽນຮູບແບບ ແລະ ຍົກລະ ດັບການຜະລິດພ້ອມທັງ ຈະເຮັດໃຫ້ຕະຫລາດທົ່ວ ໂລກໄດ້ຮັບຜົນປະໂຫຍດ ເຊັ່ນ ດຽວກັນອີກດ້ວຍ./.

- 0309N Ch600 - ນະໂຍບາຍພາສີເພື່ອການພັດທະນາເສດຖະກິດ-ສັງຄົມ
(ພາບປະກອບ)
error: Content is protected !!