Gamer ຊາວຊາອຸດິອາຣາບີ ຄວ້າແຊ້ມເກມບານໂລກ 2018

- 38918518 297313924370740 3277555823512911872 n - Gamer ຊາວຊາອຸດິອາຣາບີ ຄວ້າແຊ້ມເກມບານໂລກ 2018
- Untitled design - Gamer ຊາວຊາອຸດິອາຣາບີ ຄວ້າແຊ້ມເກມບານໂລກ 2018

ໂມຊາອັດ ອາວໂດສຊາຣີ (Mosaad Aldossary) ນັກກີລາອີສະປ໋ອດ ໄວ 18 ປີ ຊາວຊາອຸດິອາຣາບີ ສ້າງປະຫວັດສາດເປັນ Gamer ຄົນທີ 2 ຂອງຊາອຸດິອາຣາບີ ສາມາດຄວ້າແຊ້ມເກມບານໂລກ 2018 ຫລື 2018 FIFA eWorld Cup ທີ່ນະຄອນຫລວງລອນດອນ ປະເທດອັງກິດ ໃນຕົ້ນເດືອນສິງຫານີ້. ຮອບຊິງຊະນະເລີດ ເອົາຊະນະ ສະເຕຟາໂນ້ ປິນນ້າ (Stefano Pinna) ຈາກເບວຢ້ຽມ 4-0 ຈາກການລວມຜົນ 2 ນັດ ຮັບຂັນແຊ້ມ ພ້ອມເງິນລາງວັນ 250.000 ໂດລາສະຫະລັດ, ຮອງແຊ້ມໄດ້ 50.000 ໂດລາສະຫະລັດ.

ອາວໂດສຊາຣີ ກາຍເປັນ Gamer ຄົນທີ 2 ຂອງຊາອຸດິອາຣາບີ ທີ່ສາມາດຄວ້າແຊ້ມລາຍການນີ້ ຕໍ່ຈາກ ອັບດຸນລາຊິສ ອາວເຊຣີ (Abdulaziz Alshehri) ໃນປີ 2015.

ອາວໂດສຊາຣີ ກ່າວວ່າ: ພູມໃຈທີ່ໄດ້ສ້າງປະຫວັດສາດໃຫ້ປະເທດ, ນີ້ເປັນແຊ້ມລາຍການທີ 2 ທີ່ຂ້ອຍເຮັດໄດ້ຢູ່ອັງກິດ, ປີກາຍນີ້ຂ້ອຍໄດ້ 1 ແຊ້ມ, ປີນີ້ຂ້ອຍໄດ້ມາແລ້ວ 2 ແຊ້ມ, ຫວັງວ່າຜົນງານຈະດີຂຶ້ນເລື້ອຍໆ.

- Wave100S AD to Website 2020 0 - Gamer ຊາວຊາອຸດິອາຣາບີ ຄວ້າແຊ້ມເກມບານໂລກ 2018

ໂອກາດນີ້ ສະຫະພັນບານເຕະນາໆຊາດ ຫລື ຟີຟາ ໄດ້ເຊີນ ອາວໂດສຊາຣີ ເຂົ້າຮ່ວມງານປະກາດລາງວັນບານເຕະດີເດັ່ນຂອງໂລກ ຫລື FIFA Best Awards ປະຈຳປີ 2018 ຊຶ່ງຈະຈັດຂຶ້ນຢູ່ນະຄອນຫລວງລອນດອນປະເທດອັງກິດ ໃນວັນທີ 24 ກັນຍາ 2018. ອາວໂດສຊາຣີ ອາດມີໂອກາດກະທົບໄຫລ່ ຄຣີສເຕຍໂນ ໂຣນັລໂດ້ ແລະ ລີໂອເນວ ເມສຊີ.

ສຳລັບການແຂ່ງຂັນ FIFA eWorld Cup ເລີ່ມມາແຕ່ປີ 2004 ຮູບແບບການແຂ່ງຂັນເໝືອນກັບການແຂ່ງຂັນຕົວຈິງບານໂລກ 2018 ແຕ່ຄັດເລືອກມີນັກກິລາເຂົ້າຮ່ວມຄັດເລືອກ 20 ລ້ານກວ່າຄົນໃນທົ່ວໂລກ, ຄັດເອົາ 32 ຄົນ ເຂົ້າສູ່ຮອບສຸດທ້າຍ, ແບ່ງເປັນກຸ່ມແຂ່ງຂັນ, ຄັດເອົາ 2 ຄົນເຂົ້າສູ່ຮອບນັອກເອົ້າ 16 ຄົນ ຈົນໄປເຖິງຮອບຊິງຊະນະເລີດ ໂດຍຮອບຊິງແຂ່ງ 2 ນັດ ລັກສະນະໄປ-ກັບ ໂດຍມີການຖ່າຍທອດສົດຜ່ານ Sky Sports ແລະ ມີການ Live stream ທາງສື່ອອນລາຍມີຜູ້ຊົມຫລາຍລ້ານຄົນ, ສ່ວນໃນສະໜາມ ໂອທູ ອາຣີນ້າ (02 Arena) ແຕ່ລະວັນມີຜູ້ຊົມບໍ່ຕໍ່າກວ່າ 3.500 ຄົນ.

- WhatsApp Image 2020 05 27 at 5 - Gamer ຊາວຊາອຸດິອາຣາບີ ຄວ້າແຊ້ມເກມບານໂລກ 2018
- WhatsApp Image 2020 05 27 at 5 - Gamer ຊາວຊາອຸດິອາຣາບີ ຄວ້າແຊ້ມເກມບານໂລກ 2018
error: Alert: ເນື້ອຫາຂ່າວມີລິຂະສິດ !!