ໄຂຂໍ້ສົງໄສຍ້ອນຫຍັງຄົນສະຫລາດຈຶ່ງມີໝູ່ໜ້ອຍ

- 031308 2018 - ໄຂຂໍ້ສົງໄສຍ້ອນຫຍັງຄົນສະຫລາດຈຶ່ງມີໝູ່ໜ້ອຍ
- Untitled design - ໄຂຂໍ້ສົງໄສຍ້ອນຫຍັງຄົນສະຫລາດຈຶ່ງມີໝູ່ໜ້ອຍ

     – ອັນໃດທີ່ເຮັດໃຫ້ຄົນສ່ວນຫລາຍມີຄວາມສຸກ : ວຽກງານວິໄຈໃໝ່ຂອງ The British Journal of Psychology ໄດ້ຕັ້ງຄຳຖາມວ່າ : “ຫົວໃຈຫລັກຂອງການມີຊີວິດທີ່ດີແມ່ນຫຍັງ ?” ໂດຍນັກວິໄຈໄດ້ສຳຫລວດຄົນຈຳນວນ 15 ພັນຄົນ ໃນໄລຍະອາຍຸ 18 – 28 ປີ ແລ້ວພົບວ່າ : ຄົນທີ່ຢູ່ໃນເຂດຊຸມຊົນທີ່ມີຄວາມໜາແໜ້ນຂອງປະຊາກອນຫລາຍ ຈະລະບຸວ່າ ພວກເຂົານັ້ນບໍ່ຄ່ອຍພຶງພໍໃຈຕໍ່ຄຸນນະພາບຊີວິດຂອງໂຕເອງຫລາຍປານໃດ. ນອກຈາກນີ້ ຍັງພົບວ່າກຸ່ມຄົນທີ່ໄດ້ມີໂອກາດພົບປະພົວພັນກັບໝູ່ສະໜິດຕະຫລອດ ຈະລະບຸວ່າ ພວກເຂົານັ້ນມີຄວາມສຸກເພີ່ມຂຶ້ນຈາກເກົ່າຫລາຍ.

     – ຄົນສະຫລາດຄືຂໍ້ຍົກເວັ້ນ : ແນວໃດກໍຕາມ ມັນຍັງມີຂໍ້ຍົກເວັ້ນຢູ່ ເພາະຄວາມສຳພັນທີ່ກ່າວມານີ້ຊຳ້ພັດຫລຸດລົງຢ່າງເຫັນໄດ້ແຈ້ງໃນຜູ້ທີ່ມີໄອຄິວສູງ ໂດຍຄວາມໜາແໜ້ນຂອງປະຊາກອນໄດ້ສົ່ງຜົນກະທົບຕໍ່ຄົນສະຫລາດຫລາຍ ແລະ ຄົນສະຫລາດມີຄວາມພຶງພໍໃຈຕໍ່າ ຍິ່ງກ່ວາຄົນທີ່ມີໄອຄິວຕໍ່າກ່ວາເຖິງ 2 ເທົ່າ ໝາຍຄວາມວ່າ ຍິ່ງທ່ານສະຫລາດ ທ່ານຍິ່ງບໍ່ມັກເຂົ້າສັງຄົມ, ທ່ານຈະມີຄວາມພຶງພໍໃຈກັບຊີວິດໜ້ອຍລົງເມື່ອຕ້ອງເຂົ້າສັງຄົມ ແລະ ພົບປະຜູ້ຄົນຕະຫລອດ ແລ້ວຍ້ອນຫຍັງຈຶ່ງເປັນແນວນັ້ນ ?

     – ຄົນສະຫລາດຈະເນັ້ນໃສ່ເປົ້າໝາຍໃນໄລຍະຍາວ : ຄົນທີ່ມີໄອຄິວສູງມັກຈະບໍ່ໃຊ້ເວລາໄປກັບການເຂົ້າສັງຄົມ ນັ້ນເປັນຍ້ອນຄົນສະຫລາດມັກເນັ້ນໄປໃສ່ເປົ້າໝາຍໃນໄລຍະຍາວ ພວກເຂົາມີຄວາມສົນໃຈ ແລະ ມີແຮງຊຸກຍູ້ໃນການຈະສ້າງບາງສິ່ງທີ່ຍິ່ງໃຫຍ່.

ຍົກໂຕຢ່າງ ໝູ່ທີ່ທ່ານຮູ້ຈັກທີ່ໄດ້ເຂົ້າຮຽນຕໍ່ໃນລະດັບທີ່ສູງຂຶ້ນ ຫລື ໄດ້ເຮັດທຸລະກິດຂອງຕົນເອງ ໃນຂະນະທີ່ພວກເຂົາຍ່າງຕາມຄວາມຝັນ ພວກເຂົາໄດ້ຫລຸດການພົບປະຜູ້ຄົນ ເພື່ອເນັ້ນໄປໃສ່ການເຮັດວຽກ ແລະ ການສ້າງຝັນຂອງພວກເຂົາ ແລະ ໝັ່ນເຮັດໃຫ້ພວກເຂົາເສຍສະມາທິໃນການທີ່ຈະກ້າວໄປໃຫ້ເຖິງເປົ້າໝາຍໄລຍະຍາວຂອງພວກເຂົາ. ໃນທາງກົງກັນຂ້າມ ມັນສົ່ງຜົນຕໍ່ຄວາມສຸກຂອງພວກເຂົານຳ. ໃນລະຫ່ວາງທີ່ກຳລັງຍ່າງໄປຕາມເປົ້າໝາຍ ຄົນສະຫລາດຈະເກັບໂຕ ແລະ ໃສ່ໃຈກັບຄວາມຝັນທີ່ແທ້ຈິງຂອງພວກເຂົາແທນການອອກໄປທ່ຽວໃນຄືນວັນເສົາພົບປະໝູ່ເພື່ອນສອງສາມຄົນ ບໍ່ແມ່ນວ່າພວກເຂົາເບິ່ງບໍ່ເຫັນຄຸນຄ່າຂອງໝູ່ ພຽງແຕ່ໃນລະຫ່ວາງທີ່ກຳລັງມຸ່ງໜ້າສູ່ຄວາມສຳເລັດອັນຍິ່ງໃຫຍ່ ພວກເຂົາອາດເບິ່ງວ່າການເຂົ້າສັງຄົມເປັນການລົບກວນສະມາທິຂອງພວກເຂົາ.

     – ພັດທະນາການທີ່ແຕກຕ່າງຂອງຄົນສະຫລາດໃນຊ່ວງວິວັດທະນາການຂອງສະໝອງ : ມະນຸດສະໄໝບູຮານຈຳເປັນຕ້ອງໄດ້ສ້າງຄວາມສຳພັນກັບຄົນໃກ້ຊິດເພື່ອຄວາມຢູ່ລອດ ແລະ ການດຳລົງເຜົ່າພັນສືບໄປ, ແຕ່ເມື່ອມາເຖິງສະໄໝນີ້ ການໃຊ້ຊີວິດຂອງມະນຸດໄດ້ປ່ຽນໄປຫລາຍ ແລະ ການສ້າງຄວາມສຳພັນກໍເປັນໄປຢ່າງງ່າຍດາຍ ຄົນສະຫລາດມັກຈະເປັນຜູ້ທີ່ຈັກການກັບບັນຫາຕ່າງໆໃນປະຈຸບັນໄດ້ຫລາຍກ່ວາ ນັ້ນໝາຍຄວາມວ່າ ຄົນສະຫລາດມີຄວາມສາມາດໃນການແກ້ໄຂບັນຫາໃໝ່ໆ ແລະ ຮັບມືກັບເຫດການໃໝ່ໆໄດ້ງ່າຍຂຶ້ນ, ເມື່ອທ່ານສະຫລາດ ທ່ານຈະຍິ່ງສາມາດປັບໂຕເຂົ້າກັບສິ່ງຕ່າງໆໄດ້ງ່າຍຂຶ້ນ.

- Wave100S AD to Website 2020 0 - ໄຂຂໍ້ສົງໄສຍ້ອນຫຍັງຄົນສະຫລາດຈຶ່ງມີໝູ່ໜ້ອຍ

     – ຄົນສະຫລາດເຫັນຄຸນຄ່າຂອງຄວາມສຳພັນຕ່າງຈາກຄົນທົ່ວໄປ : ຄົນສະຫລາດໃຫ້ຄວາມສຳຄັນກັບໝູ່ ແລະ ສັງຄົມຄືກັນ ກັບຄົນທົ່ວໄປຢູ່, ພຽງແຕ່ວ່າພວກເຂົາອ່າວຫລາຍເລື່ອງເມື່ອຕ້ອງແບ່ງເວລາເພື່ອໃຫ້ໃຊ້ຢ່າງກຸ້ມຄ່າ ບໍ່ແມ່ນພວກເຂົາບໍ່ຮັກໝູ່ ຫລື ການສັງສັນ ພຽງແຕ່ພວກເຂົາກໍຮັກເປົ້າໝາຍສ່ວນໂຕຂອງພວກເຂົາທີ່ຈະຕ້ອງກ້າວໄປເຖິງໃຫ້ໄວທີ່ສຸດຄືກັນ.

- WhatsApp Image 2020 05 27 at 5 - ໄຂຂໍ້ສົງໄສຍ້ອນຫຍັງຄົນສະຫລາດຈຶ່ງມີໝູ່ໜ້ອຍ
- WhatsApp Image 2020 05 27 at 5 - ໄຂຂໍ້ສົງໄສຍ້ອນຫຍັງຄົນສະຫລາດຈຶ່ງມີໝູ່ໜ້ອຍ
error: Alert: ເນື້ອຫາຂ່າວມີລິຂະສິດ !!