5 ສິ່ງທີ່ທ່ານຄວນເຮັດໃນເຊົ້າວັນຈັນເພື່ອຄວາມສຳເລັດໄປໝົດອາທິດ

- 011308 2018 - 5 ສິ່ງທີ່ທ່ານຄວນເຮັດໃນເຊົ້າວັນຈັນເພື່ອຄວາມສຳເລັດໄປໝົດອາທິດ
- Untitled design - 5 ສິ່ງທີ່ທ່ານຄວນເຮັດໃນເຊົ້າວັນຈັນເພື່ອຄວາມສຳເລັດໄປໝົດອາທິດ

ທ່ານຮູ້ສຶກບໍ່ວ່າມື້ພັກເສົາ – ອາທິດມັນຊ່າງສັ້ນແທ້ໆ ເຜີໜ້ອຍດຽວວັນຈັນກໍມາຮອດແລ້ວ ເມື່ອຮອດເຊົ້າວັນຈັນຍາມໃດກໍຈະເລີ່ມຮູ້ສຶກວ່າ  ເຮົາຕ້ອງເຮັດວຽກອີກຫລາຍມື້ກ່ວາຈະໄດ້ພັກ ຍິ່ງຄິດກໍຍິ່ງເຮັດໃຫ້ຈິດໃຈຫົດຫູ່ໄດ້ງ່າຍ, ແຕ່ເຮົາກໍບໍ່ສາມາດເຮັດຫຍັງໄດ້ ນອກຈາກການກຽມພ້ອມຮັບມືກັບສິ່ງທີ່ເຮົາຈະຕ້ອງພົບໄປໝົດອາທິດ. ດັ່ງນັ້ນແລ້ວ ເຊົ້າວັນຈັນຈຶ່ງເປັນການເລີ່ມຕົ້ນທີ່ດີທີ່ສຸດ ທ່ານຄວນຈະວາງແຜນເພື່ອໃຫ້ເວລາທີ່ເຫລືອໝົດອາທິດຂອງທ່ານຄ່ອງແຄ້ວຂຶ້ນ ມື້ນີ້ພວກເຮົາມີເຄັດລັບດີໆທີ່ຈະມາຊ່ວຍໃຫ້ທ່ານເບິ່ງເຊົ້າວັນຈັນປ່ຽນໄປຈາກແຕ່ກ່ອນ.

  1. ເລີ່ມຕົ້ນໃຫ້ໄວຂຶ້ນ : ລອງໄປຮອດບ່ອນເຮັດວຽກໃຫ້ໄວຂຶ້ນຕື່ມໜ້ອຍໜຶ່ງ ແລ້ວໃຊ້ເວລາຊ່ວງນັ້ນທົບທວນວ່າອາທິດນີ້ທ່ານມີຫຍັງຕ້ອງເຮັດແດ່, ອາດຈະວາງແຜນຕັ້ງເປົ້າໝາຍໄວ້ໝົດອາທິດເພື່ອໃຫ້ເຫັນພາບລວມໄດ້ຈະແຈ້ງຂຶ້ນ ມັນຈະຊ່ວຍໃຫ້ການເຮັດວຽກຂອງທ່ານມີລະບຽບ ແລະ ຈັດການໄດ້ງ່າຍຂຶ້ນ.
  2. ກຳໜົດເປົ້າໝາຍໃໝ່ໆ : ໃນທຸກວັນຈັນ ເຊິ່ງເປັນວັນເລີ່ມຕົ້ນອາທິດ ຢາກໃຫ້ທ່ານລອງກຳໜົດເປົ້າໝາຍໃໝ່ໆຂອງອາທິດ ນັ້ນ ແລ້ວພະຍາຍາມຍ່າງໄປຕາມເປົ້າໝາຍທີ່ຕັ້ງໄວ້ ເຊິ່ງຈະຊ່ວຍໃຫ້ທ່ານເຮັດສິ່ງທີ່ຢາກເຮັດໄດ້ສຳເລັດ, ແຕ່ຖ້າທ່ານຮູ້ສຶກວ່າບໍ່ໄດ້ບັນລຸເປົ້າໝາຍ ກໍສາມາດກັບມານັ່ງທົບທວນວ່າເຮົາພາດຫຍັງໄປແດ່ ແລະ ຈະພັດທະນາໃຫ້ດີຂຶ້ນໄດ້ແນວໃດ.
  3. ຈັດແຜນປະຊຸມຂອງໝົດອາທິດ : ວັນຈັນແມ່ນເວລາທີ່ດີທີ່ສຸດສຳລັບການຈັດຕາຕະລາງປະຊຸມກັບທີມຂອງທ່ານ ລອງຈັດ ແຜນວ່າທ່ານຈະຈັດປະຊຸມຈັກເທື່ອ, ປະຊຸມເລື່ອງຫຍັງ ແລະ ຢ່າລືມວ່າການປະຊຸມເພື່ອປຶກສາກັບເພື່ອນຮ່ວມງານນັ້ນສຳຄັນຫລາຍ ແລະ ການຈັດຕາຕະລາງໃນເຊົ້າວັນຈັນກໍຊ່ວຍໃຫ້ທ່ານເຫັນພາບລວມທັງໝົດຂອງອາທິດໄດ້ນຳ.
  4. ສະແດງຄວາມຍ້ອງຍໍຊົມເຊີຍທີມງານ : ຄົນທີ່ທ່ານຄິດວ່າເຂົາເຮັດວຽກໄດ້ດີ ແລະ ມີສ່ວນຊ່ວຍເຫລືອບໍລິສັດຢ່າງເຕັມທີ່ກັບຄວາມສາມາດ ລູກທີມຂອງທ່ານຍ່ອມຢາກໄດ້ຮັບຄຳຍ້ອງຍໍຊົມເຊີຍເພື່ອເປັນແຮງກະຕຸ້ນໃຫ້ພວກເຂົາເຮັດວຽກໄດ້ດີຂຶ້ນ ທ່ານອາດຈະຍ້ອງຍໍຊົມເຊີຍໂດຍການສົ່ງອີເມວ, ໂອ້ລົມ ຫລື ໃຫ້ຂອງຂັວນນ້ອຍໆ ແມ່ນແຕ່ການພາໄປລ້ຽງເຂົ້າກໍໃຊ້ໄດ້ຄືກັນ. ວັນຈັນແມ່ນການເລີ່ມຕົ້ນ ສະນັ້ນ ຄຳຍ້ອງບໍ່ພຽງເທົ່າໃດຄຳກໍສາມາດເປັນຈຸດເລີ່ມຕົ້ນທີ່ຈະເຮັດໃຫ້ພວກເຂົາມີໄຟໄປໝົດອາທິດໄດ້ເລີຍ.
  5. ປະເມີນຄວາມທ້າທາຍທີ່ກຳລັງຈະເຂົ້າມາ : ເພາະວ່າຄວາມທ້າທາຍນັ້ນເກີດຂຶ້ນໄດ້ຕະຫລອດເວລາ ການໃຊ້ຊ່ວງເວລາ ຂອງເຊົ້າວັນຈັນພຽງບໍ່ດົນມານັ່ງປະເມີນວ່າມີຄວາມທ້າທາຍຫຍັງທີ່ອາດຈະເກີດຂຶ້ນໄດ້ແດ່ນັ້ນ ຈະຊ່ວຍໃຫ້ທ່ານສາມາດກຽມໂຕຮັບມື ແລະ ແກ້ບັນຫາເຫລົ່ານັ້ນໄດ້ວ່ອງໄວຍິ່ງຂຶ້ນ.

ຖ້າທ່ານເຮັດສິ່ງເຫລົ່ານີ້ເປັນປະຈຳໃນເຊົ້າວັນຈັນ ທ່ານຈະຄົ້ນພົບຢ່າງວ່ອງໄວວ່າວັນຈັນບໍ່ໄດ້ເປັນມື້ທີ່ໂຫດຮ້າຍສະເໝີໄປ ມັນ ເປັນມື້ແຫ່ງການເລີ່ມຕົ້ນ ແລະ ເຮັດໃຫ້ທ່ານສາມາດກ້າວໄປສູ່ຄວາມສຳເລັດໄດ້ຖ້າທ່ານວາງແຜນຈັດການຢ່າງເປັນລະບົບ ມັນກໍຈະເປັນປະໂຫຍດຕໍ່ທ່ານຫລາຍ.

- Wave100S AD to Website 2020 0 - 5 ສິ່ງທີ່ທ່ານຄວນເຮັດໃນເຊົ້າວັນຈັນເພື່ອຄວາມສຳເລັດໄປໝົດອາທິດ
- WhatsApp Image 2020 05 27 at 5 - 5 ສິ່ງທີ່ທ່ານຄວນເຮັດໃນເຊົ້າວັນຈັນເພື່ອຄວາມສຳເລັດໄປໝົດອາທິດ
- WhatsApp Image 2020 05 27 at 5 - 5 ສິ່ງທີ່ທ່ານຄວນເຮັດໃນເຊົ້າວັນຈັນເພື່ອຄວາມສຳເລັດໄປໝົດອາທິດ
error: Alert: ເນື້ອຫາຂ່າວມີລິຂະສິດ !!