ກຳປູເຈຍ ແຕ່ງຕັ້ງ ເຄຊຸເກະ ຮ໋ອນດະ ຄູຝຶກກຽມລຸຍ ຊູຊູກິຄັບ 2018

- 39050571 765431080454937 919393498384302080 n - ກຳປູເຈຍ ແຕ່ງຕັ້ງ ເຄຊຸເກະ ຮ໋ອນດະ ຄູຝຶກກຽມລຸຍ ຊູຊູກິຄັບ 2018
- Untitled design - ກຳປູເຈຍ ແຕ່ງຕັ້ງ ເຄຊຸເກະ ຮ໋ອນດະ ຄູຝຶກກຽມລຸຍ ຊູຊູກິຄັບ 2018

​ໃນ​ວັນ​ທີ 12 ສິງຫາ 2018 ສະຫະພັນບານເຕະກຳປູເຈຍ ປະກາດຜ່ານເວັບໄຊທາງການ ໄດ້ແຕ່ງຕັ້ງ ເຄຊຸເກະ ຮ໋ອນດະ (Keisuke Honda) ນັກເຕະສາລະພັດປະໂຫຍດ ປະ​ເທດຍີ່ປຸ່ນ ອາຍຸ 32 ປີ ອະດີດນັກເຕະສະໂມສອນເອຊີ ມິລານ ເປັນຜູ້ຈັດການທີມ ແລະ ຄູຝຶກ​ໃໝ່ທີມຊາດຊຸດໃຫຍ່ ລຸຍບານ​ເຕະຊາຍຊິງແຊ້ມອາຊຽນ ຫລື ຊູຊູກິຄັບ 2018 ໃນທ້າຍປີນີ້ ເຊັນສັນຍາ 2 ປີ.

ທ່ານ ເຄຊຸເກະ ຮ໋ອນດະ ຫາກໍປະກາດອຳລາທີມຊາດຍີ່ປຸ່ນ ຫລັງຈົບບານໂລກ 2018 ແລະ ຫາກໍຍ້າຍຈາກສະໂມສອນ ປາຊູກ້າ (Pachuca) ທີມດັງໃນລີກສູງສຸດຂອງເມັກຊິໂກ ມາຢູ່ກັບສະໂມສອນ ເມວເບິນ ວິກຕໍຣີ (Melbourne Victory) ທີມໃນລີກສູງສຸດຂອງອົດສະຕຣາລີ ໃນວັນທີ 6 ສິງຫາຜ່ານມາ, ແຕ່ ຮ໋ອນດະ ຂໍອະນຸຍາດຈາກສະໂມສອນຕົ້ນສັງກັດໃໝ່ ຂໍຮັບ 2 ງານ ຊ່ວຍທັງ ເມວເບິນ ວິກຕໍຣີ ແລະ ທີມຊາດກຳປູເຈຍ ເປັນການກັບມາກຳປູເຈຍອີກຄັ້ງ.

ເຄຊຸເກະ ຮ໋ອນດະ ເປັນນັກເຕະທີ່ຫລິ້ນໄດ້ຫລາຍຕໍາແໜ່ງ ເປັນຕົ້ນກອງກາງຕົວບຸກ, ປີກ ແລະ ກອງຫນ້າ, ຮັບໃຊ້ທີມຊາດຍີ່ປຸ່ນມາ 10 ປີ (2008-2018) ລົງສະໜາມຊ່ວຍທີມ 98 ນັດ, ຍິງໄດ້ 37 ປະຕູ, ສ້າງປະຫວັດສາດກາຍເປັນນັກເຕະຄົນທຳອິດຂອງຍີ່ປຸ່ນຍິງປະຕູໃນບານໂລກຮອບສຸດທ້າຍ 3 ສະໄຫມຊ້ອນ 2010, 2014 ແລະ 2018 ພ້ອມກັບເປັນນັກເຕະຄົນທຳອິດຂອງອາຊີ ຍິງປະຕູຫລາຍສຸດໃນບານໂລກຮອບສຸດທ້າຍ 4 ປະຕູຈາກການລົງຫລິ້ນ 3 ຄັ້ງ 2010, 2014 ແລະ 2018. ໃນນາມສະໂມສອນ ມີປະສົບການສັງກັດກັບ 5 ສະໂມສອນ Nagoya Grampus (ຍີ່ປຸ່ນ),VVV-Venlo (ເນເທີແລນ),CSKA Moscow (ຣັດເຊຍ), Milan (ອີຕາລີ),Pachuca (ເມັກຊິໂກ້) ແລະ ກຽມພົບກັບຄວາມທ້າທາຍກັບຕົ້ນສັງກັດໃຫມ່ Melbourne Victory (ອົດສະຕຣາລີ) ລົງຫລິ້ນທັງຫມົດ 430 ນັດ, ຍິງໄດ້ 88 ປະຕູ.

- Wave100S AD to Website 2020 0 - ກຳປູເຈຍ ແຕ່ງຕັ້ງ ເຄຊຸເກະ ຮ໋ອນດະ ຄູຝຶກກຽມລຸຍ ຊູຊູກິຄັບ 2018
- WhatsApp Image 2020 05 27 at 5 - ກຳປູເຈຍ ແຕ່ງຕັ້ງ ເຄຊຸເກະ ຮ໋ອນດະ ຄູຝຶກກຽມລຸຍ ຊູຊູກິຄັບ 2018
- WhatsApp Image 2020 05 27 at 5 - ກຳປູເຈຍ ແຕ່ງຕັ້ງ ເຄຊຸເກະ ຮ໋ອນດະ ຄູຝຶກກຽມລຸຍ ຊູຊູກິຄັບ 2018
error: Alert: ເນື້ອຫາຂ່າວມີລິຂະສິດ !!