ພັດທະນາຕະຫຼາດພັນທະບັດພາຍໃນເຂັ້ມແຂງເຮັດໃຫ້ເສດຖະກິດມີຄວາມໝັ້ນທ່ຽງ

- Finance - ພັດທະນາຕະຫຼາດພັນທະບັດພາຍໃນເຂັ້ມແຂງເຮັດໃຫ້ເສດຖະກິດມີຄວາມໝັ້ນທ່ຽງ
- Untitled design - ພັດທະນາຕະຫຼາດພັນທະບັດພາຍໃນເຂັ້ມແຂງເຮັດໃຫ້ເສດຖະກິດມີຄວາມໝັ້ນທ່ຽງ

ການພັດທະນາຕະຫຼາດພັນທະບັດພາຍໃນໃຫ້ມີຄວາມເຂັ້ມແຂງແມ່ນມີຄວາມສຳຄັນຫຼາຍ ເພາະສາມາດຫຼຸດຜ່ອນການເໜັງຕີງຂອງເສດຖະກິດຈາກພາຍນອກ ແລະ ຊ່ວຍໃຫ້ເສດຖະກິດພາຍໃນມີຄວາມໝັ້ນທ່ຽງ, ພ້ອມທັງຮັບປະກັນການດຸ່ນດ່ຽງງົບປະມານ, ພັດທະນາພື້ນຖານໂຄງລ່າງ ແລະ ຂະຫຍາຍການຜະລິດທຸລະກິດ.

ອີງຕາມການເປີດເຜີຍຂອງຜູ້ຊ່ຽວຊານອາວຸໂສຂອງຫ້ອງການທະນາຄານພັດທະນາອາຊີ (ADB) ປະຈໍາ ສປປ ລາວ ຕໍ່ກອງປະຊຸມ​ສໍາ​ມະ​ນາ​ກ່ຽວ​ກັ​ບຕະຫຼາດ​ພັນທະບັດ ​ໃນ​ພາກ​ພື້ນ​ອາຊີ​ຕາ​ເວັນ​ອອກ (Workshop on Bond Markets in Emerging East Asia) ທີ່ໄດ້ຈັດຂຶ້ນໃນທ້າຍອາທິດຜ່ານມາ, ທີ່ ນະຄອນຫຼວງວຽງ​ຈັນ, ໂດຍກະຊວງ​ການ​ເງິນ  ​ຮ່ວມກັບທະນາຄານ ພັດທະ​ນາ​ອາ​ຊີ​ເປັນ​ຜູ້ຈັດຂຶ້ນ, ພາຍ​ໃຕ້​ການ​​ເປັນ​ປະທານຂອງ ທ່ານ ນາງ ວານິດາ ສະຫວັດດີ ຮອງຫົວໜ້າ​ກົມ​ການ​ເງິນ​ຕ່າງປະ​ເທດ ​ແລະ ຄຸ້ມ​ຄອງ​ໜີ້​ສິນ ກະຊວງ​ການ​ເງິນ.

ກອງ​ປະຊຸ​ມສໍາ​ມະ​ນາ​ດັ່ງກ່າວ​ພາຍ​ໃຕ້​ຂໍ້​ລິ​ເລີ່ມຕະຫຼາດ​ພັນທະບັດ​ອາຊີ ແນ່​ໃສ່​ຊຸກຍູ້​ສົ່ງ​ເສີມ​ການ​ພັດທະນາ​ຕະຫຼາດ​ພັນທະບັດທີ່​ເປັນ​ສະກຸນ​ເງິນ​ທ້ອງຖິ່ນ​ໃນ​ພາກ​ພື້ນ​ອາ​ຊຽນ+3 ເພື່ອ​ສົ່ງ​ເສີມ​ຄວາມ​ຮູ້​ຄວາມ​ເຂົ້າ​ໃຈ​ກ່ຽວ​ກັບ​ການ​ພັດ​ທະນາຕະຫລາດ​ພັນທະບັດພ້ອມ​ເປັນ​ການ​ແລກປ່ຽນ​ບົດຮຽນ ​ແລະ ປະສົບ​ການ​ກ່ຽວກັບການ​ພັດທະນາ​ຕະຫຼາດ​ພັນທະບັດ​ໃນ​ພາກ​ພື້ນ​ອາ​ຊຽນ+3, ພ້ອມ​ທັງ​ສ້າງ​ຂີດ​ຄວາມ​ສາມາດ​ໃຫ້​ແກ່ຜູ້​ເຂົ້າ​ຮ່ວມ​ຈາ​ກຂະ​ແໜງ​ການ ​ແລະ ອົງການ​​ກ່ຽວຂ້ອງຂອງ  ລາວ ໂດຍສະເພາະແມ່ນເນັ້ນໃສ່ການພັດທະນາຕະຫຼາດພັນທະບັດພາຍໃນໃຫ້ມີຄວາມເຂັ້ມແຂງສາມາດຫຼຸດຜ່ອນການເໜັງຕີງຂອງເສດຖະກິດຈາກພາຍນອກ ແລະ ຊ່ວຍໃຫ້ເສດຖະກິດພາຍໃນມີຄວາມໝັ້ນທ່ຽງ, ພ້ອມທັງຮັບປະກັນການດຸ່ນດ່ຽງງົບປະມານ, ພັດທະນາພື້ນຖານໂຄງລ່າງ ແລະ ຂະຫຍາຍການຜະລິດທຸລະກິດ.

ສໍາລັບ​ ສປປ ລາວ ການ​ພັດທະນາ​ຕະຫຼາດ​ພັນທະບັດ​ໄດ້​ເ​ລີ່ມແຕ່​ຊຸມ​ປີ 1990​​ ​ໂດຍ​​ການອ​ອກພັນທະບັດ​ຄັງ​ເງິນ ​ແລະ ມາ​ຮອດ​ປັດຈຸບັນກໍ​ໄດ້​​ເພີ່ມ ​ແລະ ຂະຫຍາຍການ​ອອກພັນທະບັດປະ​ເພດ​ອື່ນໆທີ່​ມີ​ໄລ​ຍະ​ເວລາ​ແຕກ​ຕ່າງກັນ​ຄື:  1 ປີ, 2 ປີ,3 ປີ, 4 ປີ ແລະ 5 ປີ. ສໍາລັບການ​ພັດທະນາ​ພັນທະບັດວິ​ສະຫະ​ກິດ​ແມ່ນ​ຢູ່​ໃນ​ຂັ້ນ​ຕອນ​ການກະກຽມ.

- Wave100S AD to Website 2020 0 - ພັດທະນາຕະຫຼາດພັນທະບັດພາຍໃນເຂັ້ມແຂງເຮັດໃຫ້ເສດຖະກິດມີຄວາມໝັ້ນທ່ຽງ

ກອງ​ປະຊຸມ​ຄັ້ງ​ນີ້ຍັງໄດ້​ເຊື້​ອ​ເຊີນ​ເອົາ​ຊ່ຽວຊານ​ຈາກພາກ​ພື້ນ ​ແລະ ສາກົນ​ເຂົ້າ​ຮ່ວມ​ສະ​ເໜີ​ໃນ​ຫົວຂໍ້​ຕ່າງໆຄື: ທະນາຄານພັດທະນາ​ອາຊີ, ກະຊວງ​ການ​ເງິນ ອິນ​ໂດ​ເນ​ເຊຍ, ສໍານັກງານ​ຄຸ້ມ​ຄອງ​ຫຼັກຊັບ ຂອງມາ​ເລ​ເຊຍ, ອົງການ​ປະ​ເມີນ​ລາຄາ​ພັນທະບັດຂອງມາ​ເລ​ເຊຍ, ກະຊວງ​ການ​ເງິນຂອງຟິລິບ​ປິນ, ສະມາຄົມ​ພັນ ທະບັດຂອງ​ໄທ ​ແລະ ສະ​ຖາບັ​ນຄົ້ນຄວ້າ​ໂນ​ມູຣະຂອງຍີ່ປຸ່ນ​ເຂົ້າຮ່ວມ​ນຳ​ດ້ວຍ.

ຂ່າວ-ພາບ: ກະຊວງການເງິນ

- WhatsApp Image 2020 05 27 at 5 - ພັດທະນາຕະຫຼາດພັນທະບັດພາຍໃນເຂັ້ມແຂງເຮັດໃຫ້ເສດຖະກິດມີຄວາມໝັ້ນທ່ຽງ
- WhatsApp Image 2020 05 27 at 5 - ພັດທະນາຕະຫຼາດພັນທະບັດພາຍໃນເຂັ້ມແຂງເຮັດໃຫ້ເສດຖະກິດມີຄວາມໝັ້ນທ່ຽງ
error: Alert: ເນື້ອຫາຂ່າວມີລິຂະສິດ !!