ຮອງ​ນາຍົກລົງກວດກາສາງເຄື່ອງອຸປະໂພກ-ບໍລິໂພກ ກະຊວງ ຮສສ

- Sonexay999 - ຮອງ​ນາຍົກລົງກວດກາສາງເຄື່ອງອຸປະໂພກ-ບໍລິໂພກ ກະຊວງ ຮສສ
- Untitled design - ຮອງ​ນາຍົກລົງກວດກາສາງເຄື່ອງອຸປະໂພກ-ບໍລິໂພກ ກະຊວງ ຮສສ

ຂປລ. ໃນວັນທີ 10 ສິງຫານີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ​ແລະ ທ່ານ ນາງ ໃບຄຳ ຂັດທິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ ລົງກວດກາສາງເຄື່ອງອຸປະໂພກ ແລະ ບໍລິໂພກຂອງກະຊວງແຮງງານ ແລະ ສະຫວັດດີການສັງຄົມ (ຮສສ) ຢູ່ບ້ານດ່ານຊ້າງ ເມືອງໄຊທານີ ນະຄອນຫລວງວຽງຈັນ ​ເພື່ອ​ເປັນ​ບ່ອນ​ເກັບ​ມ້ຽນ​ຊົ່ວຄາວ​ສຳລັບ​ເຄື່ອງ​ຊ່ວຍ​ເຫລືອ​ຂອງ​ພາກສ່ວນ​ຕ່າງໆ​ໃຫ້​ແກ່​ຜູ້​ປະສົບ​ໄພ​ທຳ​ມະ​ຊາດ ​ໂດຍ​ສະ​ເພາະ​ເພື່ອ​ນຳ​ຊ່ວຍ​ເຫລືອ​ປະຊາຊົນ​ຜູ້​ໄດ້​ຮັບ​ເຄາະ​ຮ້າຍ​ຈາກ​ໄພ​ນ້ຳຖ້ວມ​ຢູ່​ເມືອງ​ສະໜາມ​ໄຊ ​ແຂວງ​ອັດ​ຕະປື.

ໃນໂອກາດດັ່ງກ່າວ, ທ່ານຮອງນາຍົກລັດຖະມົນຕີ ໄດ້​ແນະນຳໃຫ້ກະຊວງແຮງງານ ແລະ ສະຫວັດດີການສັງຄົມ ເອົາໃຈໃສ່ລະບົບການເກັບມ້ຽນ ແລະ ການປັບປຸງສາງໃຫ້ເປັນລະບົບທັນສະໄຫມ ​ໂດຍສາມາດນຳໃຊ້ເຕັກໂນໂລຊີ​ເຂົ້າ​ໄປ​ຊ່ວຍບໍລິຫານ, ການແຍກປະ​ເພດເຄື່ອງທີ່ໄດ້ຮັບບໍລິຈາກໃຫ້ເປັນລະບົບ ເພື່ອຄວາມສະດວກໃນການນຳໃຊ້​ແບ່ງປັນ. ພ້ອມ​ນີ້ ​ໄດ້ມອບໃຫ້ກະຊວງແຮງງານ ແລະ ສະຫວັດດີການສັງຄົມ ປະສານກັບກະຊວງສາທາລະນະສຸກ ພ້ອມກັນກວດສອບຄຸນ​ນະພາ​ບ ​ແລະ ວັນຫມົດອາຍຸການ​ນຳ​ໃຊ້ຂອງເຄື່ອງອຸປະໂພກ ແລະ ບໍລິໂພກດັ່ງກ່າວ​ໃຫ້​ລະອຽດ ​ເພື່ອ​ຮັບປະກັນ​ດ້ານ​ຄຸນ​ນະພາ​ບ ​ແລະ ​ໃຫ້​ຮີບ​ຮ້ອນຈັດສົ່ງເຄື່ອງຊ່ວຍ​ເຫລືອນີ້​ໄປ​ຮອດ​ມືປະຊາຊົນທີ່ປະສົບໄພ​ໄດ້​ວ່ອງ​ໄວ ​ແລະ ທົ່ວ​ເຖິງ ​ເຊິ່ງອາດ​ນຳ​ໃຊ້​ດ້ວຍ​ຫລາຍ​ລະບົບ​ການ​ຂົນ​ສົ່ງ​ໃຫ້​ຮັບປະກັນ ບໍ່​ວ່າ​ຈະ​ເປັນ​ທາງ​ອາກາດ ຫລື ທາງ​ບົກ.

- Wave100S AD to Website 2020 0 - ຮອງ​ນາຍົກລົງກວດກາສາງເຄື່ອງອຸປະໂພກ-ບໍລິໂພກ ກະຊວງ ຮສສ
- WhatsApp Image 2020 05 27 at 5 - ຮອງ​ນາຍົກລົງກວດກາສາງເຄື່ອງອຸປະໂພກ-ບໍລິໂພກ ກະຊວງ ຮສສ
- WhatsApp Image 2020 05 27 at 5 - ຮອງ​ນາຍົກລົງກວດກາສາງເຄື່ອງອຸປະໂພກ-ບໍລິໂພກ ກະຊວງ ຮສສ
error: Alert: ເນື້ອຫາຂ່າວມີລິຂະສິດ !!