ດ່ານ​ພາສີ​ໜອງ​ດາ​ເກັບ​ລາຍ​ຮັບ​ໄດ້​ເກີນ​ແຜນ​ປີ 8,27%

- advert banner 728 90 728x90 - ດ່ານ​ພາສີ​ໜອງ​ດາ​ເກັບ​ລາຍ​ຮັບ​ໄດ້​ເກີນ​ແຜນ​ປີ 8,27%

​ແຫ​ລ່ງຂ່າວກະຊວງ​ການ​ເງິນ​ແຈ້ງ​ໃຫ້​ຮູ້​ວ່າ: ນັບ​ແຕ່​ຕົ້ນປີ​ມາ​ນີ້ ດ່ານ​ພາສີ​ປະ​ເພນີ​ໜອງ​ດາ ​ເມືອງ​ສີ​ໂຄດ​ຕະບອງ ນະຄອນຫລວງ​ວຽງ​ຈັນ ຂຶ້ນກັບ​ກອງ​ຄຸ້ມ​ຄອງ​ພາສີ V ສາມາດ​ເກັບ​ລາຍ​ຮັບ​ໄດ້​ທັງ​ໝົດ 1,12 ຕື້ກວ່າ​ກີບ ​ແຜນການ​ປີ​ວາງ​ໄວ້ 8,27%, ​ໃນ​ນັ້ນລາຍ​ຮັບ​ສ່ວນ​ໃຫຍ່​ແມ່ນ​ໄດ້​ຈາກ​ການ​ນຳ​ເຂົ້າປະ​ເພດ​ໝາ​ກ​ໄມ້​ຕາມ​ລະດູ​ການ, ​ເຄື່ອງ​ອຸປະ​ໂພ​ກ ​ແລະ ບໍລິ​ໂພ​ກອື່ນໆ.

ທ່ານ ທອງ​ວັນ ສີ​ທອງ​ມາ ຫົວໜ້າ​ດ່ານ​ພາສີ​ດັ່ງກ່າວ ​ເປີດ​ເຜີຍ​ວ່າ: ດ່ານ​ພາສີ​ປະ​ເພນີ​ໜອງ​ດາ​ປະກອບ​ມີ​ເຈົ້າໜ້າ​ທີ່​ພາສີ​ທັງ​ໝົດ 9 ຄົນ, ຍິງ 1 ຄົນ. ສຳລັບ​ປີ 2018 ດ່ານ​ພາສີ​ປະ​ເພນີຂອງ​ຕົນ​ໄດ້​ຮັບ​ແບ່ງ​ຕົວ​ເລກ​ຈັດ​ເກັບ​ລາຍ​ຮັບ​ໃຫ້​ໄດ້​ເດືອນ​ລະ 86 ລ້ານ​ກີບ, ​ແຕ່​ຜ່ານ​ການຈັດຕັ້ງປະຕິບັດ​ວຽກ​ງານ​ຕົວ​ຈິງ 7 ​ເດືອນ/2018 (ນັບ​ແຕ່​ຕົ້ນປີ​ມາ​ນີ້) ສາມາດ​ຈັດ​ເກັບ​ລາຍ​ຮັບ​ເຂົ້າງົບປະມານ​ໄດ້​ທັງ​ໝົດ 1,12 ຕື້ກວ່າ​ກີບ ລື່ນ​ແຜນການ​ປີ 8,27% ​ເຊິ່ງລາຍ​ຮັບ​ສ່ວນ​ໃຫຍ່​ໄດ້​ຈາກ​ການ​ເກັບ​ພາສີ​ການ​ນຳ​ເຂົ້າສິນຄ້າ​ປະ​ເພດ​ເຄື່ອງ​ອຸປະ​​ໂພ​ກ-ບໍລິ​ໂພ​ກ, ປະ​ເພດ​ໝາກ​ໄມ້​ຕາມ​ລະດູ​ການ, ພືດ​ຜັກ ​ແລະ ອື່ນໆ. ການ​ເພີ່ມ​ຂຶ້ນດັ່ງກ່າວ​ກໍ​ເນື່ອງ​ຈາກ​ດ່ານ​ພາສີ​ປະ​ເພນີ​ໜອງ​ດາ​ເປັນ​ດ່ານ​ທີ່​ມີ​ໂຄງ​ສ້າງ​ຄ້າຍຄື​ກັບ​ດ່ານ​ສາກົນ, ປະກອບ​ມີ​ຕຳຫລວດ​ກວດ​ຄົນ​ເຂົ້າ​ເມືອງ (ຕມ), ມີ​ພາສີ​ປະຈຳ​ດ່ານ, ໜ່ວຍ​ງານ​ກັກ​ກັນ​ພືດ, ໜ່ວຍ​ງານ​ສາທາລະນະ​ສຸກ ​ແລະ ຜູ້​ສຳ​ປະທານ​ເອື້ອອຳນວຍ​ຄວາມ​ສະດວກ​ສະຖານ​ທີ່​ຕ່າງໆ​ພາຍ​ໃນ​ດ່ານ, ການ​ເຂົ້າ-ອອກ​ຂອງ​ຜູ້​ປະກອບ​ການ ​ແລະ ປະຊາຊົນ​ສອງ​ຝ່າຍ​ໄດ້​ສະດວກ​ສະບາຍ.

- Tiger Head 728x90 - ດ່ານ​ພາສີ​ໜອງ​ດາ​ເກັບ​ລາຍ​ຮັບ​ໄດ້​ເກີນ​ແຜນ​ປີ 8,27%
- 1 1 - ດ່ານ​ພາສີ​ໜອງ​ດາ​ເກັບ​ລາຍ​ຮັບ​ໄດ້​ເກີນ​ແຜນ​ປີ 8,27%

ຄຽງ​ຄູ່​ກັນ​ນີ້, ຍ້ອນ​ມີ​ກົດໝາຍ​ວ່າ​ດ້ວຍ​ພາສີ ​ແລະ ນິຕິ​ກຳ​ຕ່າງໆ​ເປັນ​ບ່ອນ​ອີງ​ໃນ​ການຈັດຕັ້ງປະຕິບັດ​ວຽກ​ງານ​ວິຊາ​ສະ​ເພາະ ​ແລະ ມີ​ການ​ຊີ້​ນຳ-ນຳພາ​ຈາກ​ກອງ​ຄຸ້ມ​ຄອງ​ພາສີ V, ມີ​ແບບ​ແຜນ​ວິທີ​ເຮັດ​ວຽກ, ມີ​ການ​ສ້າງ​ແຜນ, ກວດກາ​ຕິດຕາມ​ຢ່າງ​ເປັນ​ປົກກະຕິ ​ເຊິ່ງຄາດ​ໝົດ​ປີ​ຈະ​ເກັບ​ລາຍ​ຮັບ​ໃຫ້​ໄດ້​ຕາມ​ແຜນ​ກຳນົດ​ໄວ້ 100%.

error: Content is protected !!