ອຸດົມໄຊກຽມສົ່ງ 12 ປະເພດກິລາ ເຂົ້າຮ່ວມທີ່ຊຽງຂວາງເກມຄັ້ງທີ 11

- advert banner 728 90 728x90 - ອຸດົມໄຊກຽມສົ່ງ 12 ປະເພດກິລາ ເຂົ້າຮ່ວມທີ່ຊຽງຂວາງເກມຄັ້ງທີ 11

​     ແຂວງ​ອຸດົມ​ໄຊ ກຽມ​ສົ່ງ 12 ປະ​ເພດ​ກິລາ​ເຂົ້າຮ່ວມ​ການ​ແຂ່ງຂັນ​ມະຫາກໍາ​ກິລາ​ແຫ່ງ​ຊາດ​ລາວ ຄັ້ງ​ທີ 11 ທີ່​ແຂວງ​ຊຽງຂວາງ ຫລື ຊຽງຂວາງ​ເກ​ມຄັ້ງ​ທີ 11 ​ທີ່​ຈະ​ຈັດ​ຂຶ້ນ​ໃນ​ທ້າຍ​ປີ​ນີ້. ຂະນະ​ທີ່ຕັ້ງ​ຄວາມ​ຫວັງ​ຍາດ​ໃຫ້​ໄດ້ 11 ຫລຽນ​ໃນ​ຄັ້ງ​ນີ້.

ທ່ານ ຄໍາ​ຜ່າ​ຍ ອິນ​ສົມ​ພອນ ຫົວ​ໜ້າ​ຂະ​​ແໜງ​ກິລາ​ລະດັບ​ສູງ ພະ​ແນ​ກສຶກສາ​ທິການ ​ແລະ ກິລາ ​ແຂວງ​ອຸດົມ​ໄຊ ​ໃຫ້​ສໍາ​ພາດ​ວ່າ: ປັດຈຸບັນ​ພວກ​ເຮົາ​ໄດ້​ມີ​ການ​ກະກຽມ​ຄວາມ​ພ້ອມ ​ແລະ ຝຶກ​ຊ້ອມ​ບາງ​ປະ​ເພດ​ກິລາ​ທີ່​ຕັ້ງ​ຄວາມ​ຫວັງ​ທີ່​ຈະ​ຍາດ​​ເອົາ​ຫລຽນ​ຄໍາ​ໃນ​ການ​ແຂ່ງຂັນ​ມະຫາກໍາ​ກິລາ​ແຂວງ​ຊຽງ​ຂວາງ​ຄັ້ງ​ທີ 11 ​ແລະ ຈະ​ສົ່ງ​ນັກ​ກິລາ​ພ້ອມ​ຄະນະ​ນໍາເຂົ້າ​ຮ່ວມ​ທັງ​ໝົດ 249 ຄົນ, ​ໃນ​ນັ້ນ ມີ​ນັກ​ກິລາ 151 ຄົນເຂົ້າ​ຮ່ວມ​ 12 ປະ​ເພດ​ກິລາ​ ເປັນ​ຕົ້ນ​ແລ່ນ​-ລານ, ປິ່ງ​ປ໋ອງ, ​ເທ​ຄວັນ​ໂດ້, ໝາກ​ຂ່າງ, ໝາກ​ເສິກ, ​ເປ​ຕັງ, ໝາກ​ແລ້, ໜ້າ​ເກັກ, ດອກ​ປິກ​ໄກ່, ມວຍ​ປໍ້າ, ບານ​ສົ່ງ​ຫາດ​ຊາຍ, ບາ​ນເຕະ​ຊາຍ.  ຂະນະ​ທີ່​ປະ​ເພດ​ກິລາ​ທີ່​ຕັ້ງ​ຄວາມ​ຫວັງ​ປະກອບ​ມີ: ​ແລ່ນ-​ລານ, ປິ່ງ​ປ໋ອງ, ​ເທ​ຄວັນ​​ໂດ້, ໝາກ​ແລ້, ໝາກ​ເສິກ ​ເຊິ່ງທັງ​ໝົດຕ້ອງ​ຍາດ​ໃຫ້​ໄດ້ 6 ຫລຽນ​ຄໍາ, 2 ຫລຽນ​ເງິນ, 3 ຫລຽນ​ທອງ ດັ່ງ​ນີ້​ເປັນ​ຕົ້ນ.

- Tiger Head 728x90 - ອຸດົມໄຊກຽມສົ່ງ 12 ປະເພດກິລາ ເຂົ້າຮ່ວມທີ່ຊຽງຂວາງເກມຄັ້ງທີ 11
- 1 1 - ອຸດົມໄຊກຽມສົ່ງ 12 ປະເພດກິລາ ເຂົ້າຮ່ວມທີ່ຊຽງຂວາງເກມຄັ້ງທີ 11

ສໍາລັບ​ການ​ແຂ່ງຂັນ​ມະຫາກໍາ​ກິລາ​ແຫ່ງ​ຊາດ​ຄັ້ງ​ທີ 10 ທີ່​ແຂວງ​ອຸດົມ​ໄຊ​ເປັນ​ເຈົ້າພາບ​ໃນ​ປີ 2014 ​ແຂວງ​ອຸດົມ​ໄຊ​ສາມາດ​ຍາດ​ໄດ້ 33 ຫລຽນ​ຄໍາ, 24 ຫລຽນ​ເງິນ, 53 ຫລຽນ​ທອງ ລວມທັງ​ໝົດ 110 ຫລຽນ ຈັດ​ຢູ່​ອັນ​ດັບ​ທີ 3 ຂອງ​ຕາຕະລາງ​ຄະ​ແນນ.

error: Content is protected !!