ອີຣານຈະບໍ່ເຈລະຈາກັບອາເມລິກາ

- advert banner 728 90 728x90 - ອີຣານຈະບໍ່ເຈລະຈາກັບອາເມລິກາ

ຜູ້ນຳ​ສູງ​ສຸດຂອງ​ອີຣານປະຕິ​ເສດ​ຂໍ້​ສະ​ເໜີ​ຂອງ​ອາ​ເມ​ລິ​ກາ​ໃນ​ການ​ເປີດ​ເຈລະຈາ​ເພື່ອ​ປັບປຸງ​ການ​ພົວພັນ​ລະຫວ່າງ​ກັນ ທັງ​ຍັງ​ທ້າ​ທາຍ​ອາ​ເມ​ລິ​ກາ​ດ້ວຍ​ການ​​ເປີດ​ຕົວ​ລູກ​ສອນ​ໄຟ​ຂ້າມ​ທະວີບ​ຮຸ່ນ​ໃໝ່.

ທ່ານ ອາ​ຢາ​ໂຕ​ລາ ​ໄຊ​ເຢັດ ອາລີ ຄາ​ເມ​ນີ ຜູ້ນຳ​ສູງ​ສຸດ​ອີຣານ ​ໄດ້​ປະຕິ​ເສດ​ຂໍ້​ສະ​ເໜີ​ຂອງ​ປະທານາທິບໍດີ ​ໂດ​ນັລ ທຣຳ ທີ່​ຕ້ອງການ​ໃຫ້​ເປີດ​ເຈລະຈາ​ທະວີ​ພາຄີ​ເພື່ອ​ປັບປຸງ​ການ​ພົວພັນ​ລະຫວ່າງ​ກັນ ບໍ່​ສະນັ້ນອີຣານຈະ​ຕ້ອງ​ຜະ​ເຊີນ​ມາດ​ຕະການ​ຂວ້ຳບາດ​ທີ່​ຮຸນ​ແຮງ​ຂຶ້ນ, ພາຍຫລັງ​ມາດ​ຕະການ​ຂວ້ຳບາດ​ຂອງ​ອາ​ເມ​ລິ​ກາ​ຕໍ່​ອີຣານຮອບ​ໃໝ່​ເລີ່​ມມີ​ຜົນ​ໄປ​ແລ້ວ​ໃນ​ອາທິດ​ຜ່ານ​ມາ ​ໂດຍ​ມີ​ຈຸດປະສົງ​ເພ່ືອ​ຈຳກັດ​ຂອບ​ເຂດ​ໂຄງການ​ນິວ​ເຄຼຍຂອງ​ອີຣານ​ໃຫ້​ເຂັ້ມງວດ​ຍິ່ງ​ຂຶ້ນ.

ນອກຈາ​ກປະຕິ​ເສດ​ການ​ເຈລະຈາ​ແລ້ວ, ອີຣານຍັງ​ທ້າ​ທາຍ​ຂໍ້​ຮຽກຮ້ອງ​ຂອງ​ອາ​ເມ​ລິ​ກາ​ໃນ​ການ​ຈຳກັດ​​ຂອບ​ເຂດ​ໂຄງການ​ລູກ​ສອນ​ໄຟ​ຂອງ​ອີຣານດ້ວຍ​ການ​ເປີດ​ຕົວ​ລູກ​ສອນ​ໄຟ​ຂ້າມ​ທະວີບ​ໄລຍະ​ໃກ້​ຮຸ່ນ​ໃໝ່ ​ໃນ​ວັນ​ທີ 13 ສິງຫາ​ນີ້ ​ເຊິ່ງລັດຖະມົນຕີ​ປ້ອງ​ກັນ​ປະ​ເທດກ່າວ​ວ່າ: ອີຣານຈະ​ເພີ່ມ​ອຳນາດ​ໃນ​ການ​ປ້ອງ​ກັນ​ປະ​ເທດ​ໃນ​ທຸກໆ​ດ້ານ, ຖ້າ​ຕ້ອງ​ຜະ​ເຊີນ​ກັບ​ແຮງ​ກົດ​ດັນ​ຫລາຍ​ຂຶ້ນ.

- 1 1 - ອີຣານຈະບໍ່ເຈລະຈາກັບອາເມລິກາ
- lattana 1 - ອີຣານຈະບໍ່ເຈລະຈາກັບອາເມລິກາ

ຂະນະ​ທີ່​ນາຍົກລັດຖະມົນຕີ ​ເຮ​ດາ ອັລ ອາ​ບາ​ດີ ຂອງ​ອີຣັກ ຍອມ​ຖອຍ​ໜຶ່ງ​ກ້າວ ພາຍຫລັງ​ເຄີຍ​ປະກາດ​ວ່າ: ຈະ​ຍອມ​ປະຕິບັດ​ຕາມ​ມາດ​ຕະການ​ລົງ​ໂທດ​ອີຣານມອບ​ໃໝ່​ຂອງ​ອາ​ເມ​ລິ​ກາ ​ໂດຍ​ຫລ້າ​ສຸດ​ຜູ້ນຳ​ອີຣັກກ່າວ​ວ່າ: ລັດຖະບານ​ຈະ​ຍອມຮັບ​ສະ​ເພາະ​ມາດ​ຕະການ​ຫ້າມ​ໃຊ້​ເງິນ​ໂດ​ລາ ​ໃນ​ການ​ເຮັດ​ທຸລະ​ກຳກັບ​ອີຣານ​ເທົ່າ​ນັ້ນ. ທັງ​ນີ້ ລັດຖະບານ​ອີຣັກກຳລັງ​ຢູ່​ໃນ​ສະຖານະ​ການ​ທີ່​ລຳບາກ​ໃຈ ​ເພາະ​ທັງ​ອາ​ເມ​ລິ​ກາ ​ແລະ ອີຣານຕ່າງ​ກໍ​ເປັນ​ພັນທະ​ມິດ​ທີ່​ສຳຄັນ​ຂອງ​ອີຣັກ.

error: Content is protected !!