ຂໍໃຫ້ເປັນທີ່ເພິ່ງຂອງປະຊາຊົນຢ່າງແທ້ຈິງ

- 26992713 2008377176102735 9008378454436927110 n - ຂໍໃຫ້ເປັນທີ່ເພິ່ງຂອງປະຊາຊົນຢ່າງແທ້ຈິງ
- Untitled design - ຂໍໃຫ້ເປັນທີ່ເພິ່ງຂອງປະຊາຊົນຢ່າງແທ້ຈິງ

  ໂດຍ: ທ່ຽງທຳ  

ສະບາຍດີ ເພື່ອນຜູ້ອ່ານ ທີ່ຮັກແພງ, ໃນບົດຂຽນນີ້ຂ້າ ພະເຈົ້າຂໍຢ້ຳຄືນເຖິງພາລະ ບົດບາດ ແລະ ໜ້າທີ່ຂອງ ກຳລັງປ້ອງກັນຊາດ, ປ້ອງ ກັນຄວາມສະຫງົບຂອງບ້ານເມືອງເຮົາອີກເທື່ອໜຶ່ງ ຖ້າ ເວົ້າເຖິງກຳລັງປ້ອງກັນຊາດກໍແມ່ນຜູ້ພິທັກຮັກສາເຂດ ນ້ຳແດນດິນ, ເປັນຮົ້ວຂອງ ຊາດເພື່ອປ້ອງກັນ ແລະ ສະ ກັດກັ້ນບໍ່ໃຫ້ຜູ້ບໍ່ຫວັງດີໃດໆ ເຂົ້າມາບຸກລຸກຮຸກຮານຍາດແຍ່ງເອົາພື້ນແຜ່ນດິນອັນ ແສນຮັກ ແລະ ຫວງແຫນ ຂອງພວກເຮົາໄປໄດ້ ແລະ ເວົ້າເຖິງກຳລັງປ້ອງກັນ ຄວາມສະຫງົບກໍແມ່ນຜູ້ພິ ທັກຮັກສາຄວາມສະຫງົບ ສຸກຂອງຊາດບ້ານເມືອງບໍ່ ໃຫ້ມີໄພຮ້າຍໃດໆ ເກີດຂຶ້ນ, ເອົາໃຈໃສ່ເຄື່ອນໄຫວເວນ ຍາມປາບປາມ ແລະ ກັດກັ້ນ ສິ່ງຫຍໍ້ທໍ້ຕ່າງໆ ໃນສັງຄົມ, ເປັນທີ່ໄວ້ເນື້ອເຊື່ອໃຈ ແລະ ທີ່ເພິ່ງຂອງປະຊາຊົນເພື່ອ ຄວາມຢູ່ເຢັນເປັນສຸກຂອງ ປະຊາຊົນ, ໄປທາງໃດມາ ທາງໃດກໍມີຄວາມສະຫງົບປອດໄພປາສະຈາກເຫດ ຮ້າຍຕ່າງໆ, ນັ້ນແມ່ນພາລະ ໜ້າທີ່ຂອງຜູ້ເຮັດວຽກງານປ້ອງກັນຄວາມສະຫງົບ ແລະ ຜ່ານມານີ້ເຮົາເຮັດ ໄດ້ດີແລ້ວບໍ? ຖ້າເບິ່ງລວມໆ ແລ້ວກໍດັ່ງຂັ້ນເທິງເພິ່ນໄດ້ ຕີລາຄາໄວ້ວ່າ: ສາມາດຮັກ ສາຄວາມສະຫງົບຂອງ ສັງຄົມໄດ້ໂດຍພື້ນຖານ, ໃນ ຕົວຈິງກໍແມ່ນແນວນັ້ນແທ້ ອັນໃຫຍ່ໆແມ່ນເບື້ອງມະຫາພາກ, ພວກເຮົາເຮັດໄດ້, ແຕ່ ອັນເລັກໆ ນ້ອຍໆ ແມ່ນຍັງ ມີສິ່ງຫຍໍ້ທໍ້ຢູ່ດັ່ງສະພາບອຸ ປະຕິເຫດບົນທ້ອງຖະໜົນ ຍັງເກີດຂຶ້ນລາຍ, ບັນຫາ ຄ້າຂາຍຢາເສບຕິດຍັງມີຢູ່, ອັນເປັນໜໍ່ແໜງກໍໃຫ້ເກີດ ການປຸ້ນຈີ້ຊີງຊັບ, ຂີ້ລັກງັດ ແງະ, ດຶງກະເປົາ, ຕົວະຕົ້ມ ເອົາຂອງຜູ້ອື່ນມາເປັນຂອງໂຕ ແລະ ອື່ນໆ ຍັງປະກົດມີ ໃຫ້ເຫັນຫລາຍ ແລະ ເປັນ ຫຍັງຈິ່ງມີປະກົດການນີ້, ມັນ ກໍມີຫລາຍສາເຫດ, ແຕ່ອັນ ຕົ້ນຕໍແມ່ນເບື້ອງເຈົ້າໜ້າທີ່ ເຮົາເບິ່ງຄືວ່າບໍ່ທັນເດັດຂາດປານໃດຕໍ່ຜູ້ກະທຳຜິດ, ມີ ຫລາຍຄົນສ່ອງແສງມາວ່າ: ເມື່ອເກີດເຫດແລ້ວເຂົ້າລາຍງານຕໍ່ເຈົ້າໜ້າທີ່ເບິ່ງເພິ່ນ ຈະບໍ່ໃສ່ໃຈປານໃດ, ຖ້າບໍ່ ມີນ້ຳມີໃນໂດຍສະເພາະ ແມ່ນບັນຫາລັກເລັກຂະໂມຍນ້ອຍ, ສະພາບດຶງກະເປົາ ແລະ ອື່ນໆ ອັນເປັນໜໍ່ແໜງ ກໍ່ໃຫ້ເກີດ ຄວາມບໍ່ສະຫງົບ ໃນສັງຄົມ.

ຕໍ່ສະພາບເມີນເສີຍດັ່ງກ່າວເບື້ອງເຈົ້າໜ້າທີ່ຮັກສາ ຄວາມສະຫງົບຈະຕ້ອງໄດ້ ເພີ່ມທະວີຍົກສູງນ້ຳໃຈຮັບ ຜິດຊອບ ແລະ ຄວາມເປັນ ເຈົ້າການຕໍ່ໜ້າທີ່ວຽກງານ ຂອງຕົນເພື່ອເຮັດແນວໃດ ໃຫ້ກາຍເປັນທີ່ເພິ່ງຂອງປະຊາຊົນຢ່າງແທ້ຈິງ, ຮັກສາ ໄດ້ຄວາມສະຫງົບປອດໄພ ຂອງບ້ານເມືອງ./.

 

- Wave100S AD to Website 2020 0 - ຂໍໃຫ້ເປັນທີ່ເພິ່ງຂອງປະຊາຊົນຢ່າງແທ້ຈິງ

ກະຕັນຍູກະຕະເວທີຕໍ່ຜູ້ມີບຸນຄຸນກັບປະເທດຊາດ

ຮັ່ງນຳດິນກິນນຳໄມ້ ຜົນທີ່ໄດ້ປະເທດຊາດຍັງຕົກທຸກໄດ້ຍາກ

- 26992713 2008377176102735 9008378454436927110 n - ຂໍໃຫ້ເປັນທີ່ເພິ່ງຂອງປະຊາຊົນຢ່າງແທ້ຈິງ
(ພາບປະກອບ)
- WhatsApp Image 2020 05 27 at 5 - ຂໍໃຫ້ເປັນທີ່ເພິ່ງຂອງປະຊາຊົນຢ່າງແທ້ຈິງ
- WhatsApp Image 2020 05 27 at 5 - ຂໍໃຫ້ເປັນທີ່ເພິ່ງຂອງປະຊາຊົນຢ່າງແທ້ຈິງ
error: Alert: ເນື້ອຫາຂ່າວມີລິຂະສິດ !!