ຕວກກີຈະຂວ້ຳບາດສິນຄ້າ ເອເລັກໂຕຣນິກອາເມລິກາ

- advert banner 728 90 728x90 - ຕວກກີຈະຂວ້ຳບາດສິນຄ້າ ເອເລັກໂຕຣນິກອາເມລິກາ

ຜູ້ນຳ​ຕວກກີ​ປະກາດ​ຈະ​ຂວ້ຳບາດ​ສິນຄ້າ​ເອ​ເລັກ​ໂຕຣນິກຂອງ​ອາ​ເມ​ລິ​ກາ ​ເປ​ັນການ​ຕອບ​ໂຕ້​ຄວາມ​ຂັດ​ແຍ່​ງກັບ​ອາ​ເມ​ລິ​ກາ​ທີ່​ສົ່ງ​ຜົນ​ໃຫ້​ຄ່າ​ເງິນ​ຕວກກີ​ຕົກ​ຕໍ່າ​ເປັນ​ປະຫວັດສາດ.

ປະທານາທິບໍດີ ​ເຣ​ເຈ​ຟ ​ເທ​ຍິບ ​ແອ​ໂດ​ອານ ຂອງ​ຕວກກີ ຖະ​ແຫລ​ງວ່າ: ຈະ​ຂວ້ຳບາດ​ສິນຄ້າ​ເອ​ເລັກ​ໂຕຣນິກຂອງ​ອາ​ເມ​ລິ​ກາ ​ໂດຍ​ສະ​ເພາະ​ໂທລະສັບ​ໄອ​ໂຟນ, ພາຍຫລັງ​ເງິນ​ລີຣາຂອງ​ຕວກກີ​ອ່ອນ​ຄ່າ​ລົງ​ຕໍ່​ສຸດ​ເປັນ​ປະຫວັດສາດ ​ໃນ​ວັນ​ທີ 13 ສິງຫາ​ນີ້ ​ໂດຍ​ຢູ່​ທີ່ 7,24 ລີຣາຕໍ່​ໂດ​ລາ​ສະຫະລັດ​ ​ເປັນ​ຜົນ​ມາ​ຈາກ​ຄວາມ​ກັງວົນ​ເລື່ອງ​ການ​ພົວພັນ​ກັບ​ອາ​ເມ​ລິ​ກາ​ທີ່​ກຳລັງ​ຕົກ​ຕໍ່າ​ຢ່າງ​ໜັກ ລວມທັງ​ການ​ທີ່​ທ່ານ ​ແອ​ໂດ​ອານ ຮຽກຮ້ອງ​ໃຫ້​ທະນາຄານ​ກາງ​ປັບ​ຂຶ້ນອັດຕາ​ດອກ​ເບ້ຍ, ການ​ອ່ອນ​ຄ່າ​ຂອງ​ເງິນ​ລີຣາຍັງ​ດຶງ​ໃຫ້​ດັດຊະນີ​ຕະຫລາດ​ຫຸ້ນ​ທົ່ວ​ໂລກ​ຫລຸດ​ລົງ​ໃນ​ຫລາຍ​ວັນ​ຜ່ານ​ມາ.

​ເຖິງ​ຢ່າງ​ໃດ​ກໍ​ດີ, ​ໃນ​ວັນ​ທີ 14 ສິງຫາ​ນີ້ ​ເງິນ​ລີຣາ​ໄດ້​ເລີ່​ມ​ແຂງ​ຄ່າ​ຂຶ້ນ​ເລັກ​ໜ້ອຍ​ມາ​ຢູ່ 6,53 ລີຣາຕໍ່​ໂດ​ລາ​ສະຫະລັດ ​ເຊິ່ງ​ເປັນ​ຜົນ​ຈາກ​ການ​ທີ່​ລັດຖະມົນຕີ​ການ​ເງິນ​ຂອງ​ຕວກກີ ປະກາດ​ຈະ​ໃຫ້​ຫລັກ​ປະກັນ​ແກ່​ນັກ​ລົງທຶນ​ທີ່​ກັງວົນ​ຕໍ່​ນະ​ໂຍບາຍ​ເສດຖະກິດ​ຂອງ​ຜູ້ນຳ​ຕວກກີ ທີ່​ປະກາດ​ວ່າ​ລັດຖະບານ​ຕ້ອງ​ດຳ​ເນີນ​ມາດ​ຕະການ​ທີ່​ຈຳ​ເປັນ​ເພື່ອ​ປົກ​ປ້ອງ​ເສດຖະກິດ ​ແລະ ລະບຸ​ອີກ​ວ່າ: ຕວກກີ​ຕົກ​ເປັນ​ເປົ້າ​ໂຈມ​ຕີ​ຂອງ​ສົງຄາມ​ເສດຖະກິດ, ພ້ອມ​ທັງ​ຮຽກຮ້ອງ​ໃຫ້​ຊາວ​ຕວກກີ​ເທ​ຂາຍ​ເງິນ​ໂດ​ລາ ​ແລະ ​ເອີ​ໂຣ ​ເພື່ອ​ຊ່ວຍ​ຮັກສາ​ຄ່າ​ເງິນ​ລີຣາ.

- 1 1 - ຕວກກີຈະຂວ້ຳບາດສິນຄ້າ ເອເລັກໂຕຣນິກອາເມລິກາ
- Tiger Head 728x90 - ຕວກກີຈະຂວ້ຳບາດສິນຄ້າ ເອເລັກໂຕຣນິກອາເມລິກາ

ຂະນະ​ທີ່​ຊາວ​ຕວກກີ​ມີ​ຄວາມ​ເຫັນ​ແຕກ​ຕ່າງ​ກັນ​ໄປ ພາຍຫລັງ​ປະທານາທິບໍດີ ​​ແອ​ໂດ​ອານ ຮຽກຮ້ອງ​ໃຫ້​ມີ​ການ​ຂວ້ຳບາດ​ສິນຄ້າ​ເອ​ເລັກ​ໂຕຣນິກຂອງ​ອາ​ເມ​ລິ​ກາ ​ເຊິ່ງບາງ​ຄົນ​ເຫັນ​ພ້ອມ​ກັບ​ນະ​ໂຍບາຍ​ດັ່ງກ່າວ, ຂະນະ​ທີ່​ບາງ​ຄົນ​ບໍ່​ເຫັນ​ພ້ອມ ​ແລະ ຍັງ​ມີ​ການ​ຊື້​ໂທລະສັບ​ໄອ​ໂຟນ​ໜ່ວຍ​ໃໝ່​ເພີ່ມ​ອີກ.

error: Content is protected !!