ເມສຊີ ແຈ້ງບໍ່ຫລິ້ນໃຫ້ ອາເຈນຕິນາ ປີນີ້

- news201808150931698 - ເມສຊີ ແຈ້ງບໍ່ຫລິ້ນໃຫ້ ອາເຈນຕິນາ ປີນີ້
- Untitled design - ເມສຊີ ແຈ້ງບໍ່ຫລິ້ນໃຫ້ ອາເຈນຕິນາ ປີນີ້

​     ​ເມສຊີ ​ເຄີຍ​ປະກາດ​ເລີກ​ຫລິ້ນ​ໃຫ້ ອາ​ເຈນ​ຕິ​ນາ ​ໃນ​ປີ 2016 ຫລັງ​ຈາກ​ບໍ່​ເຄີຍ​ໄດ້​ສຳຜັດ​ກັບ​ແຊ້ມລາຍການ​ໃຫຍ່ໆ​ໃນ​ການ​ຫລິ້ນ​ໃຫ້​ບ້ານ​ເກີດ ກ່ອນ​ທີ່​ລາວ​ຈະ​ຍອມ​ກັບ​ມາ​ຮັບ​ໃຊ້ ອາ​ເຈນ​ຕິ​ນາ ​ເຊິ່ງລາວ​ມີ​ສ່ວນ​ສຳຄັນ​ໃນ​ການ​ຊ່ວຍ​ໃຫ້​ທີ​ມ​ໄດ້​ຫລິ້ນ ບານ​ໂລກ 2018 ຮອບ​ສຸດ​ທ້າຍ.

​ເຖິງ​ຢ່າງ​ໃດ​ກໍ​ຕາມ, ທີ​ມ​ແຊ້ມ​ໂລກ 2 ສະ​ໄໝ​ສ້າງ​ຜົນງານ​ໄດ້​ໜ້າ​ຜິດ​ຫວັງ​ໃນ​ການ​ແຂ່ງຂັນ​ທີ່ ຣັດ​ເຊຍ ຫລັງ​ຈາກ​ໄປ​ເຖິງ​ຮອບ 16 ທີ​ມສຸດ​ທ້າຍ​ເທົ່າ​ນັ້ນ ​ເຊິ່​ງ​ເຮັດ​ໃຫ້ ອາ​ເຈນ​ຕິ​ນາ ​ແຍກ​ທາງ​ກັບ ຮໍ​ເຄ່ ຊາມ​ປາ​ໂອ​ລີ ​ແລະ ​ໃຫ້ ລິ​ໂອ​ເນສ ສກາ​ໂລ​ນີ ​ເຂົ້າມາ​ຄຸມ​ທີ​ມ​ເປັນ​ການ​ຊົ່ວຄາວ ​ໂດຍ​ຕອນ​ທຳ​ອິດ​ມີ​ການ​ລະບຸ​ວ່າ ລາວ​ຈະ​ໄດ້​ເປັນ​ຜູ້​ຈັດການ​ທີ​ມຮ່ວມ​ກັບ ປາ​ໂບລ ​ໄອ​ມາ ອະດີດ​ກອງ​ກາງຄົນ​ດັງ ​ແຕ່​ທາງ​ສະມາຄົມ​ບານ​ເຕະ​ອາ​ເຈນ​ຕິ​ນາ (​ເອ​ເອຟ​ເອ) ຊີ້​ແຈງ​ພາຍຫລັງ​ວ່າ: ​ໄອ​ມາ ຈະ​ມາ​ເປັນ​ພຽງ​ຜູ້​ຊ່ວຍ​ເທົ່າ​ນັ້ນ.

- Wave100S AD to Website 2020 0 - ເມສຊີ ແຈ້ງບໍ່ຫລິ້ນໃຫ້ ອາເຈນຕິນາ ປີນີ້

ຫລ້າ​ສຸດ ທີ​ເອັນ​ທີ ສະປອດ ລາຍ​ງານ​ວ່າ: ​ເມສຊີ ​ໄດ້​ແຈ້ງ​ໃຫ້ ສພາ​ໂລ​ນີ ຮູ້​ແລ້ວ​ວ່າ ລາວ​ຂໍ​ບໍ່​ລົງ​ຫລິ້ນ​ເກ​ມອຸ່ນ​ເຄື່ອງ​ໃດໆ​ຂອງ ອາ​ເຈນ​ຕິ​ນາ ​ໃນ​ປີ​ນີ້ ​ແລະ ຍັງ​ບໍ່​ແນ່ນອນ​ວ່າ ລາວ​ຈະ​ກັບ​ມາ​ຊ່ວຍ​ທີ​ມ​ໃນ​ການ​ແຂ່ງຂັນ ​ໂຄ​ປາ ອາ​ເມ​ລິ​ກາ 2019 ທີ່​ປະ​ເທດ​ບຣາຊິ​ລຈະ​ເປັນ​ເຈົ້າພາບ ຫລື ບໍ່.

- WhatsApp Image 2020 05 27 at 5 - ເມສຊີ ແຈ້ງບໍ່ຫລິ້ນໃຫ້ ອາເຈນຕິນາ ປີນີ້
- WhatsApp Image 2020 05 27 at 5 - ເມສຊີ ແຈ້ງບໍ່ຫລິ້ນໃຫ້ ອາເຈນຕິນາ ປີນີ້
error: Alert: ເນື້ອຫາຂ່າວມີລິຂະສິດ !!