ມະຫັນຕະໄພທັງ 9 ໃຜບໍ່ເຊື່ອກໍຢ່າປະໝາດ

- 554 - ມະຫັນຕະໄພທັງ 9 ໃຜບໍ່ເຊື່ອກໍຢ່າປະໝາດ
- Untitled design - ມະຫັນຕະໄພທັງ 9 ໃຜບໍ່ເຊື່ອກໍຢ່າປະໝາດ

 ໂດຍ: ທິດກ່ຳ  

ພະພຸດທະເຈົ້າສາດສະ ດາຈານເອກຂອງໂລກທີ່ຊາວພຸດເຮົາ ແລະ ທັງຊາວໂລກ ພາກັນເຄົາລົບບູຊານັບຖືຈົນ ມາເຖິງທຸກວັນນີ້, ກ່ອນເພິ່ນ ຈະປະລິນິພານ (ຕາຍ)ໄປ ເພິ່ນໄດ້ຝາກຄຳເຕືອນມາຍັງຊາວພຸດ ກໍຄືຊາວໂລກໄວ້ 9 ຂໍ້ໃຫ້ພ້ອມກັນລະວັງກ່ຽວກັບມະຫັນຕະໄພທີ່ຈະບັງເກີດ ແກ່ມະນຸດເຮົາໃນຕໍ່ໜ້າ ແລະ ຍາວນານດັ່ງນີ້: (1) ຈະເກີດ ພາຍຸລົມແຮງແຜ່ນດິນໄຫວ. (2) ຈະເກີດອັກຄີໄພຢ່າງ ໂຫດຮ້າຍໃຫຍ່ຫລວງ. (3) ຈະເກີດອຸກທົກພະໄພນ້ຳ ຖ້ວມ. (4) ຈະເກີດຟ້າຜ່າ. (5) ຈະເກີດຮ້ອນເກີນ ໄປ-ໜາວເກີນໄປ. (6) ຈະ ເກີດມີທາດເບື່ອສານພິດ ຕ່າງໆ. (7) ເກີດໂລຄາພະ ຍາດກາລະໂລກຕ່າງໆ. (8) ຈະເກີດການອຶດຫິວເຂົ້າຍາກໝາກແພງ ແລະ (9) ຈະ ເກີດອາຄາດພະຍາບາດ, ບຽດບຽນ ແລະ ແຍ້ງຊີງຊຶ່ງ ກັນ ແລະ ກັນ.

 

ຄາດວ່າຜົນຜະລິດເຂົ້າໃນແຂວງຄຳມ່ວນຈະຕົກຕ່ຳລົງຍ້ອນນ້ຳຖ້ວມ

ພຣະໂອວາດປະທານ ອພສ ເນື່ອງໃນປີໃໝ່ລາວ ພສ 2561

ຕາມທິດກ່ຳວ່າ, ຕໍ່ຄຳ ເຕື່ອນທີ່ພະອົງໄດ້ກ່າວມາ ຂ້າງເທິງນັ້ນ, ມາຮອດປັດຈຸ ບັນມັນໄດ້ກາຍເປັນຄວາມ ຈິງແລ້ວ, ເຊິ່ງໃນສະໄໝ ນີ້ພວກເຮົາພາກັນເອີ້ນວ່າ ຍຸກໂລກາພິວັດ ໝາຍເຖິງຍຸກ ການປ່ຽນແປງຂອງໂລກ.

- Wave100S AD to Website 2020 0 - ມະຫັນຕະໄພທັງ 9 ໃຜບໍ່ເຊື່ອກໍຢ່າປະໝາດ

ໃນຂະບວນວິວັດແຫ່ງ ການປ່ຽນແປງໃນແຕ່ລະຍຸກແຕ່ລະສະໄໝນັ້ນ ມັນກໍໄດ້ ຜ່ານພົ້ນໄປຕາມໄລຍະ ປະຫວັດສາດຫລາຍຮ້ອຍ ຫລາຍພັນປີເອີ້ນວ່າກົດ ເກນການປ່ຽນແປງທາງ ດ້ານທຳມະຊາດ ແລະ ສັງ ຄົມ, ການປ່ຽນແປງຂອງ ໂລກໃນແຕ່ລະຍຸກແຕ່ລະ ສະໄໝມັນກໍຍ່ອມສະແດງ ອອກໃນດ້ານປະກົດການ ຂອງທຳມະຊາດ ແລະ ສັງ ຄົມໄປພ້ອມໆກັນນັ້ນເອງ.

ແນວໃດກໍຕາມ, ເທົ່າທີ່ ເຫັນສະພາບຕົວຈິງໃນການປ່ຽນແປງຂອງໂລກ ໃນປັດ ຈຸບັນມັນກໍຍ່ອມ ມີຫລາຍ ສາເຫດ ແລະ ຫລາຍປັດໄຈ ດ້ວຍກັນ ເຊັ່ນ: ຈາກສະພາບ ແວດລ້ອມໃນຕົວຂອງໂລກ ໂດຍຜ່ານຂະບວນວິວັດຕາມກົດເກນຂອງມັນເອງ. ອັນ ສອງມາກໍມາຈາກການຂະ ຫຍາຍຕົວຂອງສັງຄົມທີ່ມີ ການພັດທະນາໄປຢ່າງບໍ່ຢຸດຢັ້ງ, ດ້ວຍການຂະຫຍາຍຕົວ ຂອງສັງຄົມມະນຸດໄດ້ເດີນ ໜ້າ ແລະ ພັດທະນາໄປນັ້ນ ມັນກໍມີການກະທົບໄປເຖິງ ການທຳລາຍທຳມະຊາດ ແລະ ສິ່ງແວດລ້ອມນັບມື້ກຸດ ຫ້ຽນໄປທີ່ລະໜ້ອຍຈົນເຮັດ ໃຫ້ຄວາມສົມບູນຂອງທຳມະ ຊາດ ແລະ ສິ່ງແວດລ້ອມມີ ການປ່ຽນແປງດັ່ງທີ່ເຮົາ ເຫັນສະພາບໃນປັດຈຸບັນ. ຖ້າຈະຕັ້ງໂຈດຖາມ ວ່າ: ສຳ ລັບບ້ານເຮົາຕໍ່ມະຫັນຕະໄພ 9 ຢ່າງທີ່ພະພຸດທະເຈົ້າໄດ້ ກ່າວໄວ້ນັ້ນມີຜົນກະທົບ ຕາມມາແລ້ວບໍ່? ຕາມທັດ ສະນະຂອງທິດກ່ຳແລ້ວ ບາງ ຢ່າງມັນກໍພວມມີປະຕິກິລິຍາ ໃຫ້ເຮົາເຫັນມາແລ້ວ ເຊັ່ນ: ບັນຫາປະກົດການແຜ່ນດິນ ໄຫວຢູ່ພາກເໜືອໃນສອງ ສາມປີກ່ອນບາງຄົນກໍວ່າ ບ້ານເຮົາບໍ່ມີທະເລ, ບໍ່ມີມະ ຫາສະມຸດ, ບໍ່ມີເກາະດອນ ມັນຈະບໍ່ເກີດຂຶ້ນຢ່າງແນ່ ນອນ, ແຕ່ກໍບໍ່ແນໃຈເພາະ ວ່າສະພາວະການປ່ຽນແປງຂອງໂລກໃນແຕ່ລະມື້ນັ້ນບໍ່ ມີໃຜອາດສາມາດຄາດເດົາ ກັນໄດ້ຢ່າງພັນເປີເຊັນ. ສ່ວນ ວ່າບັນຫາອື່ນໆນັ້ນ ຄົນລາວ ເຮົາໃນຍຸກນີ້ແມ່ນພາກັນໄດ້ຮັບຜົນກະທົບມາແລ້ວ ແລະ ບາງຢ່າງກໍຕົກຢູ່ໃນສະພາບໜັກໜ່ວງສົມຄວນ ເຊັ່ນ: ໄພນ້ຳຖ້ວມ, ຮ້ອນຫລາຍ- ໜາວຫລາຍ, ອັກຄີໄພ ແລະ ບັນຫາອື່ນໆກໍມີແລ້ວ ເຊັ່ນກັນ.

ເມື່ອຕັ້ງໂຈດກັນ ຕື່ມວ່າ: ຕໍ່ມະຫັນຕະໄພທີ່ພວມເກີດ ແລະ ອາດຈະເກີດຂຶ້ນໃນຕໍ່ ໜ້າພວກເຮົາຈະພາກັນແກ້ ໄຂແນວໃດ? ໃນມະຕິ 10 ຂອງພັກ ກໍໄດ້ເວົ້າແຈ້ງ ແລະ ໄດ້ວາງທິດທາງໜ້າທີ່ລວມ ແລະ ຄາດໝາຍໃຫຍ່ສຳລັບ ໄລຍະແຕ່ນີ້ຮອດປີ 2020, 2025 ແລະ 2030 ຕ້ອງ ຮັບປະກັນໃຫ້ປະເທດເຮົາມີ ສະຖຽນລະພາບທາງດ້ານ ການເມືອງທີ່ໝັ້ນຄົງ, ມີ ຄວາມສະຫງົບປອດໄພທາງສັງຄົມຢ່າງໜັກແໜ້ນ, ການ ຂະຫຍາຍຕົວຂອງເສດຖະ ກິດຕ້ອງເກີນກວ່າປີ 2015 ເຖິງ 4 ເທົ່າ, ຫັນການພັດທະ ນາແບບຍືນຍົງຕ້ອງເຂົ້າສູ່ ລວງເລິກ ແລະ ໜຶ່ງໃນບັນຫາ ສຳຄັນອັນຍອດຍິ່ງນັ້ນຕ້ອງ ສ້າງເສດຖະກິດແຫ່ງຊາດ ໄປຕາມທິດພັດທະນາແບບ ຍືນຍົງ.

ໃນແຜນພັດທະນາເສດ ຖະກິດ-ສັງຄົມແຫ່ງຊາດ 5 ປີຄັ້ງທີ 8 ພວກເຮົາເດີນມາ ຮອດເຄິ່ງທາງແລ້ວ, ສິ່ງທີ່ ປະກົດຂຶ້ນໃນສັງຄົມບ້ານ ເມືອງເຮົາ ແລະ ເກີດມີສະ ພາບຄວາມເປັນມາຄືປັດຈຸ ບັນເບິ່ງຄືວ່າມັນສວນທາງ ກັນລະຫວ່າງແນວທາງກັບ ການປະຕິບັດຕົວຈິງ, ຊ້ຳບໍ່ ໝຳບາງເຂື່ອນສ້າງບໍ່ທັນ ສຳເລັດກໍເພພັງໄປກ່ອນ ເໝືອນກັບວ່າລະຫວ່າງ ແນວທາງກັບການເຮັດຕົວ ຈິງມັນຍັງເຂີນກັນເໝືອນຜູ້ ໜຶ່ງເວົ້າໂຕເຫ້ຍແຕ່ອີກຜູ້ໜຶ່ງພັດວ່າໂຕແລນ ຢະເອີຍ!.

- 554 - ມະຫັນຕະໄພທັງ 9 ໃຜບໍ່ເຊື່ອກໍຢ່າປະໝາດ
(ພາບປະກອບ)
- WhatsApp Image 2020 05 27 at 5 - ມະຫັນຕະໄພທັງ 9 ໃຜບໍ່ເຊື່ອກໍຢ່າປະໝາດ
- WhatsApp Image 2020 05 27 at 5 - ມະຫັນຕະໄພທັງ 9 ໃຜບໍ່ເຊື່ອກໍຢ່າປະໝາດ
error: Alert: ເນື້ອຫາຂ່າວມີລິຂະສິດ !!