ຮອງລັດຖະມົນຕີ ຖວທ ລົງຊີ້ນຳສູນຂ່າວພາກສະໜາມທີ່ເມືອງສະໜາມໄຊ

- savankhone 1 - ຮອງລັດຖະມົນຕີ ຖວທ ລົງຊີ້ນຳສູນຂ່າວພາກສະໜາມທີ່ເມືອງສະໜາມໄຊ
- 174233 - ຮອງລັດຖະມົນຕີ ຖວທ ລົງຊີ້ນຳສູນຂ່າວພາກສະໜາມທີ່ເມືອງສະໜາມໄຊ

ໃນວັນທີ 15 ສິງຫານີ້, ທ່ານ ສະຫວັນຄອນ ຣາຊມູນຕີ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ໄດ້ລົງເຄື່ອນໄຫວຊີ້ນໍາວຽກງານຢູ່ສູນຂ່າວສື່ມວນຊົນທີ່ຕິດຕາມສະພາບໄພນ້ຳຖ້ວມຢູ່ເມືອງສະໜາມໄຊແຂວງອັດຕະປື ແລະ ໄດ້ຮັບຟັງລາຍງານຈາກຫົວໜ້າພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແຂວງວ່າ: ພາຍຫລັງເກີດໄພພິບັດນ້ຳຖ້ວມຢູ່ເມືອງສະໜາມໄຊໃນວັນທີ 23 ກໍລະກົດຜ່ານມາ ເຫັນວ່າມີສື່ມວນຊົນຈາກສໍານັກຂ່າວຕ່າງໆທັງພາຍໃນ ແລະ ຕ່າງປະເທດ ໄດ້ເຂົ້າມາເກັບກໍາຂ່າວໃນເຫດການດັ່ງກ່າວ ເພື່ອລາຍງານໃຫ້ສັງຄົມໄດ້ຮັບຮູ້ຂໍ້ມູນຂ່າວສານຢ່າງທັນການ ແລະ ຊັດເຈນ, ຊຶ່ງມາຮອດປັດຈຸບັນ, ໄດ້ມີສື່ມວນຊົນລາວ ແລະ ຕ່າງປະເທດຫລາຍກວ່າ 50 ພາກສ່ວນໄດ້ເຂົ້າມາຕິດຕາມເກັບກຳຂ່າວ ສະພາບນ້ຳຖ້ວມຄັ້ງນີ້, ພ້ອມນັ້ນກໍໄດ້ມີການປະສານງານກັບພາກສ່ວນຕ່າງໆ ເພື່ອຈັດຖະແຫລງຂ່າວຄວາມຄືບໜ້າການຄົ້ນຫາຜູ້ສູນຫາຍ ແລະ ຜູ້ເສຍຊີວິດຈາກໄພນ້ຳຖ້ວມໄດ້ຢ່າງທັນເວລາ. ພ້ອມນັ້ນກໍໄດ້ຕິດຕັ້ງໂທລະໂຄ່ງ ແລະ ນຳເອົາເຄື່ອງຮັບສັນຍານໂທລະພາບໄປຕິດຕັ້ງໃສ່ຕາມສະຖານທີ່ພັກຊົ່ວຄາວຢູ່ ເມືອງສະໜາມໄຊ ເພື່ອໃຫ້ຜູ້ປະສົບໄພໄດ້ຮັບຮູ້ສະພາບການເຄື່ອນໄຫວ ແລະ ການລາຍງານຂ່າວໄພນໍ້າຖ້ວມຄັ້ງນີ້.

ໃນໂອກາດນີ້, ທ່ານຮອງລັດຖະມົນຕີ ກໍໄດ້ຊີ້ນໍາໃຫ້ສື່ມວນຊົນທີ່ປະຈໍາຢູ່ສູນຂ່າວພາກສະໜາມເພີ່ມທະວີຄວາມເອົາໃຈໃສ່ໃນການລາຍງານຂ່າວຢ່າງລຽນຕິດ ແລະ ໃຫ້ຖືກຕ້ອງເປັນຈິງ ກ່ຽວກັບການຊ່ວຍເຫລືອຜູ້ໄດ້ຮັບຜົກະທົບຈາກໄພນ້ຳຖ້ວມ, ເພື່ອບໍ່ໃຫ້ມີການສ້າງແຫລ່ງຂ່າວທີ່ບໍ່ດີ ແລະ ໃຫ້ສັງຄົມໄດ້ຮັບຮູ້ຂໍ້ມູນຂ່າວສານຢ່າງຖືກຕ້ອງ, ພ້ອມນັ້ນທ່ານຮອງລັດຖະມົນຕີກໍໄດ້ມອບເຄື່ອງຮັບສັນຍານ ແລະ ອຸປະກອນ ເພື່ອໄປຕິດຕັ້ງໃຫ້ຜູ້ປະສົບໄພນ້ຳຖ້ວມຕາມຈຸດພັກຊົ່ວຄາວອີກຈຳນວນໜຶ່ງ.

- Wave100S AD to Website 2020 0 - ຮອງລັດຖະມົນຕີ ຖວທ ລົງຊີ້ນຳສູນຂ່າວພາກສະໜາມທີ່ເມືອງສະໜາມໄຊ
- WhatsApp Image 2020 05 27 at 5 - ຮອງລັດຖະມົນຕີ ຖວທ ລົງຊີ້ນຳສູນຂ່າວພາກສະໜາມທີ່ເມືອງສະໜາມໄຊ
error: Alert: Content is protected !!