ເບິ່ງແຍງຮັກສາເສື້ອຖັກເພື່ອຕ້ອນຮັບອາກາດໜາວ

- 031608 2018 - ເບິ່ງແຍງຮັກສາເສື້ອຖັກເພື່ອຕ້ອນຮັບອາກາດໜາວ
- Untitled design - ເບິ່ງແຍງຮັກສາເສື້ອຖັກເພື່ອຕ້ອນຮັບອາກາດໜາວ

ຮອດຍາມໜາວປີໃດກໍຕ້ອງຊອກເອົາເສື້ອກັນໜາວທີ່ເຄີຍເກັບມ້ຽນອອກມາຊັກເຮັດຄວາມສະອາດກຽມໄວ້ນຸ່ງ ໂດຍສະເພາະ ເສື້ອຖັກອັນເປັນທ່ີນິຍົມ ແລະ ແນ່ນອນຕ້ອງມີວິທີເບິ່ງແຍງຮັກສາເປັນພິເສດ.

     – ອ່ານປ້າຍລາຍລະອຽດ : ສິ່ງທຳອິດທີ່ຕ້ອງເຮັດກ່ອນຈະເລືອກຊື້ ຫລື ກ່ອນຊັກເສື້ອຖັກ ກໍຄືການອ່ານປ້າຍທີ່ບອກລາຍລະອຽດຕ່າງໆ ທັງວິທີການຊັກ, ການຕາກ ແລະ ການລີດວ່າຄວນເຮັດແນວໃດຈຶ່ງຈະຊ່ວຍຖະໜອມເສື້ອຖັກຂອງທ່ານໄດ້, ແຕ່ຖ້າຫາກບໍ່ມີປ້າຍບອກ ກໍລອງຖາມຄົນຂາຍເບິ່ງເພື່ອການເບິ່ງແຍງຮັກສາທີ່ຖືກວິທີຈະດີກ່ວາ.

     – ຊັກເສື້ອຖັກ : ການຊັກເສື້ອຖັກທີ່ດີສຸດ ທ່ານຄວນຈະຊັກແຍກຈາກເສື້ອແບບອື່ນ ແລະ ບໍ່ຈຳເປັນຕ້ອງເອົາໄປແຊ່ກ່ອນ ຈາກນັ້ນເລືອກຜະລິດຕະພັນຊັກຜ້າສຳລັບຊັກເສື້ອຖັກໂດຍສະເພາະ ທີ່ຈະບໍ່ເຮັດໃຫ້ສີຕົກ, ແຕ່ຈະຊ່ວຍໃຫ້ເບິ່ງແຍງຮັກສາເສື້ອຖັກໃຫ້ຄົງສະພາບເກົ່າໄວ້ ສິ່ງສຳຄັນການຊັກມືຖືວ່າ ເປັນວິທີທີ່ດີສຸດສຳລັບການຊັກເສື້ອຖັກ, ແຕ່ຫ້າມເທນຳ້ຍາຊັກຜ້າລົງໃສ່ເສື້ອໂດຍກົງ ບໍ່ດັ່ງນັ້ນອາດຈະເຮັດໃຫ້ເສື້ອຕາຍສີ ຫລື ເນື້ອຜ້າເສຍຫາຍໄດ້.

     – ຕາກເສື້ອຖັກ : ຮູ້ຫລືບໍ່ວ່າການຕາກເສື້ອຖັກຢ່າງຜິດວິທີຈະເຮັດໃຫ້ເສື້ອຖັກຫົດ ຫລື ຢືດຂະຫຍາຍອອກໄດ້ ເຊິ່ງທ່ານບໍ່ຄວນ ເອົາເສື້ອຖັກໄປປັ່ນແຫ້ງ, ແຕ່ຄວນຕາກໃຫ້ແຫ້ງເອງຈະດີກ່ວາແລ້ວ ຖ້າຢາກໃຫ້ເສື້ອຖັກຄົງສະພາບດີ ຢູ່ກັບທ່ານໄປດົນໆກໍບໍ່ຄວນຫ້ອຍແລ້ວຕາກໄວ້.

- Wave100S AD to Website 2020 0 - ເບິ່ງແຍງຮັກສາເສື້ອຖັກເພື່ອຕ້ອນຮັບອາກາດໜາວ

     – ເກັບມ້ຽນໃຫ້ຖືກວິທີ : ຫາກທ່ານຢາກໃຫ້ເສື້ອຖັກຄົງສະພາບເກົ່າໄດ້ຢ່າງດົນນານ ກໍບໍ່ຄວນຈະຫ້ອຍມ້ຽນ, ແຕ່ຄວນພັບມ້ຽນໃນຕູ້ຈະດີກ່ວາ ແລະ ອາດຈະຫາຖົງຫອມດັບກິ່ນໃນຕູ້ມາໃສ່ໄວ້ໃນຕູ້ເພື່ອຊ່ວຍເຮັດໃຫ້ເສື້ອຂອງທ່ານມີກິ່ນຫອມສົດຊື່ນຕະຫລອດເວລາ ເມື່ອຮອດຍາມໜາວກໍເອົາອອກມານຸ່ງໄດ້ເລີຍ.

    – ສ້ອມແປງແກ້ໄຂພາກສ່ວນເສື່ອມສະພາບ : ກ່ອນຈະເອົາເສື້ອຖັກມານຸ່ງອີກເທື່ອໜຶ່ງໃຫ້ທ່ານກວດເບິ່ງໃຫ້ດີກ່ອນວ່າມີບ່ອນໃດທີ່ຂາດ ຫລື ເສຍຫາຍຫລືບໍ່ ຫາກມີຮອຍຕຳໜິເທິງເສື້ອຖັກກໍບໍ່ຕ້ອງຕົກໃຈ ເພາະທ່ານສາມາດສ້ອມແປງແກ້ໄຂ ຫລື ຖັກໃໝ່ໄດ້ອີກເທື່ອໜຶ່ງ ເຊິ່ງກໍບໍ່ຍາກ ທ່ານສາມາດເຮັດເອງໄດ້ ເມື່ອແກ້ໄຂແລ້ວກໍເກັບຮັກສາໃຫ້ດີໆເພື່ອປ້ອງກັນຄວາມເສຍຫາຍຊຳ້ອີກ.

- WhatsApp Image 2020 05 27 at 5 - ເບິ່ງແຍງຮັກສາເສື້ອຖັກເພື່ອຕ້ອນຮັບອາກາດໜາວ
- WhatsApp Image 2020 05 27 at 5 - ເບິ່ງແຍງຮັກສາເສື້ອຖັກເພື່ອຕ້ອນຮັບອາກາດໜາວ
error: Alert: ເນື້ອຫາຂ່າວມີລິຂະສິດ !!