ໄລຍະ 6 ເດືອນຕົ້ນປີ 2018 ເຊກອງພົບຜູ້ຕິດເຊື້ອໄຂ້ຍຸງລາຍແລ້ວເກືອບ 500 ກໍລະນີ

ອີງຕາມການລາຍງານ ຂອງທ່ານ ດຣ ກົງສິນ ວົງເສດ ຖາ ຫົວໜ້າຂະແໜງຄວບ ຄຸມພະຍາດຕິດຕໍ່ ພະແນກສາ ທາລະນະສຸກແຂວງເຊກອງ ໄດ້ລາຍງານຕໍ່ກອງປະຊຸມ ຖອດຖອນບົດຮຽນວຽກງານສ້າງຂະບວນການທໍາລາຍ ແຫຼ່ງເພາະພັນຍຸງລາຍທົ່ວ ແຂວງເຊກອງ ໃນຄັ້ງວັນທີ 15 ສິງຫາ 2018 ນີ້ວ່າ: ໃນ ໄລຍະ 6 ເດືອນຂອງປີ 2018 ແຂວງເຊກອງພົບຜູ້ຕິດເຊື້ອ ໄຂ້ຍຸງລາຍແລ້ວ 495 ກໍລະນີ ແຕ່ບໍ່ມີຜູ້ເສຍຊີວິິດ, ໃນນີ້ເຂດ ເທສະບານ ເມືອງລະມາມ ມີຕົວເລກຜູ້ຕິດເຊື້ອສູງກວ່າ ທຸກໆເມືອງເຖິງ 398 ກໍລະນີ, ເມືອງທ່າແຕງ 55 ກໍລະນີ, ເມືອງກະລືມ 28 ກໍລະນີ ແລະ ເມືອງດາກຈຶງ 14 ກໍລະນີ.

+ ເມືອງໜອງບົກເປີດຂະບວນການຕ້ານໄຂ້ຍຸງລາຍ

+ ໄຊຍະບູລີເປີດຂະບວນອະນາໄມປ້ອງກັນພະຍາດໄຂ້ຍຸງລາຍ2018

ຈາກສະພາບການ ດັ່ງ ກ່າວ, ຄະນະກຳມະການຕ້ານ ແລະ ຄວບຄຸມພະຍາດຕິດ ຕໍ່ແຂວງເຊກອງ ຮ່ວມກັບພາກ ສ່ວນທີ່ກ່ຽວຂ້ອງ ເພື່ອຄວບ ຄຸມບໍ່ໃຫ້ພະຍາດດັ່ງກ່າວ ແຜ່ລະບາດອອກເປັນວົງ ກວ້າງວາງຍຸດທະສາດ ແລະ ມາດຕາການໃນການ ຕອບໂຕ້, ການເຝົ້າລະວັງ ແລະ ລົງສອບສວນກໍລະນີ ການລະບາດ ດ້ວຍການ ໂຄສະນາສຸຂະສຶກສາ ໃຫ້ ຄວາມຮູ້ກ່ຽວກັບວິິທີປ້ອງ ກັນພະຍາດໄຂ້ຍຸງລາຍຢູ່ ຕາມບ້ານ ແລະ ຊຸມຊົນທີ່ ມີຄວາມສ່ຽງ ແລະ ຕາມສະ ຖານທີ່ຕ່າງໆ ນອກນັ້ນຍັງ ໄດ້ປະຊາສຳພັນທາງ ວິທະ ຍຸ-ໂທລະພາບ, ໂທລະໂຄ່ງ ຂອງບ້ານ ແລະ ປະສານກັບ ໝວດໂຮງຮຽນ, ວັດໃນ ການໃຫ້ຄວາມຮູ້ກ່ຽວກັບ ພະຍາດດັ່ງກ່າວ, ພ້ອມທັງ ຈ່າຍຢາຂ້າໜອນນໍ້າຍຸງລາຍ ໃຫ້ປະຊາຊົນໂດຍສະເພາະ ເຂດຊຸມຊົນທີ່ມີຄວາມ ສ່ຽງສູງ.

ຄຽງຄູ່ກັນນັ້ນ ກໍໄດ້ກະ ກຽມຄວາມພ້ອມດ້ານ ຕ່າງໆ ເປັນຕົ້ນສະຖານ ທີ່ປີ່ນປົວ, ຢາ ແລະ ອຸປະ ກອນການແພດ ເພື່ອຮອງ ຮັບການປິ່ນປົວໃນກໍລະນີມີການລະບາດຮຸນແຮງເກີດຂຶ້ນ, ສິ່ງສໍາຄັນແມ່ນເອົາ ໃຈໃສ່ໂຄສະນາສຸຂະສຶກ ສາໃຫ້ຂໍ້ມູນຂ່າວສານລົງ ເຖິງປະຊາຊົນບັນດາເຜົ່າ ໃນການຮັກສາອະນາໄມ ສາມສະອາດຕາມເຮືອນ ຊານສະຖານທີ່ທີ່ມີຄວາມ ສ່ຽງດັ່ງກ່າວ.