ເບິ່ງນະໂຍບາຍປ້ອງກັນສິ່ງແວດລ້ອມ ແລະ ຮັກສາຊັບພະຍາກອນທຳມະຊາດຢູ່ບາງປະເທດ

- 33251 - ເບິ່ງນະໂຍບາຍປ້ອງກັນສິ່ງແວດລ້ອມ ແລະ ຮັກສາຊັບພະຍາກອນທຳມະຊາດຢູ່ບາງປະເທດ
- Untitled design - ເບິ່ງນະໂຍບາຍປ້ອງກັນສິ່ງແວດລ້ອມ ແລະ ຮັກສາຊັບພະຍາກອນທຳມະຊາດຢູ່ບາງປະເທດ

# ວິເສດ ສະແຫວງສຶກສາ     

ສຳລັບບົດປະຈຳວັນນີ້ ຜູ້ຂຽນໄດ້ສັງລວມເອົາທັງ ເລື່ອງໃໝ່ ແລະ ເລື່ອງເກົ່າ ກ່ຽວກັບສິ່ງແວດລ້ອມທີ່ ເປັນຫົວຂໍ້ຮ້ອນໃນຍຸກປັດຈຸ ບັນເພາະວ່າເປົ້າໝາຍການ ພັດທະນາແບບຍືນຍົງທີ່ວົງ ຄານາຍາດສາກົນມີພັນທະ ປະຕິບັດໃຫ້ສຳເລັດແຕ່ປີ 2015 –2030 ນັ້ນ ເນັ້ນການ ພົວພັນລະຫວ່າງການພັດ ທະນາເສດຖະກິດ-ສັງຄົມຕິດພັນກັບການປົກປັກຮັກສາ ສິ່ງແວດລ້ອມ. ແຕ່ຈະເຮັດໄດ້ ລະດັບໃດນັ້ນຂຶ້ນກັບແຕ່ລະ ປະເທດຈະໃຫ້ຄວາມສຳຄັນໜັກ-ເບົາສ່ຳໃດ ແລະ ມີມາດ ຕະການຕົວຈິງແນວໃດ.

ປະເທດ ສິງກະໂປ ນັ້ນ ມີມາດຕະການທີ່ໜ້າສົນໃຈຄືເລີ່ມແຕ່ປີ 2015, ທາງ ການຂອງປະເທດນີ້ໄດ້ສະ ເໜີໃຫ້ບັນດານັກທຸລະກິດ ຂາຍຍ່ອຍຂັ້ນແນວໜ້າທ່ົວ ປະເທດຢັ້ງຢືນວ່າ ສິນຄ້າ ຂອງພວກຕົນ ເຊັ່ນໄມ້, ເຈ້ຍ ແລະ ເຫຍື້ອເຈ້ຍບໍ່ໄດ້ຊື້ມາ ຈາກບັນດາ ບໍລິສັດທີ່ມີຄະດີ ທີ່ພົວພັນກັບບັນຫາໄຟໄໝ້ ປ່າ ຢູ່ອິນໂດເນເຊຍ ຊິງສົ່ງ ຄວັນພິດປົກຄຸມຫລາຍ ເຂດໃນອາຊີຕາເວັນອອກ ສຽງໃຕ້ໂດຍປະຕິບັດຕາມ ການສະເໜີຂອງທາງການ (ສະພາສິ່ງແວດລ້ອມ ແລະ ສະມາຄົມຜູ້ບໍລິໂພກຂອງ ສິງກະໂປ) ບັນດາຮ້ານສັບ ພະສິນຄ້າ, ຮ້ານຂາຍຢາປົວ ພະຍາດ ແລະ ຮ້ານຂາຍ ຍ່ອຍເຄື່ອງເຟີນີເຈີໄດ້ສົ່ງ ເອກະສານຢັ້ງຢືນເປັນທາງ ການວ່າ ພວກຕົນບໍ່ໄດ້ຊື້ຜະ ລິດຕະພັນທີ່ໄດ້ມາຈາກການທຳລາຍສິ່ງແວດລ້ອມ.

ບັນດາຮ້ານທີ່ເອີ່ຍຊື່ມານັ້ນມີເຄື່ອຂ່າຍການຄ້າກັບ ຫລາຍໆ ບໍລິສັດ ທີ່ຜະລິດສິນ ຄ້າຈາກໄມ້, ເຈ້ຍ ແລະ ເຫຍື້ອ ເຈ້ຍ. ເວລາເລື່ອງນີ້ຍັງເປັນ ຂ່າວໃໝ່ໆ ຢູ່ນັ້ນ, ກໍມີລາຍ ງານວ່າ 12 ບໍລິສັດໃຫຍ່ໆ ລວມທັງ ຟູຈິເຊຣົກ ແລະ ແຄນນອນໄດ້ຢັ້ງຢືນວ່າສິນ ຄ້າຂອງພວກຕົນບໍ່ໄດ້ມາ ຈາກບໍລິສັດທີ່ເຂົ້າໄປທຳ ລາຍປ່າໄມ້ໃນອິນໂດເນເຊຍ.

ບົດຮຽນຈາກສິງກະໂປຊີ້ໃຫ້ເຫັນວ່າໃນປັດຈຸບັນກໍ ຄືໃນອະນາຄົດສິນຄ້າທີ່ມາ ຈາກກຳມະວິທີການຜະລິດທີ່ ທຳລາຍສິ່ງແວດລ້ອມນັ້ນຈະພົບບັນຫາໃນການຈຳໜ່າຍ ຢ່າງແນ່ນອນ.

ສ່ວນຢູ່ ຟີລິບປິນ ກໍມີ ເລື່ອງທີ່ໜ້າສົນໃຈເຊັ່ນກັນ ຄືໃນຕົ້ນປີ 2017, ທາງການ ໄດ້ສັ່ງປິດການເຄື່ອນໄຫວ ຂອງບໍລິສັດຂຸດຄົ້ນແຮ່ຈຳ ນວນ 23 ແຫ່ງ ແລະ ສັ່ງໂຈະ 5 ແຫ່ງພາຍຫລັງໄດ້ສອບ ສວນ ແລະ ພົບວ່າບໍລິສັດ, ເຫລົ່ານີ້ສວຍໂອກາດລັກ ລອບຕັດໄມ້ ແລະ ສ້າງມົນ ລະພິດທາງນ້ຳຢ່າງໜັກ ໜ່ວງ.

ບັນດາບໍລິສັດເຈົ້າບັນ ຫາເກືອບທັງໝົດເຄື່ອນ ໄຫວຂຸດຄົ້ນແຮນິກເກນ (Nickel) ທີ່ເປັນສ່ວນປະ ສົມສຳຄັນໃນການຜະລິດ ເຫລັກກ້າ.

ທ່ານ ນາງ ກິນາໂລເປດ (Gina Lopez) ລັດຖະມົນ ຕີ ສິ່ງແວດລ້ອມ ຟີລິບປິນ ໄດ້ ອອກມາກ່າວກ່ຽວກັບບັນ ຫານີ້ວ່າ ການປົກປັກຮັກສາ ແຫລ່ງບໍ່ນ້ຳນັ້ນຈະບໍ່ມີການຕໍ່ລອງ ແລະ ຫ້າມເດັດຂາດ ບໍ່ໃຫ້ບໍລິສັດໃດໆກໍ່ຊະນວນ ຄວາມສ່ຽງຕໍ່ແຫລ່ງນ້ຳ ຂອງຄົນຟີລິບປິນ. ຟີລິບ ປິນ ເປັນປະເທດສົ່ງອອກ ແຮ່, Nickel ລາຍສຳຄັນ ຂອງໂລກ.

- Wave100S AD to Website 2020 0 - ເບິ່ງນະໂຍບາຍປ້ອງກັນສິ່ງແວດລ້ອມ ແລະ ຮັກສາຊັບພະຍາກອນທຳມະຊາດຢູ່ບາງປະເທດ

ໃນປີ 2015 ແຮ່ Nickel ຂອງຟິລິບປິນ ກວມ 24% ຂອງຕະຫລາດໂລກ ການສັ່ງປິດ ແລະ ໂຈະການ ຂຸດຄົ້ນແຮ່ Nickel ຂອງ ບໍລິສັດເຈົ້າບັນຫາຄັ້ງນີ້ໄດ້ ປະເຊີນກັບກະແສຄັດຄ້ານ ຈາກຜູ້ປະກອບການດ້ານນີ້ ທີ່ອ້າງວ່າ ຈະເປັນການທຳ ລາຍການລົງທຶນຈາກຕ່າງ ປະເທດແຕ່ທາງການ ຟີລິບ ປິນ ບອກວ່າບໍ່ສົນ, ກ່ອນອື່ນ ຕ້ອງປົກປັກຮັກສາສິ່ງແວດລ້ອມ ແລະ ຜົນປະໂຫຍດ ຂອງຄົນຟີລິບປິນທີ່ທຸກຍາກ.

ຕໍ່ໄປຂໍກ້ຽວໆມາປະ ເທດບ້ານໃກ້ເຮືອນຄຽງຄື ຫວຽດນາມ ນັ້ນເອງ. ໃນ ທ້າຍປີ 2015 ໄດ້ມີກອງປະ ຊຸມນັດສຳຄັນຢູ່ຮ່າໂນ້ຍທີ່ລົງ ເລິກກ່ຽວກັບບັນຫາສິ່ງແວດລ້ອມຖືກທຳລາຍຈາກບໍລິ ສັດຂຸດຄົ້ນແຮ່ທາດທີ່ຂາດ ຄວາມຮັບຜິດຊອບຕໍ່ສັງຄົມ.
ໃນປີ 2015 ນັ້ນເອງ, ເຈົ້າໜ້າທີ່ຕຳຫລວດສິ່ງແວດລ້ອມໄດ້ຄົ້ນພົບການລະເມີດມາດຕະການປ້ອງກັນສິ່ງ ແວດລ້ອມໂດຍບໍລິສັດຕ່າງໆເຖິງ 6.500 ກໍລະນີ.

ກອງປະຊຸມໄດ້ຢ້ຳໃຫ້ ເຫັນວ່າ ການຂຸດຄົ້ນບໍ່ແຮ່ນັ້ນ ເປັນຂະແໜງພິເສດໜຶ່ງ ທີ່ສົ່ງຜົນກະທົບຕໍ່ວິຖີຊີວິດ ຂອງປະຊາຊົນ ເພາະມັນ ເປັນ ຂະແໜງທີ່ນຳໃຊ້ຊັບພະຍາ ກອນທຳມະຊາດເປັນຈຳ ນວນຫລວງຫລາຍ ແລະ ກໍ່ໃຫ້ເກີດບັນຫາຍົກຍ້າຍຖິ່ນຖານຂອງປະຊາຊົນ, ດັ່ງນັ້ນ ບັນດາບໍລິສັດໃນຂະແໜງ ນີ້ຕ້ອງຍົກສູງຄວາມຮັບຜິດ ຊອບຂອງພວກຕົນຕໍ່ສັງຄົມ.

ໃນປີ 2015 ໄດ້ເກີດມີ ການປະທ້ວງ ບໍລິສັດທີ່ທຳ ລາຍສິ່ງແວດລ້ອມ ຢູ່ແຂວງ ບິງດິງ (Binh Dinh) ທີ່ເຮັດ ໃຫ້ແມ່ນ້ຳວັງປາເປັນພິດ ແລະ ມີຝຸ່ນໝອກປິວປົກຄຸມ ເຮືອນປະຊາຊົນໃນບ້ານໃກ້ ບ່ອນມີການ ຂຸດຄົ້ນແຮ່, ສຸດທ້າຍ ບໍລິສັດ ແທງອານ (Thanh An) ເຈົ້າບັນຫາ ກໍຖືກທາງການສັ່ງຢຸດກິດ ຈະການ./.

ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ

ຈີນ​ຊ່ວຍຍົກ​ລະດັບ​ວຽກ​ງານ​ພັດທະນາ​ຊັບພະຍາກອນ​ແຮ່​ທາດ

- 33251 - ເບິ່ງນະໂຍບາຍປ້ອງກັນສິ່ງແວດລ້ອມ ແລະ ຮັກສາຊັບພະຍາກອນທຳມະຊາດຢູ່ບາງປະເທດ
(ພາບປະກອບ)
- WhatsApp Image 2020 05 27 at 5 - ເບິ່ງນະໂຍບາຍປ້ອງກັນສິ່ງແວດລ້ອມ ແລະ ຮັກສາຊັບພະຍາກອນທຳມະຊາດຢູ່ບາງປະເທດ
- WhatsApp Image 2020 05 27 at 5 - ເບິ່ງນະໂຍບາຍປ້ອງກັນສິ່ງແວດລ້ອມ ແລະ ຮັກສາຊັບພະຍາກອນທຳມະຊາດຢູ່ບາງປະເທດ
error: Alert: ເນື້ອຫາຂ່າວມີລິຂະສິດ !!