IMF ຊີ້ຕວກກີຕ້ອງໃຊ້ນະໂຍບາຍ ເສດຖະກິດສົ່ງເສີມສະຖຽນລະພາບ

- 1534394417245 800x0 - IMF ຊີ້ຕວກກີຕ້ອງໃຊ້ນະໂຍບາຍ ເສດຖະກິດສົ່ງເສີມສະຖຽນລະພາບ
- Untitled design - IMF ຊີ້ຕວກກີຕ້ອງໃຊ້ນະໂຍບາຍ ເສດຖະກິດສົ່ງເສີມສະຖຽນລະພາບ

​ເຈົ້າໜ້າ​ທີ່​ກອງ​ທຶນການ​ເງິນ​ສາກົນ (IMF) ​ແນະນຳ​ຕວກກີ​ດຳ​ເນີນ​ນະ​ໂຍບາຍ​ເສດຖະກິດ​ທີ່​ຈະ​ສົ່ງ​ເສີມ​ສະຖຽນ​ລະ​ພາບ ​ແລະ ຫລຸດ​ຍອດ​ຂາດ​ດຸນ​ການ​ຄ້າ​ໃນ​ໄລຍະ​ທີ່​ຕະຫລາດ​ເກີດ​ຄວາມ​ປັ່ນ​ປ່ວນ, ຂະນະ​ທີ່​ການ​ພົວພັນ​ກັບ​ອາ​ເມ​ລິ​ກາ​ທະວີ​ຄວາມ​ເຄັ່ງ​ຕຶງ.

​ເຈົ້າໜ້າ​ທີ່ IMF ກ່າວ​ວ່າ: ຍັງ​ບໍ່​ມີ​ທ່າ​ທີ​ວ່າ​ຕວກກີ​ກຳລັງ​ພິຈາລະນາ​ຂໍ​ການ​ຊ່ວຍ​ເຫລືອ​ທາງ​ການ​ເງິນ​ຈາກ IMF​ ​ເຊິ່ງກຳລັງ​ຕິດຕາມ​ສະຖານະ​ການ​ຢ່າງ​ໃກ້ຊິດ, ລັດຖະບານ​ຕວກກີ​ຈະ​ຕ້ອງ​ສະ​ແດງ​ໃຫ​້​ເຫັນ​ວ່າ​ຍຶດໝັ້ນຕໍ່​ການ​ດຳ​ເນີນ​ນະ​ໂຍບາຍ​ເສດຖະກິດ​ທີ່​ຈະ​ສົ່ງ​ເສີມ​ສະຖຽນ​ລະ​ພາບ​ເສດຖະກິດ​ມະຫາ​ພາກ ​ແລະ ຫລຸດ​ຍອດ​ຂາດ​ດຸນ​ການ​ຄ້າ. ຂະນະ​ດຽວ​ກັນ ຈະ​ຕ້ອງ​ໃຫ້​ທະນາຄານ​ກາງ​ມີ​ອິດ​ສະລະ​ຢ່າງ​ເຕັມ​ສ່ວນ​ໃນ​ການ​ໃຊ້​ອຳນາດ​ໜ້າ​ທີ່​ເພື່ອ​ຮັກສາ​ສະຖຽນ​ລະ​ພາບ​ດ້ານ​ລາຄາ.

ສະກຸນ​ເງິນ​ລີຣາຂອງ​ຕວກກີ​ທຽບ​ໃສ່​ໂດ​ລາ​ສະຫະລັດ​ອ່ອນ​ຄ່າ​ລົງ​ເກືອບ 40% ​ໃນ​ປີ​ນີ້ ​ເພາະ​ຕະຫລາດ​ກັງວົນ​ເລື່ອງ​ປະທານາທິບໍດີ ​ເຣ​ເຈ​ບ ທາຍ​ຍິບ ​ແອ​ໂດ​ອານ ​ເພີ່ມ​ອຳນາດ​ຄວບ​ຄຸມ​ເສດຖະກິດ ຫລັງ​ຊະນະ​ເລືອກ​ຕັ້ງອີກ​ສະ​ໄໝ​ໃນ​ເດືອນ​ມິຖຸນາ ​ແລະ ​ເນັ້ນຂໍ້​ຮຽກຮ້ອງ​ໃຫ້​ທະນາຄານ​ກາງ​ຫລຸດ​ດອກ​ເບ້ຍ ທັງ​ທີ່​ອັດຕາ​ເງິນ​ເຟີ້​ສູງ. ສະຖານະ​ການ​ຮຸນ​ແຮງ​ອີກ​ເມື່ອ​ລັດຖະບານ​ອາ​ເມ​ລິ​ກາ​ລົງ​ໂທດ​ຕວກກີ​ທີ່​ຄວບ​ຄຸມ​ບາດ​ຫລວງ​ອາ​ເມ​ລິ​ກາ ຂໍ້​ຫາ​ກໍ່​ການ​ຮ້າຍ ​ເພາະ​ພົວພັນ​ກັບ​ກຸ່ມ​ກະບົດ​ເມື່ອ​ສອງ​ປີ​ກ່ອນ​ໃນ​ຕວກກີ. ​ເງິນ​ລີຣາອ່ອນ​ຄ່າ​ກະທົບ​ຕະຫລາດ​ເງິນ​ຕະຫລາດ​ທຶນ​ທົ່ວ​ໂລກ ກ່ອນ​ຈະ​ເພີ່ມ​ຂຶ້ນ​ເມື່ອ​ຕວກກີ​ເພີ່ມ​ສະພາບ​ຄ່ອງ ​ແລະ ຈຳກັດ​ການ​ຂາຍ​ເງິນ​ລີຣາ. ຫລ້າ​ສຸດ​ກາ​ຕາ​ຮັບປາກ​ຈະ​ລົງທຶນ​ໃນ​ຕວກກີ​ເຖິງ 15.000 ລ້ານ​ໂດ​ລາ​ສະຫະລັດ ຜ່ານ​ທະນາຄານ ​ແລະ ຕະຫລາດ​ການ​ເງິນ ​ເຮັດ​ໃຫ້​ຄ່າ​ເງິນ​ແຂງ​ຄ່າ​ຂຶ້ນ.

- Wave100S AD to Website 2020 0 - IMF ຊີ້ຕວກກີຕ້ອງໃຊ້ນະໂຍບາຍ ເສດຖະກິດສົ່ງເສີມສະຖຽນລະພາບ
- WhatsApp Image 2020 05 27 at 5 - IMF ຊີ້ຕວກກີຕ້ອງໃຊ້ນະໂຍບາຍ ເສດຖະກິດສົ່ງເສີມສະຖຽນລະພາບ
- WhatsApp Image 2020 05 27 at 5 - IMF ຊີ້ຕວກກີຕ້ອງໃຊ້ນະໂຍບາຍ ເສດຖະກິດສົ່ງເສີມສະຖຽນລະພາບ
error: Alert: ເນື້ອຫາຂ່າວມີລິຂະສິດ !!