ທີມຊາດຍິງ ຢູ16 ລາວ ກຽມຝຶກຊ້ອມທີ່ຍີ່ປຸ່ນ

- advert banner 728 90 728x90 - ທີມຊາດຍິງ ຢູ16 ລາວ ກຽມຝຶກຊ້ອມທີ່ຍີ່ປຸ່ນ

ທີມຊາດຍິງລາວ ຮຸ່ນອາຍຸບໍ່ເກີນ 16 ປີ ກຽມໄປເກັບຕົວຝຶກຊ້ອມທີ່່ສູນຝຶກ J GreenSakai Dream Camp ທີ່່ ເມືອງໂອຊາກາ ປະເທດຍີ່ປຸ່ນ ໃນລະຫວ່າງວັນທີ 22-30 ສິງຫາ 2018 ກ່ອນເຂົ້າຮ່ວມການແຂ່ງຂັນບານເຕະຍິງ ຊີງແຊ້ມອາຊີ ຮຸ່ນອາຍຸບໍ່ເກີນ 16 ປີ ຮອບຄັດເລືອກ 2019 AFC U-16 WOMEN’S CHAMPIONSHIP 2019 ຢູ່ທີ່ປະເທດມົງໂກລີ ໃນລະຫວ່າງວັນທີ 15-23 ກັນຍາ 2018.

ທ່ານ ນາງ ພອນທິບ ແສງມະນີ ຫົວໜ້າຄູຝຶກນັກ​ກິລາ​ທີ​ມຊາດ ຢູ 16 ລາວ ໄດ້ກ່າວວ່າ: ພາຍຫລັງ​ໄດ້​ຮັບ​ການ​ແຕ່ງ​ຕັ້ງຈາກສະຫະພັນບານເຕະແຫ່ງຊາດລາວ (ສຕລ)  ຕົນ​ເອງກໍໄດ້ນຳພາບັນດາຄະນະຄູຝຶກຄັດເລືອກ ແລະ ຝຶກຊ້ອມໃຫ້ນັກກິລາມາແຕ່ກາງ​ເດືອນມິຖຸນາ​ຜ່ານ​ມາ ໂດຍມີນັກກິລາເຂົ້າຮ່ວມຄັດເລືອກ 40 ກວ່າຄົນ, ນັກກິລາສ່ວນໃຫຍ່ແມ່ນຄັດເລືອກມາຈາກນັກກິລາຊຸດເກົ່າທີ່ເຂົ້າຮ່ວມການແຂ່ງຂັນບານເຕະຊີງແຊ້ມອາຊຽນ ຮຸ່ນອາຍຸບໍ່ເກີນ 16 ປີ ທີ່ປະເທດອິນໂດເນເຊຍ ໄດ້ອັນດັບ 4 ໃນເດືອນພຶດສະພາທີ່ຜ່ານມາ ປະສົມປະສານກັບນັກເຕະໃໝ່ທີ່ມາຈາກຫລາຍແຂວງເຂົ້ານອນສູນເກັບຕົວຝຶກຊ້ອມ ໂດຍມີນັກກິລາຈາກຕ່າງແຂວງທີ່ຖືກຄັດເລືອກປະກອບມີແຂວງສະຫວັນນະເຂດ, ແຂວງສາລະວັນ, ແຂວງ ຈຳປາສັກ, ແຂວງຫົວພັນ ແລະ ແຂວງຊຽງຂວາງ.

- 1 1 - ທີມຊາດຍິງ ຢູ16 ລາວ ກຽມຝຶກຊ້ອມທີ່ຍີ່ປຸ່ນ
- lattana 1 - ທີມຊາດຍິງ ຢູ16 ລາວ ກຽມຝຶກຊ້ອມທີ່ຍີ່ປຸ່ນ

ມາຮອດປັດຈຸບັນສາມາດຄັດເລືອກນັກກິລາໄດ້ຈຳນວນ 27 ຄົນ ໂດຍຈະຕັດໃຫ້ເຫລືອ 22 ຄົນ ກ່ອນອອກເດີນທາງເຂົ້າຮ່ວມເກັບຕົວຝຶກຊ້ອມ. ພ້ອມດຽວກັນນັ້ນ ຈະໄດ້ມີການອຸ່ນເຄື່ອງ 2 ນັດ ທີ່ເມືອງໂອຊາກາ ປະເທດ ຍີ່ປຸ່ນ.

error: Content is protected !!