ຫລວງພະບາງກຽມສົ່ງ 26 ປະເພດກິລາ ເຂົ້າຮ່ວມຊຽງຂວາງເກມຄັ້ງທີ 11

- advert banner 728 90 728x90 - ຫລວງພະບາງກຽມສົ່ງ 26 ປະເພດກິລາ ເຂົ້າຮ່ວມຊຽງຂວາງເກມຄັ້ງທີ 11

​      ແຂວງ​ຫລວງ​ພະ​ບາງ​ກຽມ​ສົ່ງ​ 26 ປະ​ເພດ​ກິລາ​ເຂົ້າ​ຮ່ວມ​ການ​ແຂ່ງຂັນ​ມະຫາກໍາ​ກິລາ​ແຫ່ງ​ຊາດ​​ຄັ້ງ​ທີ 11 ຫລື ຊຽງ​ຂວາງ​ເກ​ມ ຄັ້ງ​ທີ 11 ທີ່​ຈະ​ຈັດ​ຂຶ້ນ​ໃນທ້າຍ​ປີ​ນີ້ ​ໂດຍ​ຕັ້ງ​ເປົ້າຍາດຫລຽນ​ຄໍາ​ໃຫ້​ໄດ້ທຸກ​ປະ​ເພດ​ກິລາ.

ທ່ານ ຄໍາພັນ ບຸນ​ພັກດີ ຫົວໜ້າ​ຂະ​ແໜງ​ກິລາ​ລະດັບ​ສູງ​ພະ​ແນ​ກສຶກສາທິການ ​ແລະ ກິລາ ​ແຂວງ​ຫລວງ​ພະ​ບາງ ​ໃຫ້​ສໍາພາດ​ວ່າ: ການ​​ເຂົ້າ​ຮ່ວມ​ແຂ່ງຂັນ​ມະຫາກໍາ​ກິລາ​ແຫ່ງ​ຊາດ​ຄັ້ງ​ທີ 11 ນີ້ ທີ່​ຈະ​ຈັດ​ຢູ່​ແຂວງ​ຊຽງຂວາງ ພວກ​ເຮົາ​ກຽມສົ່ງ​ 26 ປະ​ເພດ​ກິລາ​ເຂົ້າ​ຮ່ວມ​ຄື: ​ແລ່ນ​-ລານ, ບານ​ເຕະ, ບານບ້ວງ, ບານ​ສົ່ງ, ກະຕໍ້, ​ເທັນ​ນິດ, ປິ່ງ​ປ໋ອງ, ​ເປ​ຕັງ, ດອກ​ປິກ​ໄກ່, ລອຍ​ນໍ້າ, ຍິງ​ປຶ​ນ, ໝາກ​ເສິກ, ​ເທ​ຄວັນ​ໂດ້, ວູຊູ, ປັນ​ຈັກ​ສີ​ລັດ, ຢູ​ໂດ້, ຄາ​ດາ​ເຕໂດ້, ມວຍ​ສາກົນ, ມວຍ​ປໍ້າ, ມວຍ​ລາຍ​ລາວ, ຊ່ວງ​ເຮືອ, ກ໊ອຟ, ໝາກ​ຂ່າງ, ໜ້າ​ເກັກ, ລົດຖີບ ​ແລະ ໂບລິ້ງ ດັ່ງນີ້​ເປັນຕົ້ນ. ການ​ເຂົ້າ​ຮ່ວມ​ຄັ້ງ​ນີ້​ພວກ​ເຮົາ​ຕັ້ງ​ເປົ້າໝາຍ​ຕ້ອງ​ຍາດ​ໃຫ້​ໄດ້​ຫລຽນ​ຄໍາ​ທຸກ​ປະ​ເພດ​ກິລາ​ທີ່​ສົ່ງ​ເຂົ້າ ​ເຊິ່ງມາ​ຮອດ​ປັດຈຸບັນ​ພວກ​ເຮົາ​ໄດ້​ຂຸ້ນ​ຂ້ຽວ​ຝຶກ​ຊ້ອມ​ຢ່າງ​​ເຕັມທີ່ ​ເພື່ອ​ເຮັດ​​ໃຫ້​ໄດ້​ຕາມ​ເປົ້າ​ໝາຍ​ທີ່​ຕັ້ງ​ເອົາ​​ໄວ້.

- 1 1 - ຫລວງພະບາງກຽມສົ່ງ 26 ປະເພດກິລາ ເຂົ້າຮ່ວມຊຽງຂວາງເກມຄັ້ງທີ 11
- lattana 1 - ຫລວງພະບາງກຽມສົ່ງ 26 ປະເພດກິລາ ເຂົ້າຮ່ວມຊຽງຂວາງເກມຄັ້ງທີ 11

ສໍາລັບ​ງານ​ມະຫາກໍາ​ກິລາ​ແຫ່ງ​ຊາດ​ຄັ້ງ​ທີ 10 ທີ່​ແຂ​ວງອຸດົມ​ໄຊ​ເປັນ​ເຈົ້າພາບ ​ແຂວງ​ຫລວງ​ພະ​ບາງ​ສາມາດ​ຍາດ​ໄດ້ 23 ຫລຽນ​ຄໍາ, 26 ຫລຽນ​ເງິນ, 45 ຫລຽນ​ທອງ.

error: Content is protected !!