ພໍ່ແມ່ໃຫ້ລູກຫຼິ້ນໂທລະສັບມືຖືສົ່ງຜົນເສຍທຸກດ້ານ ຄໍາເຕື່ອນຈາກແພດຊາວຍີ່ປຸ່ນ

ພໍ່ແມ່ໃຫ້ລູກຫຼິ້ນໂທລະສັບມືຖືສົ່ງຜົນເສຍທຸກດ້ານ ຄໍາເຕື່ອນຈາກແພດຊາວຍີ່ປຸ່ນ - advert banner 728 90 728x90 - ພໍ່ແມ່ໃຫ້ລູກຫຼິ້ນໂທລະສັບມືຖືສົ່ງຜົນເສຍທຸກດ້ານ ຄໍາເຕື່ອນຈາກແພດຊາວຍີ່ປຸ່ນ

ແພດຊາວຍີ່ປຸ່ນເຕືອນ ໃຫ້ລູກຫຼິິ້ນໂທລະສັບມືຖືສົ່ງຜົນເສຍທຸກດ້ານ ໂທລະສັບມືຖືເປັນອັນຕະລາຍຕໍ່ເດັກ ຊຶ່ງສົ່ງຜົນກະທົບດ້ານລົບຕໍ່ເດັກທັງດ້ານສຸຂະພາບ, ການຮຽນ ແລະ ພັດທະນາການດ້ານຕ່າງໆ.

9 ຜົນກທົບຈາກການໃຊ້ໂທລະສັບຫຼາຍເກີນໄປ:

  1. ລົບກວນການນອນຫຼັບ: ແສງຈາກໂທລະສັບມືຖື ຫຼື ແທັບເລັດ ຜົນສົ່ງຕໍ່ການລັ່ງຮໍໂມນ (ເມລາໂທນິນ) ທີ່ຊ່ວຍຄວບຄຸມການນອນຫຼັບ ເນື່ອງຈາກການປ່ອຍຮໍໂມນດັ່ງກ່າວຈະຂຶ້ນຢູ່ກັບແສງສະຫວ່າງເປັນສໍາຄັນ. ດັ່ງນັ້ນ, ການຫຼິ້ນໂທລະສັບກ່ອນນອນ ຈຶ່ງສົ່ງຜົນຕໍ່ການນອນບໍ່ຫຼັບ.
  2. ເກີດຄວາມຄຽດ
  3. ທໍາລາຍຈໍປະສາດຕາ: ແສງສີຟ້າຈາກຈໍໂທລະສັບສາມາດທໍາລາຍຈໍປະສາດຕາ (ເຣຕິນ່າ) ຈົນນໍາໄປສູ່ໂຣກຈໍປະສາດຕາເສື່ອມໄດ້ ຊຶ່ງສູດທີ່ໃຊ້ກັນເພື່ອເບິ່ງແຍງສຸຂະພາບຕາ ຄື 20-20-20 ໂດຍເບິ່ງຈໍພຽງແຕ່ 20 ນາທີ ຈາກນັ້ນພັກສາຍຕາເບິ່ງບ່ອນອື່ນ 20 ວິນາທີ ໂດຍເບິ່ງສິ່ງທີ່ຢູ່ໄກຈາກຕົນເອງ 20 ແມັດ ເພື່ອຄາຍຄວາມລ້າຈາກການໃຊ້ສາຍຕາ.
  4. ພຶດຕິກໍາກ້າວລ້າວ: ຄົນທີ່ຕິດການໃຊ້ໂທລະສັບມືຖື ແລະ ບໍ່ໄດ້ໃຊ້ເວລາທີ່ຕ້ອງການ ມັກຈະເກີດອາການງຸດງິດ, ກ້າວລ້າວ ເພາະບໍ່ໄດ້ດັ່ງໃຈ ຊຶ່ງພົບໄດ້ຫຼາຍໃນເດັກນ້ອຍ ທີ່ຕິດຫຼິ້ນເກມໃນໂທລະສັບມືຖື.
  5. ເສຍສະມາທິ: ການໃຊ້ໂທລະສັບເຊື່ອມຕໍ່ກັບໂຊຊຽວມີເດຍ ສົ່ງຜົນໃຫ້ເສຍສະມາທິໄດ້ ເພາະແທນທີ່ຈະຈົດຈໍ່ກັບການເຮັດສິ່ງໃດສິ່ງໜຶ່ງໃຫ້ສໍາເລັດ ກໍຕ້ອງມາຄິດກັບສຽງແຈ້ງເຕືອນຕ່າງໆ ທີ່ເຂົ້າມາຈົນຂາດສະມາທິ.
  6. ອາການປວດຊາບໍລິເວນປາຍແຂນ ແລະ ມື ຈາກການຈັບໂທລະສັບດ້ວຍທ່າທາງທີ່ງໍແຂນເປັນມຸນແຄບກວ່າ 90 ອົງສາດົນເກີນໄປ ຊຶ່ງຫາກບໍ່ໄດ້ຮັບການແກ້ໄຂກໍອາດເຮັດໃຫ້ກ້າມຊີ້ນອ່ອນແຮງ ຫຼືເກີດຂໍ້ງໍຕິດແຂງທີ່ນິ້ວນາງກັບນິ້ວກ້ອຍໄດ້.
  7. ນິ້ວລັອກ: ການໃຊ້ນິ້ວໃດນິ້ວໜຶ່ງພິມຂໍ້ຄວາມ ຫຼື ຫຼິ້ນເກມໃນໂທລະສັບດົນເກີນໄປ ສົ່ງຜົນໃຫ້ເກີດອາການນິ້ວລັອກໄດ້ ຊຶ່ງເກີດຈາກການອັກເສບຂອງເສັ້ນເອັນ ແລະ ປອກຫຸ້ມເອັນທີ່ໃຊ້ໃນການງໍນິ້ວຂໍ້ມືບໍລິເວນໂຄນນິ້ວ ເຮັດໃຫ້ເກີດອາການປວດບວມ ໂດຍສ່ວນໃຫຍ່ມັກເປັນກັບນິ້ວໂປ້ງມື ທີ່ໃຊ້ງານຫຼາຍກວ່ານິ້ວອື່ນໆ.
  8. ຊຶມເສົ້າ ແລະ ວິຕົກກັງວົນ: ຄົນທີ່ໃຊ້ໂທລະສັບມືຖືຈົນຕິດ ມັກຈະມີອາການຊຶມເສົ້າ ຫຼື ວິຕົກກັງວົນຕາມມາໄດ້ ອັນເນື່ອງມາຈາກການລໍຄອຍ ຫຼື ຄາດຫວັງສຽງໂທລະສັບ ຫຼື ການຕອບກັບຂໍ້ຄວາມຕ່າງໆ ແລະ ຫາກມື້ໃດລືມເອົາໂທລະສັບຕິດໂຕໄປນໍາ ກໍຈະຍິ່ງຮູ້ສຶກເປັນກັງວົນຫຼາຍຂຶ້ນ.
  9. ເຈັບຫົວ: ການໃຊ້ໂທລະສັບເປັນເວລາດົນ ຈະສົ່ງຜົນໃຫ້ໄດ້ຮັບລັງສີຄື້ນໂທລະສັບທີ່ແຜ່ອອກມາຫຼາຍຂຶ້ນຕາມໄປດ້ວຍ ຊຶ່ງລັງສີດັ່ງກ່າວສົ່ງຜົນຕໍ່ລະບົບປະສາດດ້ວຍເຮັດໃຫ້ເກີດອາການຂ້າງຄຽງຕາມມານັ້ນຄື ເຈັບຫົວ, ເຈັບໄມເກນ ຫຼື ບາງຄົນກໍອາດຈະມີອາການທີ່ຮຸນແຮງກວ່ານັ້ນ.

ແຕ່ຜົນກະທົບຕໍ່ສະໝອງ ແລະ ການຮຽນກໍໄດ້ຮັບການພິສູດໂດຍຜົນການສໍາຫລວດແລ້ວໂທລະສັບຍິ່ງນ້ອຍ ຜົນກະທົບຍິ່ງຫຼາຍ. ຂໍ້ມູນຈາກກະຊວງສຶກສາທິການ ວັດທະນະທໍາ ກິລາ ວິທະຍາສາດ ແລະ ເຕັກໂນໂລຊີຂອງຍີ່ປຸ່ນ ພົບວ່າ ຕັ້ງແຕ່ປີ 2014 ນັກຮຽນຊັ້ນປະຖົມ ແລະ ມັດທະຍົມທີ່ໃຊ້ເວລາກັບໂທລະສັບຫຼາຍ ຈະຍິ່ງສົ່ງຜົນການຮຽນຫລຸດຖອຍລົງ ນອກນີ້, ການຈ້ອງເບິ່ງຈໍພາບເປັນເວລາດົນ ຍັງມີສ່ວນທໍາລາຍສະໝອງ ແລະ ເຮັດໃຫ້ປະສິດທິພາບເລື່ອງຄວາມຈໍາຫລຸດຖອຍອີກດ້ວຍ ຜົນການວິໄຈເຄີຍພົບວ່າ ໂທລະສັບສົ່ງຜົນລົບຕໍ່ພັດທະນາການຂອງເດັກນ້ອຍ ເພາະເປັນການສື່ສານທາງດຽວ ເຮັດໃຫ້ເດັກຂາດພັດທະນາການດ້ານການສື່ສານ ແລະ ຄວາມຄິດສ້າງສັນ.

ພໍ່ແມ່ໃຫ້ລູກຫຼິ້ນໂທລະສັບມືຖືສົ່ງຜົນເສຍທຸກດ້ານ ຄໍາເຕື່ອນຈາກແພດຊາວຍີ່ປຸ່ນ - 1 1 - ພໍ່ແມ່ໃຫ້ລູກຫຼິ້ນໂທລະສັບມືຖືສົ່ງຜົນເສຍທຸກດ້ານ ຄໍາເຕື່ອນຈາກແພດຊາວຍີ່ປຸ່ນ
ພໍ່ແມ່ໃຫ້ລູກຫຼິ້ນໂທລະສັບມືຖືສົ່ງຜົນເສຍທຸກດ້ານ ຄໍາເຕື່ອນຈາກແພດຊາວຍີ່ປຸ່ນ - Tiger Head 728x90 - ພໍ່ແມ່ໃຫ້ລູກຫຼິ້ນໂທລະສັບມືຖືສົ່ງຜົນເສຍທຸກດ້ານ ຄໍາເຕື່ອນຈາກແພດຊາວຍີ່ປຸ່ນ

ແຕ່ໂທລະສັັບຍິ່ງຈໍຂະໜາດນ້ອຍກໍຈະຍິ່ງມີຜົນເສຍຫຼາຍກວ່າ ຜູ້ປົກຄອງຄວນຈໍາກັດເວລາການຫຼິ້ນໂທລະສັບ, ຫຼິ້ນເກມ ແລະ ໃຊ້ໂທລະສັບຂອງເດັກນ້ອຍໃຫ້ບໍ່ເກີນມື້ລະ 2 ຊົ່ວໂມງຕໍ່ມື້, ສ່ວນເດັກນ້ອຍອາຍຸຕໍ່ກວ່າ 2 ປີ ບໍ່ຄວນໃຫ້ເບິ່ງໂທລະສັບ ຫຼືໃຊ້ຄອມພິວເຕີ ແລະ ໂທລະສັບຢ່າງເດັດຂາດ.

ພໍ່ແມ່ໃຫ້ລູກຫຼິ້ນໂທລະສັບມືຖືສົ່ງຜົນເສຍທຸກດ້ານ ຄໍາເຕື່ອນຈາກແພດຊາວຍີ່ປຸ່ນ - shutterstock 245476813 - ພໍ່ແມ່ໃຫ້ລູກຫຼິ້ນໂທລະສັບມືຖືສົ່ງຜົນເສຍທຸກດ້ານ ຄໍາເຕື່ອນຈາກແພດຊາວຍີ່ປຸ່ນ

error: Content is protected !!