ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ

ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ - President - ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ
ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ - Untitled design - ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ

ໃນທ້າຍອາທິດຜ່ານມານີ້, ທ່ານເລຂາທິການໃຫຍ່, ປະທານປະເທດ ບຸນຍັງ ວໍລະຈິດ, ໄດ້ເຄື່ອນໄຫວຕິດຕາມສະພາບຜົນກະທົບຈາກໄພນໍ້າຖ້ວມຢູ່ ແຂວງຄໍາມ່ວນ ແລະ ແຂງອັດຕະປື, ໂດຍມີການນໍາຂອງສອງແຂວງດັ່ງກ່າວ ໃຫ້ການຕ້ອນຮັບຢ່າງອົບອຸ່ນ.

ໃນໂອກາດນີ້, ທ່ານປະທານປະເທດ ໄດ້ຮັບຟັງລາຍງານຈາກທ່ານເຈົ້າແຂວງຄໍາມ່ວນ ໂອໄດ ສຸດາພອນ ວ່າ: ພາຍຫລັງມີຝົນຕົກຕິດຕໍ່ກັນຫລາຍວັນ ໄດ້ເຮັດໃຫ້ລະດັບນ້ຳໃນແມ່ນ້ຳຕ່າງໆ, ໂດຍສະເພາະແມນໍ້າເຊບັ້ງໄຟເພີ່ມສູງ ຂຶ້ນກາຍເຂດອັນຕະລາຍ ແລະ ລົ້ນຝັ່ງໄຫລເຂົ້າຖ້ວມເນື້ອທີ່ທຳການຜະລິດ, ເຮືອນຊານບ້ານຊ່ອງຂອງປະຊາຊົນທັງໝົດ 420 ບ້ານ, ມີ 27.010 ຄອບຄົວໄດ້ຮັບຜົນກະທົບ. ໃນນັ້ນມີ 34 ບ້ານ, ມີພົນລະເມືອງ 7.300 ຄົນໄດ້ຮັບຜົນກະທົບແຮງ ຈົນໄດ້ຍົກຍ້າຍອອກໄປຢູ່ຕາມຈຸດພັກເຊົາຊົ່ວຄາວ ແລະ ມາຮອດປັດຈຸບັນພວກເຂົາໄດ້ກັບຄືນເມືອຢູ່ເຮືອນຂອງຕົນເອງແລ້ວ, ນອກນີ້ມີເນື້ອທີ່ນາຖືກຖ້ວມທັງໝົດ 36.965 ເຮັກຕາເທົ່າກັບ 45% ຂອງຈຳນວນເນື້ອທີ່ນາປັກດຳຕົວຈິງ, ເນື້ອທີ່ຖືກເສຍຫາຍ 21.579 ເຮັກຕາ, ເນື້ອທີ່ພືດລະດູຝົນທີ່ຖືກຖ້ວມ 802 ເຮັກຕາ, ຜົນເສຍຫາຍ 598 ເຮັກຕາ. ນອກນີ້ຍັງມີສັດລ້ຽງ ຄວາຍ 79 ໂຕ, ງົວ 243 ໂຕ, ແບ້ 325 ໂຕ, ໝູ 292 ໂຕ, ສັດປີກ 11.322 ໂຕເສຍຫາຍ, ໜອງປາ 833 ໜອງຖືກນໍ້າຖ້ວມ, ຊົນລະປະທານ 131 ແຫ່ງ, ໂຮງຮຽນ 81 ແຫ່ງ, ວັດ 36 ແຫ່ງ, ສຸກສາລາ 11 ແຫ່ງເປ່ເພ, ເສັ້ນທາງບາງສາຍຖືກຕັດຂາດ. ພາຍຫລັງເກີດໄພນໍ້າຖ້ວມດັ່ງກ່າວ ກໍມີຫລາຍພາກສ່ວນທັງພາຍໃນ ແລະ ຕ່າງປະເທດໄດ້ໃຫ້ການຊ່ວຍເຫລືອຢ່າງລຽນຕິດ ແລະ ມາຮອດວັນທີ 15 ສິງຫາ ລວມມີມູນຄ່າທັງໝົດ 7 ຕື້ກວ່າກີບ ແລະ ໄດ້ນໍາເຄື່ອງອຸປະໂພກ-ບໍລິໂພກ ທີ່ໄດ້ຮັບການຊ່ວຍເຫລືອໄປແຈກຢາຍໃຫ້ປະຊາຊົນທີ່ໄດ້ຮັບຜົນກະທົບແລ້ວລວມມູນຄ່າ 5 ຕື້ກວ່າກີບ.

ຈາກນັ້ນ, ທ່ານປະທານປະເທດ ໄດ້ສືບຕໍ່ໄປຢ້ຽມຢາມແຂວງອັດຕະປື ເພື່ອ ຕິດຕາມສະພາບການຊ່ວຍເຫລືອຜູ້ໄດ້ຮັບຜົນກະທົບຈາກໄພນໍ້າຖ້ວມຢູ່ເມືອງສະໜາມໄຊ, ໂດຍມີຄະນະການນໍາຂອງແຂວງດັ່ງກ່າວໃຫ້ການຕ້ອນຮັບຢ່າງອົບອຸ່ນ, ພ້ອມທັງລາຍງານວ່າ: ໄພນໍ້າຖ້ວມຄັ້ງນີ້, ມີ 13 ບ້ານ, 2.717 ຄອບຄົວ, ມີ 13.067 ຄົນໄດ້ຮັບຜົນກະທົບ, ໃນນີ້ມີ 6 ບ້ານ, 1.611 ຄອບຄົວ, ມີ 7.095 ຄົນ ໄດ້ຮັບຜົນກະທົບ 100%,​ ປັດຈຸບັນໄດ້ຈັດສັນຜູ້ປະສົບໄພຢູ່ບ່ອນພັກເຊົາຊົ່ວຄາວຄື: ຈຸດເທສະບານເມືອງສະໜາມໄຊມີ 725 ຄອບຄົວ, ມີ 3.435 ຄົນ, ຈຸດບ້ານຕະມໍຢອດມີ 138 ຄອບຄົວ, ມີ 915 ຄົນ, ຈຸດຄຸ້ມດອນບົກມີ 97 ຄອບຄົວ, ມີ 414 ຄົນ, ຈຸດບ້ານປີນດົງມີ 73 ຄອບຄົວ, ມີ 277 ຄົນ ແລະ ຈັດສັນຢູ່ຈຸດພັກເຊົາຊົ່ວຄາວອື່ນໆຈໍານວນໜຶ່ງ. ສ່ວນການຊອກຄົ້ນຜູ້ສູນຫາຍ ແລະ ຜູ້ເສຍຊີວິດ ມາຮອດປັດຈຸບັນເກັບກູ້ຢູ່ພາກສະໜາມໄດ້ 34 ສົບ ແລະ ເສຍຊີວິດຢູ່ໂຮງໝໍ 5 ສົບ. ພາຍຫລັງເກີດເຫດການດັ່ງກ່າວໄດ້ມີອົງການຈັດຕັ້ງພັກ-ລັດ, ອົງການສາກົນ, ບໍລິສັດຫ້າງຮ້ານ ຕະຫລອດຮອດປະຊາຊົນທັງພາຍໃນ ແລະ ຕ່າງປະເທດໄດ້ໃຫ້ການຊ່ວຍເຫລືອທາງດ້ານເງິນຄໍາ, ວັດຖຸສິ່ງຂອງທີ່ຈໍາເປັນ ແລະ ເຄື່ອງອຸປະໂພກ-ບໍລິໂພກ ມາຢ່າງລຽນຕິດ ແລະ ເປັນຈໍານວນຫລາຍ, ໂດຍຄະນະສະເພາະກິດຟື້ນຟູໄພພິບັດ ໄດ້ຈັດສັນແຈກຢາຍເຄື່ອງຊ່ວຍເຫລືອດັ່ງກ່າວໃຫ້ຜູ້ປະສົບໄພເປັນແຕ່ໄລຍະ ແລະ ທົ່ວເຖິງ.

ໃນໂອກາດຢ້ຽມຢາມຄັ້ງນີ້, ທ່ານປະທານປະເທດ ໄດ້ໃຫ້ກຽດໂອ້ລົມຕໍ່ຄະນະນຳທັງສອງແຂວງ ໃຫ້ເອົາໃຈໃສ່ການຄຸ້ມຄອງ, ຈັດສັນແຈກຢາຍເຄື່ອງຊ່ວຍເຫລືອໃຫ້ຜູ້ປະສົບໄພໃຫ້ມີປະສິດທິພາບ ແລະ ທົ່ວເຖິງ, ພ້ອມທັງເລັ່ງຟື້ນຟູພື້ນຖານໂຄງລ່າງເປັນຕົ້ນແມ່ນເສັ້ນທາງ, ສຸກສາລາ, ໂຮງຮຽນ, ລະບົບຊົນລະປະທານທີ່ເປ່ເພໃຫ້ສາມາດນໍາໃຊ້ໂດຍໄວ, ສືບຕໍ່ຟື້ນຟູຊີວິດການເປັນຢູ່ຂອງປະຊາຊົນໃຫ້ເຂົ້າສູ່ສະພາບປົກກະຕິໂດຍໄວ, ຊຸກຍູ້ປະຊາຊົນເຮັດການຜະລິດ ເພື່ອທົດແທນຜົນຜະລິດທີ່ເສຍຫາຍ, ພ້ອມທັງກະກຽມທາງດ້ານແນວເຂົ້າ, ແນວພັນພືດເພື່ອສະໜອງໃຫ້ແກ່ປະຊາຊົນ, ເອົາໃຈໃສ່ເບິ່ງແຍງຜູ້ປະສົບໄພໃຫ້ດີ ໃນດ້ານທີ່ພັກເຊົາ, ອາຫານການກິນ, ຕິດຕາມປ້ອງກັນພະຍາດຕ່າງໆທີ່ຈະເກີດຂຶ້ນຕາມມາ. ນອກນັ້ນແມ່ນໃຫ້ເອົາໃຈໃສ່ບັນຫາຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນຈຸດພັກເຊົາຊົ່ວຄາວຕ່າງໆໃຫ້ດີ.

ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ - Wave100S AD to Website 2020 0 - ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ

​  ໃນໂອກາດນີ້, ທ່ານປະທານປະເທດ ກໍໄດ້ມອບເງິນ 1 ຕື້ກີບເພື່ອຊ່ວຍເຫລືອຜູ້ປະສົບໄພພິບັດຢູ່ເມືອງສະໜາມໄຊ ແລະ ໄປຢ້ຽມຜູ້ປະສົບໄພທີ່ປິ່ນປົວຢູ່ໂຮງໝໍແຂວງອັດຕະປື, ພ້ອມທັງໄປມອບເຄື່ອງຊ່ວຍເຫລືອໃຫ້ຜູ້ທີ່ຖືກຜົນກະທົບທີ່ຍົກຍ້າຍຈາກເມືອງປາກຊ່ອງຈໍານວນ 53 ຄອບຄົວ, 187 ຄົນມາພັກຊົ່ວຄາວຢູ່ໂຮງຮຽນມັດທະຍົມສຶກສາສົມບູນຈັນທາຕື່ມອີກ.

ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ - WhatsApp Image 2020 05 27 at 5 - ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ
ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ - WhatsApp Image 2020 05 27 at 5 - ປະທານປະເທດ ບຸນຍັງ ວໍລະຈິດ ຊີ້ນໍາໃຫ້ການນໍາແຂວງຄໍາມ່ວນ ແລະ ອັດຕະປືຊ່ວຍເຫລືອຜູ້ປະສົບໄພໃຫ້ທົ່ວເຖິງ
error: Alert: ເນື້ອຫາຂ່າວມີລິຂະສິດ !!