ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ

ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ - 1534481139873 800x0 - ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ
ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ - Untitled design - ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ

​ເອກ​ວາ​ດໍ ​ແລະ ​ເປຣູ ກຳນົດ​ໃຫ້​ຊາວ​ເວ​ເນ​ຊູ​ເອລາ​ທີ່​ຈະ​ເດີນທາງ​ເຂົ້າປະ​ເທດ​ຕ້ອງ​ສະ​ແດງ​ໜັງສື​ເດີນທາງ ​ແທນ​ບັດປະຈຳຕົວ​ຄື​ຜ່ານ​ມາ, ພາຍຫລັງ​ຊາວ​ເວ​ເນ​ຊູ​ເອລາ​ຈຳນວນ​ຫລາຍ​ພາກັນ​ໜີ​ສະພາບ​ເສດຖະກິດ​ຍາກ​ລຳບາກ​ໃນ​ປະ​ເທດ.

ກະຊວງ​ປ້ອງ​ກັນ​ປະ​ເທດ​ເອກ​ວາ​ດໍ ຖະ​ແຫລ​ງວ່າ: ນັບ​ແຕ່​ວັນ​ທີ 18 ສິງຫາ​ນີ້​ເປັນຕົ້ນ​ໄປ ຊາວ​ເວ​ເນ​ຊູ​ເອລາ​ທີ່​ຈະ​ເດີນທາງ​ເຂົ້າມາ​ຈະ​ຕ້ອງ​ສະ​ແດງ​ໜັງສືພິມ​ເດີນທາງ ບໍ່​ແມ່ນ​ບັດປະຈຳຕົວ​ອີກ​ຕໍ່​ໄປ. ກ່ອນ​ໜ້າ​ນີ້ ທາງ​ການ​ເອກ​ວາ​ດໍ​ໄດ້​ປະກາດ​ສະຖານະ​ການ​ສຸກ​ເສີນ​ໃນ 3 ​ແຂວງ ​ເພາະ​ມີ​ຊາວ​ເວ​ເນ​ຊູ​ເອລາ​ເດີນທາງ​ຂ້າມ​​ແດນ​ເຂົ້າມາ​ຫລາຍ​ຂຶ້ນຈາກ​ວັນ​ລະ 500-1.000 ຄົນ​ເປັນ 4.500 ຄົນ​ໃນ​ປັດຈຸບັນ. ກະຊວງ​ຕ່າງປະ​ເທດ ​ເປີດ​ເຜີຍ​ວ່າ: ນັບ​ແຕ່​ຕົ້ນປີ​ຈົນ​ຮອດ​ປັດຈຸບັນ ມີ​ຊາວ​ເວ​ເນ​ຊູ​ເອລາ​ເຂົ້າ​ເອກ​ວາ​ດໍ​ແລ້ວ 600.000 ຄົນ ​ໃນ​ຈຳນວນ​ນີ້ 109.000 ຄົນ​ຍັງ​ບໍ່​ເດີນທາງ​ອອກ​ໄປ.

ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ - Wave100S AD to Website 2020 0 - ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ

ສ່ວນ​ແຫ​ລ່ງຂ່າວ​ໃນ​ລັດຖະບານ​​ເປຣູ​ເປີດ​ເຜີຍ​ກ່ອນ​ທີ່​ທາງ​ການຈະ​ປະກາດ​ຢ່າງ​ເປັນ​ທາງ​ການ​ວ່າ: ລັດຖະບານ​ຈະ​ກຳນົດ​ໃຫ້​ຊາວ​ເວ​ເນ​ຊູ​ເອລາ​ເຂົ້າປະ​ເທດ​ຕ້ອງ​ສະ​ແດງ​ໜັງສື​ເດີນທາງ​ແທນ​ບັດປະຈຳຕົວ​ເຊັ່ນ​ກັນ. ​ເຈົ້າໜ້າ​ທີ່​ເຂົ້າ​ເມືອງ​ຕີ​ລາຄາ​ວ່າ: ມີ​ຊາວ​ເວ​ເນ​ຊູ​ເອລາ​ຢູ່​ໃນ​ປະ​ເທດ​ເກືອບ 400.000 ຄົນ ສ່ວນ​ຫລາຍ​ເຂົ້າມາ​ໃນ​ປີ​ນີ້. ຂະນະ​ທີ່ ລັດຖະມົນຕີ​ປ້ອງ​ກັນ​ປະ​ເທດ​ເປຣູ​ເປີດ​ເຜີຍ​ວ່າ: ຊາວ​ເວ​ເນ​ຊູ​ເອລາ 20% ​ເຂົ້າມາ​ໂດຍ​ບໍ່​ໄດ້​ໃຊ້​ໜັງສື​ເດີນທາງ.

ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ - WhatsApp Image 2020 05 27 at 5 - ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ
ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ - WhatsApp Image 2020 05 27 at 5 - ເອກວາດໍ-ເປຣູເຂັ້ມງວດ ຊາວເວເນຊູເອລາເຂົ້າປະເທດ
error: Alert: ເນື້ອຫາຂ່າວມີລິຂະສິດ !!