ເອຊຽນເກມຄັ້ງທີ 18 ເປີດຢ່າງເປັນທາງການ ລາວສົ່ງເຂົ້າ 19 ປະເພດກິລາ

ໃນວັນທີ 18 ສິງຫາຜ່ານມານີ້ ທີ່ປະເທດອິນໂດເນເຊຍ ໄດ້ມີພິທີເປີດງານເອຊຽນເກມ 2018 ຢ່າງເປັນທາງການ ໂດຍມີການແຂ່ງຂັນຊີງໄຊທັງໝົດ 39 ປະເພດກິລາ, ຂະນະທີ່ ສປປ ລາວ ສົ່ງເຂົ້າຮ່ວມຊີງໄຊ 19 ປະເພດກິລາ.

ການແຂ່ງຂັນຄັ້ງໄດ້ດໍາເນີນແຕ່ວັນທີ 10 ສິງຫາ – 1 ກັນຍາ 2018 ໂດຍມີ 46 ປະເທດເຂົ້າຮ່ວມ ເຊິ່ງມີການຊີງໄຊທັງໝົດ 39 ປະເພດກິລາ,​ ສ່ວນ ສປປ ລາວ ໄດ້ສົ່ງເຂົ້າຮ່ວມ 19 ປະເພດກິລາຄື: ກະຕໍ້, ວູຊູ, ເທຄວັນໂດ, ຢູໂດ, ປັນຈັກສີລັດ, ຍິງທະນູ, ມວຍສາກົນ, ແລ່ນ-ລານ, ລົດຖີບ, ລອຍນໍ້າ, ກາຣາເຕໂດ ແລະ ຍົກນໍ້າໜັກ ຊອບເທັນນິສ, ປິ່ງປ່ອງ, ບານເຕະຊາຍ, ພາລາກາຍດິ້ງ, ເບສບອນ, ອີ່ສະປອດ ແລະ ຍິງປືນ.

ຮ່ວມເປັນກໍາລັງໃຈໃຫ້ແກ່ນັກກິລາທີມຊາດລາວຍາດໄດ້ຫລຽນຄໍາໃນການແຂ່ງຂັນຄັ້ງນີ້.