ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ

ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ - advert banner 728 90 728x90 - ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ

 ໂດຍ: ທິດກ່ຳ    

ນັບແຕ່ເຂື່ອນເຊປຽນ-ເຊນ້ຳນ້ອຍແຕກຢູ່ທີ່ເມືອງສະ ໜາມໄຊແຂວງອັດຕະປື, ທິດ ກ່ຳ ກໍໄດ້ເກາະຕິດແຫລ່ງຂ່າວ ໃນແຕ່ລະວັນ. ສິ່ງສຳຄັນກໍ ເຫັນຫລາຍຜູ້ ຫລາຍຄົນໄດ້ ສະແດງຄວາມຄິດຄວາມເຫັນ ແລະ ທັດສະນະຂອງຕົນອອກ ມາຢ່າງຫລວງຫລາຍພາຍ ມາກ, ໂດຍສະເພາະແມ່ນ ແຫລ່ງຂ່າວໃນສື່ອອນລາຍທີ່ພວມລ້ຳຍຸກນຳສະໄໝ ທັງຂະ ຫຍາຍຕົວໄປຢ່າງກວ້າງ ຂວາງ ແລະ ວ່ອງໄວ,
ຕໍ່ຄວາມຄິດຄວາມ ເຫັນ ທີ່ວ່າໄປນັ້ນ, ສ່ວນຫລວງ ຫລາຍ ກໍແມ່ນໄດ້ສະແດງ ຄວາມເວດທະນາຕໍ່ເຫດການທີ່ໄດ້ເກີດຂຶ້ນດ້ວຍຄວາມ ເອັນດູສົງສານ, ແຕ່ກົງ ກັນຂ້າມ, ມີບາງສື່ອອນລາຍ ຂອງບາງກຸ່ມ, ບາງບຸກຄົນທີ່ ຢູ່ພາຍໃນ ແລະ ຕ່າງປະເທດ ຕ່າງກໍມີການໃຫ້ຂໍ້ມູນບິດ ເບືອນ, ທັງຕຳນິວິຈານສະ ແດງຄວາມຄິດເຫັນແບບ ຊ້ຳຊອກ, ໂກດເຄື່ອງ, ດູຖູກ ການ ນຳພາຂອງພັກ ແລະ ລັດຖະບານເຮົາໄປຕ່າງໆ ນາໆ.

 

ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ

ຈົ່ງມີສະຕິ ເຂື່ອນແຕກບັນຫາບໍ່ໄກຕົວ

ແຕ່ສິ່ງທີ່ພວກເຮົາຄວນ ຈາລຶກ, ຈົດຈຳ ແລະ ຮູ້ບຸນ ຄຸນນັ້ນ ຄືນ້ຳໃຈເສຍສະ ຫລະ ຂອງຄົນໃນຊາດໂດຍລວມ ທີ່ໄດ້ພ້ອມກັນອວ່າຍໜ້າໄປຫາເມືອງສະໜາມໄຊແຂວງອັດຕະປື ຄ້າຍຄືກັນກັບວ່າ ເປັນປາງບຸນໃຫຍ່ແຕ່ພັດບໍ່ ແມ່ນປາງບຸນທີ່ມ່ວນຊື່ນ, ມັນ ແມ່ນໂສກນາດຕະກຳທີ່ບໍ່ ເຄີຍມີມາໃນປະຫວັດສາດ ຂອງຊາດລາວເຮົາ.

ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ - 1 1 - ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ
ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ - lattana 1 - ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ

ແນວໃດກໍດີ, ຕາມເຮົາ ວ່າຕໍ່ເຫດການທີ່ເກີດຂຶ້ນນີ້ ມັນໄດ້ກາຍເປັນບົດຮຽນອັນຍິ່ງໃຫຍ່ສຳລັບພວກເຮົາໃນທຸກຂະແໜງການ ນັບແຕ່ຂັ້ນ ສູນກາງລົງຮອດທ້ອງຖິ່ນ. ທິດກ່ຳຂໍເວົ້າສະເພາະເຈາະ ຈົງໃນພາລະກິດຂອງສື່ທີ່ມີ ຕໍ່ເຫດການເຂື່ອນເຊປຽນ- ເຊນ້ຳນ້ອຍແຕກນັບແຕ່ ວັນທີ 23 ກໍລະກົດຜ່ານມາ ເຫັນ ວ່າການອອກຂ່າວຄາວ ຂ້ອນຂ້າງຊັກຊ້າ, ບໍ່ທັນ ກິນ, ນັບທັງກ່ອນເຂື່ອນແຕກ ການແຈ້ງເຕືອນປະຊາຊົນ ກໍອາດບໍ່ທົ່ວເຖິງວ່ອງໄວ ແລະ ເດັດຂາດຈຶ່ງພາໃຫ້ ເກີດການເສຍຫາຍຢ່າງ ຫລວງຫລາຍ.
ພາຍຫລັງເຂື່ອນແຕກ ໃນວັນທີ 23 ກໍລະກົດ, ສື່ ຂອງປະເທດເພື່ອນບ້ານໄດ້ ອອກຂ່າວພ້ອມທັງຖ່າຍ ທົດສົດ ເຖິງເຫດການທີ່ເກີດ ຂຶ້ນຢູ່ ສປປ ລາວ ໄປຄຽງຄູ່ ກັນນັ້ນແຫລ່ງຂ່າວຊື່ດັງ ຂອງຕ່າງປະເທດເຊັ່ນ: ບີບີ ຊີ (BBC), ຊີເອັນເອັນ (CNN) ແລະ ສຳນັກຂ່າວ ອື່ນໆ ກໍໄດ້ທະຍອຍກັນອອກ ຂ່າວຢ່າງລຽນຕິດ.

ແຕ່ໃນຂະນະດຽວກັນ, ວົງການສື່ລາວຍັງມິດຈີ່ລີ່ບໍ່ ວ່າທາງວິທະຍຸ ແລະ ໂທລະ ພາບເຫັນຍັງອອກຂ່າວຄາວປົກກະຕິຕາມລາຍການ ຂອງຕົນທີ່ມີໄວ້ ຈົນມາຮອດ ສອງສາມວັນຈຶ່ງເຫັນພາ ກັນທະຍອຍອອກຂ່າວ ແລະ ມີ ຜົນໃຫ້ສື່ອອນລາຍບາງ ແຫລ່ງຂອງບຸກຄົນ ແລະ ກຸ່ມ ຄົນທີ່ຈອບເອົາແຕ່ຄວາມ ຜິດໄດ້ຕຳນິຕິຕຽນວ່າໂສກ ນາດຕະກຳເຂື່ອນແຕກຢູ່ ອັດຕະປືມີຄົນຕາຍ, ຄົນ ເຈັບ, ຄົນເປັນ, ຊັບສິນເສຍ ຫາຍຢ່າງຫລວງຫລາຍແຕ່ ກໍຍັງມາພາກັນເປີດລາຍ ການຟ້ອນລຳທຳເພງຢ່າງ ສະໜຸກສະໜານຢູ່ ວ່າຊັ້ນ! ນີ້ ລະຄືບັນຫາຂອງວົງການ ສື່ລາວຈະຕ້ອງໄດ້ພາກັນຄິດ ແລະ ພ້ອມກັນແກ້ໄຂ.

ເຮົາຄິດວ່າ, ໃນປັດຈຸບັນ ແລະ ອານາຄົດເຫດການ ຢູ່ບ້ານເມືອງເຮົາອາດຈະບໍ່ ມີແຕ່ບັນຫາເຂື່ອນແຕກ, ອາດມີເຫດການອື່ນໆ ທີ່ຈະ ເກີດຂຶ້ນຢ່າງບໍ່ໜ້າຄາດຝັນ, ເຊິ່ງສິ່ງເຫລົ່ານັ້ນຈະມາທ້າ ທາຍຕໍ່ພາລະກິດຂອງສື່ມວນຊົນລາວທີ່ຈະຕ້ອງໄດ້ພັດທະນາຕົນເອງໃຫ້ທັນສະໄໝ ທຽມທັນໄປກັບໝູ່.

68 ປີແຫ່ງການກຳເນີດ ເກີດຂຶ້ນຂອງສື່ມວນຊົນລາວກໍມີຫລາຍດ້ານທີ່ພວກເຮົາ ເຮັດໄດ້, ອັນສຳຄັນແມ່ນເປັນ ກະບອກສຽງຂອງພັກ ແລະ ລັດຖະບານ ແລະ ຮັບໃຊ້ພາ ລະກິດຂອງຊາດມາຢ່າງ ທໍລະຫົດອົດທົນ, ໃນອາ ນາຄົດກໍເຊື່ອໝັ້ນວ່າ ຖ້າ ເຮົາຫາກພ້ອມກັນບຸກທະລຸ ກ້າວສູ່ທັນສະໄໝໄດ້ຕາມ ຄຳເວົ້າຢາກບໍ່ຢາກເຮົາກໍ ຈະໄດ້ກິນທັງນ້ຳທັງຕ່ອນ ດີກວ່າໝູ່ຈະຍາດເອົາໄປ ກິນກ່ອນ.

 

ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ - 39139168 1831254903620503 8103606606031224832 n - ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ
(ພາບປະກອບ)
error: Content is protected !!