ທີມນັກກິລາຣັກບີ້ລະດັບໂລກຂອງອົດສະຕຣາລີຢ້ຽມຢາມລາວ

ທີມນັກກິລາຣັກບີ້ລະດັບໂລກຂອງອົດສະຕຣາລີຢ້ຽມຢາມລາວ - advert banner 728 90 728x90 - ທີມນັກກິລາຣັກບີ້ລະດັບໂລກຂອງອົດສະຕຣາລີຢ້ຽມຢາມລາວ

ໃນວັນທີ 17 ສິງຫາຜ່ານມາ, ສະຖານທູດອົດສະຕຣາລີ ປະຈໍາລາວ ໄດ້ຈັດງານຕ້ອນຮັບທີມນັກກິລາຣັກບີ້ລະດັບໂລກຂອງອົດສະຕຣາລີ ມີທ່ານ ນາງ ຊາລ໊ອດ ຄາສລິກ ຜູ້ຊະນະເລີດຫຼຽນຄໍາໂອ​ລິ​ມປິກ, ທ່ານ ເລວິສ ໂຮແລນ ຫົວໜ້າທີມຊາດຣັກບີ້ຊາຍອົດສະຕຣາລີ ແລະ ທ່ານ ນາງ ເຣເບັກກາ ຕາໂວ ອະດີດຫົວໜ້າທີມຊາດຣັກບີ້ຍິງອົດສະຕຣາລີ ໃນໂອກາດຢ້ຽມຢາມ ສປປ ລາວ ເພື່ອຊ່ວຍຍົກລະດັບຂີດຄວາມສາມາດຂອງຄູຝຶກ ແລະ ນັກກິລາຣັກບີ້ລາວໃຫ້ເຕີບໃຫຍ່ໃນລະດັບສາກົນ, ໂດຍການເຂົ້າຮ່ວມຂອງທ່ານຜູ້ຕາງໜ້າຈາກອົງການຊາຍຟັນລາວ, ສະຫະພັນຣັກບີ້ແຫ່ງຊາດ ແລະ ສະຖານທູດອົດສະຕຣາລີປະຈໍາລາວ, ຕາງໜ້າຈາກກະຊວງສຶກສາທິການ ແລະ ກິລາ, ຄະນະກໍາມາທິການກິລາໂອ​ລິ​ມປິກລາວເຂົ້າຮ່ວມນໍາດ້ວຍ.

ໃນການຢ້ຽມຢາມຂອງທີມນັກກິລາຣັກບີ້ລະດັບໂລກຄັ້ງນີ້ ໄດ້ມີການຝຶກຊ້ອມທີ່ນະຄອນຫຼວງວຽງຈັນ ໂດຍໄດ້ນໍາພາຝຶກຊ້ອມການນໍາໃຊ້ແຮງບັນດານໃຈ ແລະ ທັກສະໃໝ່ໆໃຫ້ແກ່ 6 ທີມ (11-16 ປີ) ຈາກໂຄງການຈໍາປາບານ ຊາຍຟັນ ພາສອິດແບັກ. ພ້ອມນີ້, ຍັງໄດ້ຝຶກຊ້ອມໃຫ້ທີມຊາດລາວທີ່ກໍາລັງຝຶກຊ້ອມ ​ເພື່ອເຂົ້າຮ່ວມການແຂ່ງຂັນທົວນາເມັ້ນ ລະດັບສາກົນທີ່ຈະມາເຖິງໃນທ້າຍປີນີ້ ແລະ ໃນວັນທີ 19 ສິງຫາ ໄດ້ເດີນທາງໄປເມືອງໜອງແຮດ ແລະ ເມືອງແປກ ແຂວງຊຽງຂວາງ ເພື່ອໄປຊ່ວຍພັດທະນາກິລາຣັກບີ້ໃນແຂວງດັ່ງກ່າວ ເພື່ອກະກຽມຄວາມພ້ອມສໍາລັບການແຂ່ງຂັນກິລາຣັກບີ້ລະດັບຊາດທີ່ຈະຈັດຂຶ້ນໃນທ້າຍເດືອນພະຈິກ 2018 ນີ້ ແລະ ພ້ອມທັງຊ່ວຍບັນຈຸນັກກິລາຊຸດໃໝ່.

ທີມນັກກິລາຣັກບີ້ລະດັບໂລກຂອງອົດສະຕຣາລີຢ້ຽມຢາມລາວ - Tiger Head 728x90 - ທີມນັກກິລາຣັກບີ້ລະດັບໂລກຂອງອົດສະຕຣາລີຢ້ຽມຢາມລາວ
ທີມນັກກິລາຣັກບີ້ລະດັບໂລກຂອງອົດສະຕຣາລີຢ້ຽມຢາມລາວ - 1 1 - ທີມນັກກິລາຣັກບີ້ລະດັບໂລກຂອງອົດສະຕຣາລີຢ້ຽມຢາມລາວ
error: Content is protected !!