ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື

ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື - Japan assembly - ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື
ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື - Untitled design - ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື

ໃນໂອກາດເຂົ້າຢ້ຽມຂໍ່ານັບທ່ານນາຍົກລັດຖະມົນຕີ ທອງລຸນ ສີສຸລິດ ຂອງທ່ານ ຕາເກໂອະ ຄາມາມູຣະ ປະທານກຳມາທິການງົບປະມານ, ສະພາຜູ້ແທນລາຊະດອນຍີ່ປຸ່ນ ໃນວັນທີ 20 ສິງຫານີ້, ທ່ານໄດ້ປະກາດມອບເງິນ 2 ແສນເຢັນ (ສະກຸນເງິນຍີປຸ່ນ) ເພື່ອປະກອບສ່ວນຊ່ວຍເຫລືອຜູ້ປະສົບໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື, ພ້ອມທັງນຳເອົາຄວາມຢ້ຽມຢາມຖາມຂ່າວ ຂອງທ່ານນາຍົກລັດຖະມົນຕີແຫ່ງຍີ່ປຸ່ນມາຍັງທ່ານນາຍົກລັດຖະມົນຕີແຫ່ງ ສປປ ລາວ.

ໃນໂອກາດນີ້, ທ່ານນາຍົກລັດຖະມົນຕີ ໄດ້ສະແດງຊົມເຊີຍຕໍ່ການມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້, ຊຶ່ງເປັນການປະກອບສ່ວນເສີມສ້າງສາຍພົວພັນ ແລະ ການຮ່ວມມືຂອງສອງປະເທດ ກໍຄືສະພາຂອງສອງປະເທດໃຫ້ມີຄວາມແໜ້ນແຟ້ນ ແລະ ເກີດດອກອອກຜົນຍິ່ງໆຂຶ້ນ, ພ້ອມທັງສະແດງຄວາມຂອບໃຈຕໍ່ການສະໜັບສະໜູນຊ່ວຍເຫລືອຂອງລັດຖະບານ ແລະ ປະຊາຊົນຍີ່ປຸ່ນໃນໄລຍະຜ່ານມາທີ່ມີຢ່າງຫລວງຫລາຍ ແລະ ມີປະສິດທິຜົນສູງ, ທັງສອດຄ່ອງກັບຄວາມຮຽກຮ້ອງຕ້ອງການຕົວຈິງຂອງການພັດທະນາເສດຖະກິດ-ສັງຄົມຂອງ ສປປ ລາວ, ໂດຍສະເພາະການແກ້ໄຂຄວາມທຸກຍາກຂອງປະຊາຊົນ, ການພັດທະນາພື້ນຖານໂຄງລ່າງ, ການພັດທະນາຊັບພະຍາກອນມະນຸດ, ການຊ່ວຍເຫລືອທາງດ້ານເຕັກນິກວິຊາການອື່ນໆ. ນອກນັ້ນຍັງມີອາສາສະໜັກຂອງຍີ່ປຸ່ນໄດ້ມາປະຕິບັດໜ້າທີ່ທັງຢູ່ໃນຕົວເມືອງ ແລະ ຊົນນະບົດ ໂດຍໄດ້ສຸມທັງກຳລັງແຮງ, ສະຕິປັນຍາ, ຄວາມຮູ້ຄວາມສາມາດຂອງຕົນປະກອບສ່ວນພັດທະນາວຽກງານຕ່າງໆຂອງ ສປປ ລາວ ຢ່າງສຸດຄວາມສາມາດ ແລະ ມີຜົນງານຢ່າງຫລວງຫລາຍ. ພ້ອມດຽວກັນນີ້, ທ່ານນາຍົກລັດຖະມົນຕີ ຍັງຫວັງຢ່າງຍິ່ງວ່າຄະນະຜູ້ແທນຍີ່ປຸ່ນຈະສືບຕໍ່ໃຫ້ການສະໜັບສະໜູນຊ່ວຍເຫລືອແກ່ ສປປ ລາວ ຕື່ມອີກ, ໂດຍສະເພາະຂົງເຂດວຽກງານທີ່ພົວພັນເຖິງການພິຈາລະນາການຊ່ວຍເຫລືອແກ່ ສປປ ລາວ ຜ່ານລັດຖະສະພາຍີ່ປຸ່ນ.

ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື - Wave100S AD to Website 2020 0 - ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື
ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື - WhatsApp Image 2020 05 27 at 5 - ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື
ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື - WhatsApp Image 2020 05 27 at 5 - ສະພາຜູ້ແທນລາຊະດອນຍີ່ປຸ່ນມອບເງິນ 2 ແສນເຢັນຊ່ວຍຜູ້ປະສົບໄພນໍ້າຖ້ວມຢູ່ແຂວງອັດຕະປື
error: Alert: ເນື້ອຫາຂ່າວມີລິຂະສິດ !!