ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ

ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ - 38910083 2148615392078055 370194041674924032 n - ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ
ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ - Untitled design - ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ

​ໃນ​ວັນ​ທີ 21 ສິງຫານີ້, ຢູ່​ກະຊວງ​​ແຮງ​ງານ ​ແລະ ສະຫວັດ​ດີກາ​ນສັງຄົມ ​ໄດ້​ຈັດ​ກອງ​ປະຊຸມ​ສະຫລຸບ​ວຽກງານສະພາບ​ໄພນ້ຳຖ້ວມ, ຜົນ​ເສຍ​ຫາຍ ​ແລະ ການ​​ຊ່ວຍ​ເຫລືອ​ສຸກ​ເສີນປະຈຳ​ເດືອນສິງຫາໃນ​ທົ່ວ​ປະ​ເທດ, ​ໂດຍ​ການ​ເປັນ​ປະທາ​ນຂອງທ່ານ ຄຳ​ແພງ ​ໄຊ​ສົມ​ແພງ ລັດຖະມົນຕີ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ.

ຫົວໜ້າກອງ​ເລຂາ​ແກ້​ໄຂ​ໄພພິບັດ​ແຫ່ງ​ຊາດ ​​ລາຍ​ງານ​ໃຫ້​ຮູ້​ວ່າ: ນັບ​ແຕ່​ເດືອນກໍລະກົດຫາ​ເດືອ​ນສິງຫານີ້, ​ເນື່ອງ​ຈາກ​ສະພາບ​ອາກາດ​ປະຈຳ​ລະດູບວກ​ກັບ​ລົມ​ພະຍຸ​ເຂດ​ຮ້ອນເຊີນ​ຕິນ ​ແລະ ​ເບີ​ບິນ​ການ ​ໄດ້​ພັດ​ຜ່ານ​ບັນດາ​ແຂວງ​ພາກ​ເຫນືອ, ພາກ​ກາງ ​ແລະ ພາກ​ໃຕ້​ຂອງ​ລາວ ສົ່ງ​ຜົນ​ເຮັດ​ໃຫ້​ເກີດ​ໄພ​ນ້ຳຖ້ວມ ​ແລະ ດິນ​ເຈື່ອນຢູ່ 14 ​ແຂວງ​ຄື: ຜົ້ງ​ສາລີ, ບໍ່​ແກ້ວ, ຫລວງ​ນ້ຳທາ, ອຸດົມ​ໄຊ, ຫລວງ​ພະ​ບາງ, ​ໄຊ​ຍະ​ບູລີ, ຊຽງຂວາງ, ຫົວພັນ, ຄຳ​ມ່ວນ, ບໍລິ​ຄຳ​ໄຊ, ສະຫວັນ​ນະ​ເຂດ, ຈຳປາ​ສັກ, ​ເຊ​ກອງ ​ແລະ ອັດ​ຕະປື, ສົ່ງ​ຜົນ​​ເສຍ​ຫາຍໃຫ້ແກ່ 80 ​ເມືອງ, ມີ 2 ​ແສນ​ກ່ວາ​ຄົນໄດ້ຮັບຜົນກະທົບ, ໃນນີ້, ມີຜູ້ບາດ​ເຈັບ 4 ຄົນ, ສູນຫາຍ 97 ຄົນ ​ແລະ ​ເສຍ​ຊີວິດແລ້ວ 46 ຄົນ. ​​ເນື້ອທີ່ທໍາການຜະລິດ​​ກ່ວາ 60 ພັນ​ເຮັກຕາເສຍຫາຍ, ​ທາງ 138 ​ເສັ້ນ, ຂົວ 26 ​ແຫ່ງ ​ແລະ ໂຄງລ່າງພື້ນຖານອື່ນໆໄດ້ຮັບຄວາມເປ່ເພເສຍຫາຍຫລາຍສົມຄວນ.

ຫົວໜ້າກອງ​ເລຂາ​ແກ້​ໄຂ​ໄພພິບັດ​ແຫ່ງ​ຊາດ ​ໃຫ້​ຮູ້​ວ່າ: ພາຍຫລັງ​ເກີດ​ໄພພິບັດ, ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ​ໃນ​ນາມ​ປະທານ ຄະນະ​ກຳມະການ​ປ້ອງ​ກັນ ​ແລະ ຄວບ​ຄຸມ​ໄພພິບັດ​ແຫ່ງ​ຊາດ ​ໄດ້​ປະສານ​ສົມທົບ​ກັບ​ບັນດາ​ຂະ​ແຫນງ​ການ ຢູ່​ຂັ້ນ​ສູນ​ກາງ ​ແລະ ບັນດາ​ຄູ່​ຮ່ວມ​ງານ​ສາກົນ ທັງ​ພາຍ​ໃນ ​ແລະ ຕ່າງປະ​ເທດ ໄດ້​ໃຫ້ການ​ຊ່ວຍ​ເຫລືອ​ບັນ​ເທົາ​ທຸກ​ສຸກ​ເສີນ ​ແກ່​ປະຊາຊົນ​ທີ່​ໄດ້​ຮັບ​ຜົນ​ກະທົບ​ຈາກ​ໄພ​ນ້ຳຖ້ວມ​ໃນ​ຫລາຍ​ແຂວງ​ທົ່ວ​ປະ​ເທດ​ຄື: ​ແຂວງ​ໄຊ​ຍະ​ບູລີ ຫມີ່​ກ່ອງ 50 ​ແກັດ, ​ເຄື່ອງນຸ່ງ​ຮົ່ມ 50 ຖົງ, ​ເຮືອກູ້​ໄພ 2 ລຳ ​ແລະ ອື່ນໆ, ​ແຂວງ​ຊຽງຂວາງ ​ເຂົ້າສານ 45 ​ເປົາ, ນ້ຳດື່ມ 120 ​ແພັກ ​ເຮືອ​ກູ້​ໄພ 2 ລຳ ​ແລະ ອື່ນໆ. ​ແຂວງ ຄຳ​ມ່ວນ ​ເຂົ້າສານ 500 ກິ​ໂລ, ນ້ຳດື່ມ 600 ​ແກັດ, ​ເຮືອ​ກູ້​ໄພ 6 ລຳ ​ແລະ ອື່ນໆ. ສະ​ເພາະ​ການ​ຊ່ວຍ​ເຫລືອ ​ແລະ ​ແກ້​ໄຂ​ສຸກ​ເສີນ ຢູ່ ​ແຂວງ​ອັດ​ຕະປື ​ໄດ້ມອບ​ເງີ​ນ ​ແລະ ຈັດ​ສົ່ງ​ເຄື່ອງ​ຊ່ວຍ​ເຫລືອວັດຖຸ​ອຸປະກອນ, ​ເຄື່ອງ​ອຸປະ​ໂພ​ກ-ບໍລິ​ໂພ​ກ ​ໄປ​ຊ່ວຍ​ເຫລືອ​ປະຊາຊົນຢູ່​ເມືອງສະຫນາມ​ໄຊ ລວມມີ: ​ເງີ​ນ 260 ລ້ານ​ກີບ, ​ເຄື່ອງນຸ່ງ 250 ​ແກັດ, ​ເຄື່ອງ​ໃຊ້​ຄົວ​ເຮືອນ 30 ຊຸດ, ​ເຕັ້ນ 330 ດາງ, ​ໄຟ​ສາຍ 60 ອັນ, ນ້ຳດື່ມ 40 ​ແກັດ, ​ເຮືອ​ກູ້​ໄພ 15 ລຳ ​ແລະ ອື່ນໆ, ພ້ອມ​ນີ້ກໍ​ໄດ້​ຊ່ວຍ​ປະສານ​ນຳ​ສົ່ງ​ເຄື່ອງ​ຊ່ວຍ​ເຫລືອ ຈາກ​ປະ​ເທດ​ໄທ, ອົດ​ສະ​ຕາ​ລີ ​ແລະ ​ເກົາຫລີ ນຳ​ອີກ.

ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ - Wave100S AD to Website 2020 0 - ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ

​ໃນ​ໂອກາດ​ນີ້, ທ່ານ ລັດຖະມົນ​ຕີ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ໄດ້​ເນັ້ນ​ໃຫ້ໜ່ວຍງານ​ແກ້​ໄຂ​ໄພພິບັດ ສືບຕໍ່ນຳ​ເອົາ​ເຄື່ອງ​ຊ່ວຍ​ເຫລືອ​ໄປ​ມອບ​ໃຫ້​ປະຊາຊົນ​ທີ່​ໄດ້​ຮັບ​ຜົນ​ກະທົບ​ໃຫ້​ທົ່ວ​ເຖິງ ​ແລະ ​ຂຶ້ນບັນຊີ ​ເກັບ​ກຳ​ລະອຽດ ສຳ​ຫລັບ​ການ​ຮັບ-ມອບ ​ເຄື່ອງ​ບໍລິຈາກ, ພ້ອມ​ນີ້ ກໍ​ເລັ່ງສືບຕໍ່​ໂຄສະນາ​ໃຫ້​ສັງຄົມ ປະກອບສ່ວນ​ເພື່ອ​ຊຸກຍູ້​ຊ່ວຍ​ເຫລືອ​ຕາມ​ກຳລັງ​ແຮງ​​ທີ່​ມີ ​ເພື່ອ​ຮັບປະກັນ​ໃຫ້ການ​ຟື້ນຟູ​ໄພພິບັດ​ຄັ້ງ​ນີ້ໄດ້​ກັບ​ຄືນ​ສູ່​ສະພາບ​ປົກກະຕິ​ໂດຍ​ໄວ.

ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ - WhatsApp Image 2020 05 27 at 5 - ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ
ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ - WhatsApp Image 2020 05 27 at 5 - ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ໄພພິບັດ​ແລ້ວ 46 ຄົນ
error: Alert: ເນື້ອຫາຂ່າວມີລິຂະສິດ !!