ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ

ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ - PM - ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ
ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ - Untitled design - ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ

ໃນຕອນ​ແລງ​ວັນ​ທີ 20 ສິງຫານີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ, ພ້ອມດ້ວຍຄະນະ ໄດ້ລົງຕິດຕາມສະພາບແມ່ນໍ້າຂອງຍຶ່ງຂຶ້ນຖ້ວມບາງຈຸດຢູ່​ນະຄອນຫລວງ​ວຽງ​ຈັນ, ​ໂດຍ​ສະ​ເພາະ​ແມ່ນຢູ່​ເຂດສວນເຈົ້າອະນຸວົງ​ເມືອງຈັນທະບູລີ ​ແລະ ເມືອງສີໂຄດຕະບອງ, ​ໂດຍມີທ່ານເຈົ້າຄອງນະຄອນຫລວງວຽງຈັນ ແລະ ພາກສ່ວນກ່ຽວຂ້ອງເຂົ້າຮ່ວມລົງຕິດຕາມ, ພ້ອມທັງໄດ້ຮັບຟັງລາຍງານຈາກເຈົ້າເມືອງເມືອງສີໂຄດຕະບອງວ່າ: ປັດຈຸບັນ, ນໍ້າຂອງໄດ້ຍຶ່ງຂຶ້ນ ແລະ ໄຫລເຂົ້າຖ້ວມ 6 ບ້ານ, ມີ 480 ຄອບຄົວ, 2.384 ຄົນໄດ້ຮັບຜົນກະທົບ ເຊັ່ນ: ບ້ານໜອງດາ, ໂນນຂີ້ເຫລັກ, ຕາດທອງ, ດ່ານຄໍາ, ອ່າງຄໍາ, ດອນຊິງຊູ້. ໃນນັ້ນ, ບ້ານທີ່ໄດ້ຮັບຜົນກະທົບໜັກ ມີບ້ານໜອງດາ, ໂນນຂີ້ເຫລັກ ແລະ ຕາດທອງ. ປັດຈຸບັນ, ປະຊາຊົນບ້ານດັ່ງກ່າວ, ໄດ້ຍົກຍ້າຍມາຢູ່ໂຮງຮຽນປະຖົມໜອງດາ, ວັດຕາດທອງ ແລະ ຫ້ອງການບ້ານໂນນຂີ້ເຫລັກແລ້ວ, ​ສ່ວນປະຊາຊົນຢູ່ບ້ານດ່ານຄໍາແມ່ນໄດ້ຍົກຍ້າຍໄປອາໄສຢູ່ກັບຍາດພີ່ນ້ອງ.

ໃນໂອກາດນີ້, ທ່ານນາຍົກລັດຖະມົນຕີ ກໍໄດ້ລົງຢ້ຽມຢາມປະຊາຊົນທີ່ພັກອາໄສຢູ່ໂຮງຮຽນປະຖົມບ້ານໜອງດາ ແລະ ສູນອື່ນໆ, ​ພ້ອມທັງໄດ້ຊີ້ນໍາໃຫ້ພາກສ່ວນກ່ຽວຂ້ອງເອົາໃຈໃສ່ຊ່ວຍເຫລືອເຂົາເຈົ້າຢ່າງຮີບດ່ວນ.

ຕາມແຈ້ງການຂອງກົມອຸຕຸນິຍົມ ໃຫ້ຮູ້ວ່າ: ລະດັບນໍ້າຂອງຍັງສືບຕໍ່ຈະສູງຂຶ້ນຕື່ມໃນວັນທີ 22 ສິງຫານີ້.​ ດັ່ງນັ້ນ, ຈຶ່ງຂໍໃຫ້ປະຊາຊົນມີສະຕິກຽມຮັບມືກັບສະພາບນໍ້າຖ້ວມໃນຄັ້ງນີ້ ແລະ ໃຫ້ຕິດຕາມການພະຍາກອນອາກາດຈາກກົມອຸຕຸນິຍົມເປັນປະຈໍາ.

ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ - Wave100S AD to Website 2020 0 - ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ
ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ - WhatsApp Image 2020 05 27 at 5 - ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ
ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ - WhatsApp Image 2020 05 27 at 5 - ນາຍົກລັດຖະມົນຕີລົງຕິດຕາມສະພາບນໍ້າຖ້ວມຢູ່​ນະຄອນຫລວງ​ວຽງ​ຈັນ
error: Alert: ເນື້ອຫາຂ່າວມີລິຂະສິດ !!