ສວນວັດທະນະທຳຊຽງຄວນ

- mouth - ສວນວັດທະນະທຳຊຽງຄວນ
- Untitled design - ສວນວັດທະນະທຳຊຽງຄວນ

- mouth 300x284 - ສວນວັດທະນະທຳຊຽງຄວນ

ສວນວັດທະນະທຳຊຽງຄວນຕັ້ງຢູ່ເທິງຝັ່ງແມ່ນ້ຳຂອງ ເຂດບ້ານຊຽງຄວນເມືອງຫາດຊາຍຟອງ, ຫ່າງຈາກຈຸດໃຈ ກາງນະຄອນຫລວງວຽງຈັນໄປທາງ ໃຕ້ປະມານ 24 ກິໂລແມັດ. ສວນ ວັດທະນະທຳແຫ່ງນີ້ຖືກສ້າງຂຶ້ນໃນປີ ຄສ 1958 ໂດຍປູ່ບຸນ ເຫລືອ ສຸຣິຣັດ ເຊິ່ງປະກອບມີຮູບ ປັ້ນຢັ້ງຢາຍກັນໄປຫລາຍກວ່າ 200 ແບບໃນນັ້ນມີທັງ ຮູບຄົນ,  ຜີ,ເທວະດາ, ພະ, ສັດເດຍສະ ສານ ແລະ ອື່ນໆ ຢູ່ໃນອະລິຍະບົດຕ່າງໆ ທີ່ປະສົມປະສານລະຫວ່າງ ຄະຕິພຸດ ແລະ ຮິນດູຊວນໃຫ້ຄວາມຮູ້ສຶກຊື່ນຊົມ, ອັດສະຈັນປະປົນກັນໄປເມື່ອໄດ້ພົບເຫັນ.

- mmm 300x207 - ສວນວັດທະນະທຳຊຽງຄວນ

ສິ່ງທີ່ໂດດເດັ່ນຢູ່ໃນອຸທະຍານແຫ່ງ ນີ້ກໍຄືພະພຸດທະຮູບປາງນອນ (ປາງພຸດທະໄສຍາດ) ທີ່ມີຄວາມຍາວປະມານ 50 ແມັດ ແລະ ປະຕິມະກຳຣາຫູຍັກທີ່ກຳລັງອ້າປາກຢູ່ ເຊິ່ງເປັນປະຕູເດີນທາງຂຶ້ນໄປສູ່ສະຫວັນຊັ້ນ 7 (ອອກຈາກປາກ ຣາຫູໄປສູ່ຊັ້ນດາດຟ້າ). ສິ່ງເຫລົ່ານີ້ ໄດ້ສ້າງຄວາມສົນໃຈ ແລະ ດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ມາທ່ຽວຊົມເປັນຈຳນວນຫລວງຫລາຍ.

- Wave100S AD to Website 2020 0 - ສວນວັດທະນະທຳຊຽງຄວນ

- inpeng 300x225 - ສວນວັດທະນະທຳຊຽງຄວນ

ຫລັງຈາກທ່ຽວສວນວັດທະນະທຳ ແລ້ວກໍພາກັນໄປທ່ຽວ ສວນວັດທະນະທຳອິນແປງທີ່ໜ້າປະທັບໃຈອີກແຫ່ງ ໜຶ່ງທີ່ເປັນສວນນ້ຳຫາກໍເປີດຂຶ້ນມາໃໝ່ໆ ຕັ້ງຢູ່ຫລັກ 14, ຖະໜົນທ່າເດື່ອ, ບ້ານດົງໂພສີກ່ອນຈະຮອດຂົວມິດ ຕະພາບລາວ-ໄທແຫ່ງທີ 1. ສວນນ້ຳແຫ່ງນີ້ມີຂະໜາດໃຫຍ່ສາມາດບັນຈຸຄົນໄດ້ເຖິງ 3000 ຄົນ, ເໝາະສຳລັບ ເປັນບ່ອນສັງສັນສຳລັບຄອບຄົວ ແລະ ເຮັດກິດຈະກຳຕ່າງໆໃນມື້ພັກຜ່ອນ. ນອກນັ້ນກໍຍັງມີຮ້ານອາຫານ ແລະ ເຄື່ອງດື່ມໄວ້ບໍລິການເພື່ອມ່ວນຊື່ນກັບໝູ່ຄູ່ ແລະ ໃນທຸກໆວັນສຸກ, ເສົາ ແລະ ອາທິດຈະມີການສະແດງຕ່າງໆ.

- WhatsApp Image 2020 05 27 at 5 - ສວນວັດທະນະທຳຊຽງຄວນ
- WhatsApp Image 2020 05 27 at 5 - ສວນວັດທະນະທຳຊຽງຄວນ
error: Alert: ເນື້ອຫາຂ່າວມີລິຂະສິດ !!