ເວເນຊູເອລາ ປະກາດຫລຸດຄ່າເງິນຄັ້ງໃຫຍ່

ເວເນຊູເອລາ ປະກາດຫລຸດຄ່າເງິນຄັ້ງໃຫຍ່ - advert banner 728 90 728x90 - ເວເນຊູເອລາ ປະກາດຫລຸດຄ່າເງິນຄັ້ງໃຫຍ່

ລັດຖະບານ​ເວ​ເນ​ຊູ​ເອລາ ປະກາດ​ຫລຸດ​ຄ່າ​ເງິນ​ຄັ້ງ​ໃຫຍ່​ເຖິງ 96% ຫວັງ​​ແກ້​ໄຂ​ບັນຫາ​ເງິນ​ເຟີ້​ຂັ້ນຮຸນ​ແຮງ ​ແລະ ​ເສດຖະກິດ​ປະ​ເທດ​ທີ່ຢູ່​ໃນ​ສະພາບ​ວິ​ກິດ.

ເວເນຊູເອລາ ປະກາດຫລຸດຄ່າເງິນຄັ້ງໃຫຍ່ - new3 - ເວເນຊູເອລາ ປະກາດຫລຸດຄ່າເງິນຄັ້ງໃຫຍ່

ວິ​ກິດ​ເສດຖະກິດ ​ແລະ ບັນຫາ​ເງິນ​ເຟີ້​ຂັ້ນຮຸນ​ແຮງ ທີ່​ກອງ​ທຶນ​ການ​ເງິນ​ສາກົນ ຫລື IMF ຄາດ​ວ່າ​ຈະ​ເພີ່ມ​ສູງ​ເຖິງຮ້ອຍ​ລະ 1 ລ້ານ ພາຍ​ໃນ​ປີ​ນີ້ ສົ່ງ​ຜົນ​ໃຫ້​ລັດຖະບານ​ເວ​ເນ​ຊູ​ເອລາ ພາຍ​ໃຕ້​ການ​ນຳ​ຂອງ​ປະທານາທິບໍດີ ນິ​ໂກ​ລັສ ມາ​ດູ​ໂຣ ຕ້ອງ​ປະກາດ​ຫລຸດ​ຄ່າ​ເງິນ​ໂບລິ​ວາ​ເຖິງ 96% ​ໂດຍ​ກ່ອນ​ໜ້າ​ນີ້​ພຽງ​ວັນ​ດຽວ, ​ເວ​ເນ​ຊູ​ເອລາ ​ໄດ້​ອອກ​ພັນທະ​ບັດ​ໃໝ່ ​ໂດຍ​ມີ​ການ​ຕັດສິນ​ອອກ​ເຖິງ 5 ​ໂຕ ​ເຊິ່ງ​ເທົ່າ​ກັບ​ວ່າ​ເງິນ​ໃນ​ກະ​ເປົາ​ຂອງ​ຊາວ​ເວ​ເນ​ຊູ​ເອລາ ຈະ​ຫລຸດ​ລົງ​ຈຳນວນ​ຫລາຍ.

ຂະນະ​ດຽວ​ກັນ, ຜູ້ນຳ​ເວ​ເນ​ຊູ​ເອລາ ຍັງ​ປະກາດ​ຂຶ້ນຄ່າ​ແຮງ​ຂັ້ນຕໍ່າ, ພ້ອມ​ທັງ​ຂຶ້ນພາສີ​ມູນ​ຄ່າ​ເພີ່ມ ​ເຊິ່ງຂະ​ແໜງ​ເອກະ​ຊົນ​ວິພາກ​ວິຈານ​ມາດ​ຕະການ​ຂອງ​ລັດຖະບານ​ວ່າ: ​ເປັນ​ເລື່ອງ​ທີ່​ບໍ່​ສ້າງສັນ ​ແລະ ບໍ່​ໄດ້​ແກ້​ບັນຫາ​ເສດຖະກິດ​ຂອງ​ປະ​ເທດ. ວິ​ກິດ​ເສດຖະກິດ​ຍັງ​ເຮັດ​ໃຫ້​ຊາວ​ເວ​ເນ​ຊູ​ເອລາ​ຫລາຍ​ກວ່າ 2 ລ້ານ​ຄົນ ພາກັນ​ອົບ​ພະຍົບໜີ້​ພິດ​ເສດຖະກິດ​ໃນ​ປະ​ເທດ​ໄປ​ປະ​ເທດ​ໃກ້​ຄຽງ​ນຳ​ອີກ.

ເວເນຊູເອລາ ປະກາດຫລຸດຄ່າເງິນຄັ້ງໃຫຍ່ - lattana 1 - ເວເນຊູເອລາ ປະກາດຫລຸດຄ່າເງິນຄັ້ງໃຫຍ່

ຂະນະ​ທີ່​ພັກ​ການ​ເມືອງ​ໃຫຍ່​ຝ່າຍ​ຄ້ານ 3 ພັກ ​ໄດ້​ຮຽກຮ້ອງ​ໃຫ້​ຜູ້​ຄົນ ​ແລະ ຂະ​ແໜງ​ທຸລະ​ກິດ​ຢຸດ​ວຽກ​ເປັນ​ເວລາ 24 ຊົ່ວ​ໂມງ ​ເພື່ອ​ປະ​ທ້ວງ​ນະ​ໂຍບາຍ​ຂອງ​ປະທານາທິບໍດີ ມາ​ດູ​ໂຣ. ​ເຖິງ​ຢ່າງ​ໃດ​ກໍ​ດີ, ຊາວ​ເວ​ເນ​ຊູ​ເອລາ​ຫລາຍ​ພັນ​ຄົນ ​ໄດ້​ອອກ​ມາ​ຊຸມນຸມ​ໃນ​ນະຄອນຫລວງ​ຄາຣາກັສ ​ເພື່ອ​ສະ​ແດງ​ພະລັງ​ສະ​ໜັບສະ​ໜູນ​ມາດ​ຕະການ​ເສດຖະກິດ​ຂອງ​ລັດຖະບານ ​ແລະ ປະທານາທິບໍດີ ມາ​ດູ​ໂຣ. ຂະນະ​ທີ່​ລັດຖະບານ​ເວ​ເນ​ຊູ​ເອລາ ລະບຸ​ວ່າ: ການ​ຮຽກຮ້ອງ​ໃຫ້​ນັດ​ຢຸດ​ວຽກ​ປະ​ທ້ວງ ​ເປັນຄວາມ​ພະຍາຍາມ​ຂອງ​ພັກ​ການ​ເມືອງ​ຝ່າຍ​ຄ້ານ​ທີ່​ຈະ​ທຳລາຍແຜນ​ຟື້ນຟູ​ເສດຖະກິດ​ຂອງ​ລັດຖະບານ.

error: Content is protected !!