ຍຸກພັດທະນາສື່ມວນຊົນຕ້ອງພ້ອມກັນຫ້າວ

ຍຸກພັດທະນາສື່ມວນຊົນຕ້ອງພ້ອມກັນຫ້າວ - advert banner 728 90 728x90 - ຍຸກພັດທະນາສື່ມວນຊົນຕ້ອງພ້ອມກັນຫ້າວ

ໂດຍ: ທິດກ່ຳ

ຕາມທິດກ່ຳວ່າ, ນັກສື່ ມວນຊົນສະໄໝນີ້ຕ້ອງໄດ້ ພ້ອມກັນຫ້າວກວ່າສະໄໝ ກ່ອນໃຫ້ຫລາຍເທົ່າ, ສາເຫດ ຍ້ອນວ່າສະໄໝນີ້ເຂົາເອີ້ນ ວ່າ: ຍຸກພັດທະນາ. ອັນໃດ ເຮົາກໍວ່າຕ້ອງຫັນເຂົ້າສູ່ ຄວາມເປັນທັນສະໄໝໝົດ.

 

ສື່ມວນຊົນຕ້ອງເຮັດພາລະບົດບາດເປັນກະບອກສຽງຂອງພັກ-ລັດຖະບານຢ່າງແທ້ຈິງ

ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ

ສ່ວນສະໄໝກ່ອນ ເຂົາ ເອີ້ນວ່າ: ຍຸກສົງຄາມ ຕໍ່ມາພັດ ແມ່ນໄລຍະຮຳບາດແຜສົງ ຄາມ ຫລື ເອີ້ນຢ່າງໜຶ່ງ ວ່າ: ໄລຍະປົກປັກຮັກສາ ແລະ ສ້າງສາປະເທດຊາດ, ເຊິ່ງ ມີຫລາຍອັນພວກເຮົາຍັງມີ ຄວາມຫຍຸ້ງຍາກ.

ໃນສະໄໝກ່ອນນັ້ນ, ປະເທດຊາດບ້ານເມືອງເຮົາ ພວມຕົກຢູ່ໃນສະພາວະແຫ່ງສົງຄາມ, ເກີດມີຂະບວນການ ຕໍ່ສູ້ຢ່າງລະອິດລະອ້ຽວ ແລະ ຍືດເຍື້ອຍາວນານ, ແຕ່ເຖິງ ປານນັ້ນພວກເຮົາກໍ່ໄດ້ເຮັດ ຫລ້ອນໜ້າທີ່ທີ່ພັກ-ລັດ ແລະ ການຈັດຕັ້ງກໍຄືຊາດ ແລະ ປະຊາຊົນໄດ້ມອບ ໝາຍໃຫ້.

ຍຸກພັດທະນາສື່ມວນຊົນຕ້ອງພ້ອມກັນຫ້າວ - 1 1 - ຍຸກພັດທະນາສື່ມວນຊົນຕ້ອງພ້ອມກັນຫ້າວ
ຍຸກພັດທະນາສື່ມວນຊົນຕ້ອງພ້ອມກັນຫ້າວ - Tiger Head 728x90 - ຍຸກພັດທະນາສື່ມວນຊົນຕ້ອງພ້ອມກັນຫ້າວ

ຖ້າເຮົາຈະສົມທຽບໃສ່ ນັກສື່ມວນຊົນສະໄໝກ່ອນ ກັບສະໄໝນີ້ ເບິ່ງໃນດ້ານ ເງື່ອນໄຂ ແລະ ຄວາມທຸກ ຍາກແລ້ວມັນກໍຫລຸດລື່ນກັນ ຕັ້ງຫລາຍເທົ່າ ຕົວຢ່າງວ່າ ນັກຂ່າວຕອນສົງຄາມຢູ່ບ່າ ພາຍປືນ, ຢູ່ຫລັງເປ້ບະໂລ, ຢູ່ ມືຖືກ້ອງ ຫລື ຈັບບິກ, ຈັບ ສໍ, ທັງສູ້ຮົບທັງເກັບກຳຂ່າວ ຄາວ ເພື່ອມາອອກໜັງສືພິມ ແລະ ວິທະຍຸ. ໃນເວລາສູ້ ຮົບ ທີ່ເອົາເປັນເອົາຕາຍນັ້ນ, ນັກຂ່າວບາງສະຫາຍກໍໄດ້ ເສຍສະຫລະຊີວິດເພື່ອ ຄວາມເປັນເອກະລາດຂອງ ມາຕຸພູມ, ສິ່ງທີ່ໜ້າຊົມເຊີຍ ຍົກຍ້ອງນັກສື່ມວນຊົນ ສະໄໝ ສົງຄາມແມ່ນນ້ຳ ໃຈຮັກຊາດ, ນ້ຳໃຈເສຍສະ ຫລະ, ເຮັດວຽກບໍ່ມີເງິນ ເດືອນ, ມີພຽງເງິນນະໂຍ ບາຍໃຊ້ຈ່າຍແນວຈຳເປັນ, ແຕ່ຊີວິດການເປັນຢູ່ພັດມີ ຄວາມຫວັງ, ມີຄວາມມ່ວນ ຊື່ນ, ການປະຕິວັດໄດ້ເບິ່ງ ແຍງບໍ່ໃຫ້ອຶດໃຫ້ຫິວ ເຈັບ ເປັນເອັນອຸ່ນ ກໍມີແພດມີໝໍ ຄອຍດູແລເບິ່ງແຍງໂດຍບໍ່ໄດ້ເສຍຄ່າ ເຖິງວ່າສະຖານທີ່ ເຮັດ ວຽກແມ່ນໄດ້ເອົາຕູບ, ເອົາປ່າ, ເອົາຖ້ຳຮູພູເຂົາ ເປັນ ທີ່ຈັ້ງແຕ່ນັກສື່ມວນຊົນທຸກ ຄົນກໍບໍ່ໄດ້ທໍ້ຖອຍແມ້ແຕ່ ນ້ອຍດຽວ.

ພໍຕົກມາສະໄໝນີ້, ອັນ ໃດກໍທັນສະໄໝ ຫລື ເອີ້ນ ຢ່າງໜຶ່ງວ່າ ຍຸກພັດທະນາ ຕະຫລອດ 68 ປີແຫ່ງການ ກຳເນີດເກີດຂຶ້ນຂອງສື່ມວນຊົນລາວ ແລະ 40 ກວ່າ ປີ ແຫ່ງການສ້າງສາ ແລະ ພັດທະນາປະເທດຊາດ ພວກເຮົາກໍຍິ່ງມີຜົນງານ ຢ່າງຫລວງຫລາຍ ແລະ ກ້າວໄປຢ່າງບໍ່ຢຸດຢັ້ງ.

ປັດຈຸບັນ, ຈຳນວນວິ ທະຍຸກໍໄດ້ເພີ່ມຂຶ້ນ, ໜັງ ສືພິມ, ວາລະສານກໍມີຢ່າງ ຫລວງຫລາຍ, ວັດຖຸອຸປະ ກອນກໍທັນສະໄໝ, ບວກ ກັບ ຈຳນວນບຸກຄະລາກອນ ຂອງສື່ກໍເພີ່ມຂຶ້ນທາງດ້ານ ປະລິມານ ແລະ ຄຸນນະພາບ.

ເຖິງຢ່າງໃດກໍດີ, ຕາມ ທິດກ່ຳວ່າຖ້າພວກເຮົາມາ ເບິ່ງໃນແງ່ມູມຂອງຄວາມ ເປັນທັນສະໄໝແລ້ວ ພວກ ເຮົາກໍຍັງບໍ່ທັນເຮັດໄດ້ຢ່າງ ເຕັມຮ້ອຍ ເຊັ່ນຕົວຢ່າງຍັງ ບໍ່ທັນສ້າງໄດ້ນັກສື່ມວນຊົນ ທີ່ເກັ່ງ ແລະ ໂດດເດັ່ນ, ການ ກະຈາຍຂ່າວຄາວອ່າວຊັກ ຊ້າ, ເຮັດຫຍັງກໍຕ້ອງອີງໃສ່ ງົບ, ອາໄສເງິນ, ການຕອບ ໂຕ້, ແກ້ຂ່າວກັບພວກກຸ່ມ ຄົນບໍ່ດີ ແລະ ເປັນປໍລະປັກ ກັບລະບອບໃໝ່ຂອງພວກ ເຮົາ ຍັງບໍ່ທັນມີທີ່ເດັດເຜັດ ມັນ, ເວົ້າໂດຍລວມແລ້ວ ເບິ່ງຢ່າງໜຶ່ງຄືພວກເຮົາ ເຮັດຕາມເງື່ອນໄຂ, ຕາມ ໄດ້ຕາມມີ, ຕາມປະເພນີທີ່ ເຄີຍເຮັດມາແນວໃດກໍຕ້ອງ ເອົາແບບນັ້ນ. ເພາະສະນັ້ນ, ເຮົາຈຶ່ງວ່າການຫັນເປັນທັນສະໄໝນັ້ນ ກ່ອນອື່ນໝົດ ມັນກໍຕ້ອງເລີ່ມຈາກການ ຫັນປ່ຽນຂອງຄົນເປັນຫລັກ, ຈາກນັ້ນຈຶ່ງກ້າວໄປຫາ ເງື່ອນໄຂ ແລະ ປັດໄຈດ້ານ ອື່ນໆ ທີ່ເຫັນວ່າມີຄວາມ ຈຳເປັນ.

ໃນສະພາບການບ້ານ ເມືອງເຮົາມີໄພອັນຂັບຂັນ ມີຫລາຍອັນມາກະທົບໃນ ວົງການສື່, ອັນເປັນເງື່ອນ ໄຂໃຫ້ອິດທິກຳລັງຫັນ ປ່ຽນ ໂດຍສັນຕິເຂົານັບມື້ ສອດແຊກທຸກຢ່າງ, ໂດຍ ສະເພາະໃນສື່ອອນລາຍ ແຕ່ລະວັນເຂົາໄດ້ໃສ່ຮ້າຍ ປ້າຍສີແນວທາງນະໂຍ ບາຍຂອງພັກ ແລະ ລັດຖະ ບານເຮົາຈັກ ວ່າຖືກ ຫລື ຜິດເຮົາກໍຕ້ອງມີທ່າທີໂຕ້ ຕອບຢ່າງວ່ອງໄວແບບໜາມ ປັກເອົາໜາມບົ່ງ.

ຍຸກພັດທະນາສື່ມວນຊົນຕ້ອງພ້ອມກັນຫ້າວ - 39748524 1835011656591043 8331531685682216960 o - ຍຸກພັດທະນາສື່ມວນຊົນຕ້ອງພ້ອມກັນຫ້າວ
(ພາບປະກອບ)
error: Content is protected !!