ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019

ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019 - Finding Reason - ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019
ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019 - Untitled design - ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019

ໃນຕອນເຊົ້າວັນທີ 21 ສິງຫານີ້ ທີ່ສໍານັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ ນາຍົກ ລັດຖະມົນຕີ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງທ່ານ Prof. Dr. Schliess Anton J ຜູ້ຊ່ຽວຊານອາວຸໂສ ທັງເປັນປະທານກິຕິມະສັກ ອົງການເຂື່ອນສາກົນ ICOLD ພ້ອມດ້ວຍຄະນະວິສະວະກອນຕ່າງປະເທດ ໃນໂອກາດເດີນທາງມາຮ່ວມເຮັດວຽກກັບຄະນະສືບສວນຫາສາເຫດ​ຄູກັນນ້ຳຂອງເຂື່ອນໄຟຟ້າເຊປຽນເຊນ້ຳນ້ອຍແຕກພັງ ຕາມຂໍ້ຕົກລົງເລກທີ 54/ນຍ.

​ໃນ​ໂອກາດ​ນີ້, ທ່ານ ທອງລຸນ ສີສຸລິດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການເຂົ້າຮ່ວມເປັນຄະນະສືບສວນນາໆຊາດໃນເຫດການເຂື່ອນແຕກໃນຄັ້ງນີ້ ໂດຍສະເພາະແມ່ນການລົງເກັບກໍາຂໍ້ມູນທາງດ້ານການສຳຫລວດ, ອອກແບບ, ການກໍ່ສ້າງ ແລະ ລົງໄປສຳຫລວດເບິ່ງສະຖານທີ່ເກີດເຫດ ໃນວັນທີ 19-20 ສິງຫາທີ່ຜ່ານມາ.

ໂອກາດດັ່ງກ່າວ, ທ່ານ Prof.Dr.Schliess Anton J ໄດ້ສະແດງຄວາມຂອບໃຈຕໍ່ທ່ານນາຍົກລັດຖະ ມົນຕີ ທີ່ໄດ້ສະຫລະເວລາອັນມີຄ່າໃຫ້ການຕ້ອນຮັບຢ່າງອົບອຸ່ນ, ພ້ອມທັງສະແດງຄວາມເສຍໃຈຕໍ່ຜົນເສຍຫາຍທີ່ເກີດຂຶ້ນ ທັງຊີວິດ ແລະ ຊັບສິນຂອງປະຊາຊົນຢູ່ເມືອງສະໜາມໄຊໃນໄລຍະທີ່ຜ່ານມາ. ຈາກນັ້ນ, ກໍໄດ້ລາຍງານໃຫ້ທ່ານນາຍົກລັດຖະມົນຕີ ຮັບຊາບການລົງເຮັດວຽກຕົວຈິງຮ່ວມກັບຄະ​ນະຮັບ​ຜິດ​ຊອບ​ສືບ​ສວນ-ສອບ​ສວນ ແລະ ບໍລິສັດທີ່ກ່ຽວຂ້ອງໃນໂຄງການ. ຜ່ານການຈັດຕັ້ງປະຕິບັດວຽກງານຕົວຈິງມາໄດ້ໄລຍະໜຶ່ງເຫັນວ່າມີຄວາມຄືບໜ້າດີພໍສົມຄວນ ແລະ ໄດ້ຮັບການຮ່ວມມືຈາກທຸກພາກສ່ວນ. ສໍາລັບການກວດກາຂອງຄະນະສືບສວນນາໆຊາດໃນຄັ້ງນີ້ ຈະໄດ້ເກັບກໍາຂໍ້ມູນລະອຽດ ເປັນຕົ້ນຂໍ້ມູນ ແລະ ເຕັກນິກການສໍາຫລວດ, ການປະເມີນ, ການອອກແບບ, ເຊິ່ງທ່ານ Prof. Dr. Schliess Anton J ຍັງຈະໄດ້ເອົາຂໍ້ມູນທັງໝົດໄປຮ່ວມເຮັດວຽກກັບທີມງານອີກ 2 ທ່ານ ທີ່ບໍ່ໄດ້ມາຮ່ວມເກັບກຳຂໍ້ມູນໃນຄັ້ງນີ້.  ຄາດວ່າໃນເດືອນຕຸລາ 2018 ນີ້ ຄະນະທັງສາມທ່ານ ພ້ອມດ້ວຍຄະນະວິສະວະກອນຂອງຕ່າງປະເທດອີກຈຳນວນໜຶ່ງ ຈະໄດ້ມາເບິ່ງພາກສະໜາມຕົວຈິງອີກຄັ້ງ ແລະ ພະຍາຍາມສະຫລຸບຫາສາເຫດທີ່ແທ້ຈິງ ເຊິ່ງຄາດວ່າຈະໄດ້ຄຳຕອບທີ່ຊັດເຈນໃນທ້າຍປີ 2018 ຫລື ຕົ້ນປີ 2019 ເປັນຢ່າງຊ້າ.

ທ່ານ Prof. Dr. Sc hliess Anton J ໄດ້ກ່າວວ່າ: ອຸປະຕິເຫດແມ່ນສາມາດເກີດໄດ້ກັບທຸກຢ່າງ ແລະ ເກີດໄດ້ຢູ່ທຸກປະເທດ ບໍ່ວ່າຈະເປັນປະເທດທີ່ຈະເລີນ ແລະ ມີເຕັກນິກວິຊາການສູງແລ້ວກໍຕາມ, ແຕ່ເມື່ອເກີດແລ້ວ ກໍຕ້ອງໄດ້ຊອກຫາສາເຫດໃຫ້ໄດ້ ເພື່ອເປັນບົດຮຽນ ແລະ ວາງມາດຕະການສະກັດກັ້ນບໍ່ໃຫ້ເກີດຂຶ້ນອີກ ເພາະການພັດທະນາໂຄງການເຂື່ອນໄຟຟ້າເປັນສິ່ງທີ່ດີຕໍ່ຄວາມຈະເລີນຮຸ່ງເຮືອງຂອງປະເທດ, ທັງເປັນແຫລ່ງພະລັງ ງານທີ່ສະອາດ ແລະ ສັງຄົມມະນຸດຍັງຕ້ອງການພະລັງງນ.

ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019 - Wave100S AD to Website 2020 0 - ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019

​ໃນໂອກາດດຽວກັນນີ້, ທ່ານ ທອງລຸນ ສີສຸລິດ ໄດ້ສະແດງຄວາມຂອບໃຈຕໍ່ທ່ານ  Prof. Dr. Schliess Anton J ທີ່ໄດ້ໃຫ້ຂໍ້ມູນສໍາຄັນ ແລະ ເປັນປະໂຫຍດ ເພື່ອເຮັດໃຫ້ການ​ສືບ​ສວນ-ສອບ​ສວນໃນຄັ້ງນີ້ມີປະສິດທິຜົນ, ໂປ່ງໃສ, ຍຸຕິທຳ ແລະ ທັນເວລາ. ພ້ອມດຽວກັນ, ທ່ານ ທອງລຸນ ສີສຸລິດ ໄດ້ເນັ້ນໃຫ້ຄະນະຊ່ຽວຊານຕ່າງປະເທດສືບຕໍ່ປະສານສົມທົບກັບຄະນະສືບສວນ-ສອບສວນຂອງຝ່າຍລາວ ເພື່ອເຮັດໃຫ້ການຈັດຕັ້ງປະຕິບັດວຽກງານການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳຂອງ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກ​ພັງ ລວມທັງບັນດາເຂື່ອນທີ່ສ້າງແລ້ວ ແລະ ກຳລັງດຳເນີນການກໍ່ສ້າງຢູ່ ສປປ ລາວ ມີຜົນສຳເລັດຕາມແຜນການທີ່ວາງໄວ້.

ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019 - WhatsApp Image 2020 05 27 at 5 - ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019
ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019 - WhatsApp Image 2020 05 27 at 5 - ການ​ສືບ​ສວນ-ສອບ​ສວນສາ​ເຫດ​ຄູ​ກັນ​ນ້ຳ​ເຂື່ອນ​ໄຟ​ຟ້າ​ເຊປຽນ-ເຊ​ນ້ຳ​ນ້ອຍ​ແຕກຈະ​ຮູ້​ຜົນ​ໃນຕົ້ນປີ 2019
error: Alert: ເນື້ອຫາຂ່າວມີລິຂະສິດ !!