ອີຣານຂູ່ໂຈມຕີອາເມລິກາ-ອິດສະລາແອນ

- image big 5b7987ddf11ce - ອີຣານຂູ່ໂຈມຕີອາເມລິກາ-ອິດສະລາແອນ
- Untitled design - ອີຣານຂູ່ໂຈມຕີອາເມລິກາ-ອິດສະລາແອນ

ອີຣານຂູ່​ໂຈມ​ຕີ​ອາ​ເມ​ລິ​ກາ ​ແລະ ອິດສະ​ລາ​ແອນ, ພາຍຫລັງ​ທີ່​ປຶກສາ​ຂອງ​ປະທານາທິບໍດີ ​ໂດ​ນັລ ທຣຳ ​ເຕືອນ​ອີຣານວ່າ​ຈະ​ໃຊ້​ມາດ​ຕະການ​ກົດ​ດັນ​ຂັ້ນຮຸນ​ແຮງ​ຫລາຍ​ກວ່າ​ການ​ຂວ້ຳບາດ.

ສົງຄາມ​ວາທະ​ລະຫວ່າງ​ອາ​ເມ​ລິ​ກາ ​ແລະ ອີຣານ ດຸ​ເດືອດ​ຂຶ້ນ​ເປັນ​ລຳດັບ, ພາຍຫລັງ​ອາ​ເມ​ລິ​ກາ ຖອນ​ຕົວ​ຈາກ​ຂໍ້​ຕົກລົງ​ນິວ​ເຄຼຍອີຣານ ​ໃນ​ເດືອນ​ພຶດສະພາ​ຜ່ານ​ມາ ​ແລະ ຍັງ​ໃຊ້​ມາດ​ຕະການ​ຂວ້ຳບາດ​ທາງ​ເສດຖະກິດ​ຄັ້ງ​ໃໝ່ ​ເພື່ອ​ກົດ​ດັນ​ໃຫ້​ອີຣານຍອມ​ເຈລະຈາ​ຂໍ້​ຕົກລົງ​ນິວ​ເຄຼຍກັນ​ໃໝ່. ຫລ້າ​ສຸດ ທ່ານ ຈອນ ​ໂບລຕັນ ທີ່​ປຶກສາ​ຂອງ​ປະທານາທິບໍດີ ທຣຳ ​ເຕືອນ​ອີຣານ ຂະນະ​ຢ້ຽມຢາມ​ອິດສະ​ລາ​ແອນ​ວ່າ: ອາ​ເມ​ລິ​ກາ​ອາດ​ໃຊ້​ມາດ​ຕະການ​ກົດ​ດັນ​ຂັ້ນສູງສຸດ​ທີ່​ຫລາຍ​ກວ່າ​ການ​ຂວ້ຳບາດ, ຖ້າ​ອີຣານຍັງ​ຢືນຢັນ​ບໍ່​ເຈລະຈາ​ຂໍ້​ຕົກລົງ​ນິວ​ເຄຼຍ​ໃໝ່​ກັບ​ອາ​ເມ​ລິ​ກາ ​ແລະ ບໍ່​​ເລີກ​ເຮັດ​ເປັນ​ສັດຕູ​ກັບ​ຕາ​ເວັນ​ອອກ​ກາງ. ທ່ານ ​ໂບລຕັນ ບອກ​ອີກ​ວ່າ: ມາດ​ຕະການ​ຂວ້ຳບາດ​ຂອງ​ອາ​ເມ​ລິ​ກາ ກຳລັງ​ສົ່ງ​ຜົນ​ກະທົບ​ຢ່າງ​ໜັກ​ຕໍ່​ເສດຖະກິດ​ຂອງ​ອີຣານ, ພ້ອມ​ກັບ​ລະບຸ​ວ່າ: ບໍລິສັດ​ເອກະ​ຊົນ​ຂອງ​ປະ​ເທດ​ເອີຣົບຕ້ອງ​ເລືອກ​ວ່າ​ຈະ​​ເຮັດ​ທຸລະ​ກິດ​ກັບ​ອີຣານຕໍ່​ໄປ ຫລື ຈະ​ເຮັດ​ທຸລະ​ກິດ​ກັບ​ອາ​ເມ​ລິ​ກາ.

ຂະນະ​ດຽວ​ກັນ, ທ່ານ ອາ​ເໝັດ ຄາ​ຕາ​ມິ ໜຶ່ງ​ໃນ​ຜູ້ນຳ​ລະດັບ​ສູງ​ຂອງ​ອີຣານ ຕອບ​ໂຕ້​ວ່າ: ອາ​ເມ​ລິ​ກາ​ຈະ​ພົບ​ກັບ​ການ​ສູນ​ເສຍ​ບໍ່​ໜ້ອຍ ຖ້າ​ຈະ​ເຮັດ​ສົງຄາມ​ກັບ​ອີຣານ ​ເພາະ​ອີຣານຈະ​ໂຈມ​ຕີ​ອາ​ເມ​ລິ​ກາ ​ແລະ ອິດສະ​ລາ​ແອນ ​ເຊິ່ງ​ເປັນ​ພັນທະ​ມິດ​ທີ່​ໜຽວ​ແໜ້ນ​ຂອງ​ອາ​ເມ​ລິ​ກາ​ໃນ​ຕາ​ເວັນ​ອອກ​ກາງ. ຂະນະ​ທີ່​ທ່ານ ຢາ​ຕໍ​ເລາະ ອາລີ ຄາ​ເມ​ເນ​ອີ ຜູ້ນຳ​ສູງ​ສຸດ​ຂອງ​ອີຣານ ປະກາດ​ກ່ອນ​ໜ້າ​ນີ້​ວ່າ: ອາ​ເມ​ລິ​ກາ​ຄວນ​ຫລີກ​ເວັ້ນການ​ຜະ​ເຊີນ ຫລື ​ເຮັດ​ສົງຄາມ​ກັບ​ອີຣານ ​ເພາະ​ອີຣານມີ​ກອງທັບ​ທີ່​ແຂງ​ແກ່ນ.

- Wave100S AD to Website 2020 0 - ອີຣານຂູ່ໂຈມຕີອາເມລິກາ-ອິດສະລາແອນ
- WhatsApp Image 2020 05 27 at 5 - ອີຣານຂູ່ໂຈມຕີອາເມລິກາ-ອິດສະລາແອນ
- WhatsApp Image 2020 05 27 at 5 - ອີຣານຂູ່ໂຈມຕີອາເມລິກາ-ອິດສະລາແອນ
error: Alert: ເນື້ອຫາຂ່າວມີລິຂະສິດ !!