ອາເມລິກາ-ຈີນ ຂຶ້ນພາສີຕອບໂຕ້ກັນຮອບໃໝ່

- advert banner 728 90 728x90 - ອາເມລິກາ-ຈີນ ຂຶ້ນພາສີຕອບໂຕ້ກັນຮອບໃໝ່

ລັດຖະບານ​ອາ​ເມ​ລິ​ກາ ​ແລະ ຈີນ ຕັ້ງກຳ​ແພງ​ພາສີ​ກັນ ​ແລະ ກັນ 25% ສຳລັບ​ສິນຄ້າ​ນຳ​ເຂົ້າອີກ​ຝ່າຍ​ລະ​ 16.000 ລ້ານ​ໂດ​ລາ​ສະຫະລັດ ຂະຫຍາຍ​ຂອບ​ເຂດ​ຂອງ​ສົງຄາມ​ການ​ຄ້າ​ລະຫວ່າງ​ສອງ​ປະ​ເທດ​ມະຫາ​ອຳນາດ​ທາງ​ເສດຖະກິດ​ຂອງ​ໂລກ.

- CHINA ECONOMY TRADE 1533741404 - ອາເມລິກາ-ຈີນ ຂຶ້ນພາສີຕອບໂຕ້ກັນຮອບໃໝ່

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສຳນັກງານ​ກວດ​ຄົນ​ເຂົ້າ​ເມືອງ ​ແລະ ພາສີອາກອນອາ​ເມ​ລິ​ກາ (ICE) ອອກ​ຖະ​ແຫລ​ງການ​ເມື່ອ​ເວລາ 00:01 ​ໂມງ ຕາມ​ເວລາ​ທ້ອງ​ຖິ່ນ​ຂອງ​ວັນ​ທີ 23 ສິງຫາ​ນີ້ ​ເຊິ່ງກົງ​ກັບ​ເວລາ 12:01 ​ໂມງ ຕາມ​ເວລາ​ທ້ອງ​ຖິ່ນ​ຂອງ​ວັນ​ດຽວ​ກັນ​ໃນ​ນະຄອນຫລວງ​ປັກ​ກິ່ງວ່າ: ກຳ​ແພງ​ພາສີ​ໃນ​ອັດຕາ 25% ສຳລັບ​ມູນ​ຄ່າ​ການ​ນຳ​ເຂົ້າສິນຄ້າ​ຂອງ​ຈີນ 279 ລາຍການ ລວມທັງ​ເຊ​ມິ​ຄອນ​ດັກ​ເຕີ, ຊິ້ນສ່ວນ​ລົດຍົນ ​ແລະ ອຸປະກອນ​ກໍ່ສ້າງ ຄິດ​ເປັນ​ມູນ​ຄ່າ​ລວມ 16.000 ລ້ານ​ໂດ​ລາ​ສະຫະລັດ ມີ​ຜົນ​ບັງຄັບ​ໃຊ້​ຢ່າງ​ເປັນ​ທາງ​ການ​ແລ້ວ.

- 1 1 - ອາເມລິກາ-ຈີນ ຂຶ້ນພາສີຕອບໂຕ້ກັນຮອບໃໝ່
- lattana 1 - ອາເມລິກາ-ຈີນ ຂຶ້ນພາສີຕອບໂຕ້ກັນຮອບໃໝ່

​ໃນ​ເວລາ​ດຽວ​ກັນ, ກະຊວງ​ການ​ຄ້າ​ຂອງ​ຈີນ​ອອກ​ຖະ​ແຫລ​ງການ​ວ່າ: ມາດ​ຕະການ​ຮຽກ​ເກັບ​ພາສີ​ເພີ່ມ​ຕື່ມ​ຈາກ​ສິນຄ້າ​ຂອງ​ອາ​ເມ​ລິ​ກາ “​ໃນ​ລະດັບ​ເທົ່າ​ທຽມ​ກັນ” ມີ​ຜົນ​ບັງຄັບ​ໃຊ້​ແລ້ວ​ເຊັ່ນ​ກັນ ຄວບ​ຄຸມ​ສິນຄ້າ 333 ລາຍການ ລວມທັງ​ຊິ້ນສ່ວນ​ລົດຍົນ, ​ເຊື້ອ​ໄຟ, ​ທອງ​ແດງ, ອຸປະກອນ​ການ​ແພດ ​ແລະ ຜະ​ລິດ​ຕະພັນ​ຖ່ານ​ຫີນ.

ທັງ​ນີ້, ການ​ຍົກ​ລະດັບ​ກຳ​ແພງ​ພາສີ​ຂອງ​ທັງ​ສອງ​ປະ​ເທດ​ໃນ​ອັດຕາ​ດັ່ງກ່າວ ຖື​ເປັນ​ສ່ວນ​ສຸດ​ທ້າຍ​ຂອງ​ມາດ​ຕະການ​ກຳ​ແພງ​ພາສີ 25% ສຳລັບ​ປະ​ລິ​ມານ​ການ​ນຳ​ເຂົ້າສິນຄ້າ 50.000 ລ້ານ​ໂດ​ລາ​ສະຫະລັດ ທີ່​ອາ​ເມ​ລິ​ກາ ​ແລະ ຈີນ​ປະກາດ​ຕອບ​ໂຕ້​ກັນ​ໄປ​ກ່ອນ​ໜ້າ​ນີ້ ​ໂດຍ​ສິນຄ້າ​ກຸ່ມ​ທຳ​ອິດ​ຂອງ​ທັງ​ສອງ​ປະ​ເທດ 34.000 ລ້ານ​ໂດ​ລາ​ສະຫະລັດ ຜະ​ເຊີນ​ກັບ​ກຳ​ແພງ​ພາສີ​ນັບ​ແຕ່​ວັນ​ທີ 6 ກໍລະກົດ​ຜ່ານ​ມາ. ຂະນະ​ທີ່​ຜູ້​ຊ່ຽວຊານ​ຕີ​ລາຄາ​ວ່າ: ສົງຄາມ​ການ​ຄ້າ​ລະຫວ່າງ​ອາ​ເມ​ລິ​ກາ​ກັບ​ຈີນ​ຈະ​ສົ່ງ​ຜົນ​ໃຫ້​ເສດຖະກິດ​ໂລກ​ຂະຫຍາຍຕົວ​ຊ້າ​ປະມານ 0,5% ຕໍ່​ມູນ​ຄ່າ​ສິນຄ້າ​ທີ່​ຕ້ອງຂຶ້ນພາສີ​ທຸກ 100.000 ​ໂດ​ລາ​ສະຫະລັດ.

error: Content is protected !!