U 16 ຍິງເດີນທາງຝຶກຊ້ອມຢູ່ຢີ່ປຸ່ນ

- advert banner 728 90 728x90 - U 16 ຍິງເດີນທາງຝຶກຊ້ອມຢູ່ຢີ່ປຸ່ນ

ທີມຊາດຍິງ ຮຸ່ນອາຍຸບໍ່ເກີນ 16 ປີລາວ ຫລື U 16 ​ໄດ້ ອອກເດີນທາງໄປເກັບຕົວຝຶກຊ້ອມທີ່ປະເທດຍີ່ປຸ່ນ ໃນວັນ​ທີ 22​ ສິງຫາ​ 2018​ ລະ​ຫວ່າງວັນທີ 22-30 ສິງຫາ 2018 ກ່ອນເຂົ້າຮ່ວມການແຂ່ງຂັນບານເຕະຍິງ ຊີງແຊ້ມອາຊີ ຮຸ່ນອາຍຸບໍ່ເກີນ 16 ປີ ຮອບຄັດເລືອກ 2019 AFC U-16 WOMEN’S CHAMPIONSHIP 2019 ຢູ່ທີ່ປະເທດ ມົງໂກລີ ​ໃນ​ເດືອນກັນຍານີ້.

ທ່ານ ນາງ ພອນທິບ ແສງມະນີ ຫົວໜ້າຄູຝືກນັກ​ກິລາ​ທີ​ມຊາດ​ຍິງ U 16 ລາວ ​ໃຫ້​ສໍາພາດ​ວ່າ: ການ​ເດີນທາງ​​ໄປ​ປະ​ເທດ​ຢີ່ປຸ່ນຄັ້ງ​ນີ້ ນໍາພາ​ໂດຍ​ທ່ານ ນາງ ຍອດແກ້ວ ພາວະດີ ຮອງ​ເລຂາສະຫະພັນ​ບານ​ເຕະ​ແຫ່ງ​ຊາດ​ລາວ ພ້ອມ​ດ້ວຍ​ນັກ​ກິລາ​ຈໍານວນ 22 ຄົນ​ ທີ່​ຖືກ​ຄັດ​ເລືອກ​ໃນ​ຕົ້ນ​ເດືອນ​ຜ່ານ​ມາ ​ເຊິ່ງການ​ເຂົ້າ​ສູນ​ຝຶກ​ຊ້ອມ​ທີ່​ຢີ່ປຸ່ນຄັ້ງ​ນີ້ ​ເພື່ອ​ກຽມ​ຄວາມ​ພ້ອມ​ເຂົ້າ​ຮ່ວມ​ການ​ແຂ່ງ​ຂັນ​ບານ​ເຕະ​ຍິງ​ຊີງ​ແຊ້ມອາຊີ ຮຸ່ນ​ອາຍຸ 16 ປີ ທີ່​ຈະ​ຈັດ​ຂຶ້ນ​ລະຫວ່າງວັນທີ 15-23 ກັນຍານີ້.

- lattana 1 - U 16 ຍິງເດີນທາງຝຶກຊ້ອມຢູ່ຢີ່ປຸ່ນ
- 1 1 - U 16 ຍິງເດີນທາງຝຶກຊ້ອມຢູ່ຢີ່ປຸ່ນ

ສຳ​ລັບ​ຕາ​ຕະ​ລາງ​ການ​ແຂ່​ງ​ຂັນອຸ່ນ​ເຄື່ອງ​ ທີມ​ຊາດ​ລາວ ປະ​ກອບ​ມີ 3 ນັດ​ຄື: ວັນ​ທີ 25 ສິງ​ຫາ 2018 ເວ​ລາ 14:00 ​ໂມງ ພົບກັບ ທີ​ມ Osaka Kaisei Gakuen High School ແຂ່ງ​ຂັນ​ທີ່​ສະໜາມ Natural Grass Pitch, ວັນ​ທີ 27 ສິງ​ຫາ 2018 ເວ​ລາ 15:00 ​ໂມງ ພົບກັບ JFA Academy Sakai ແຂ່ງ​ຂັນ​ທີ່​ສະໜາມ Natural Grass Pitch,  ວັນ​ທີ 29 ສິງ​ຫາ 2018 ເວ​ລາ 18:30 ​ໂມງ ພົບກັບ Cerezo Osaka Sakai Girls ແຂ່​ງ​ຂັນ​ທີ່​ສະໜາມ Artificial Grass Pitch.

error: Content is protected !!