ລາຄາ​ພືດຜັກ​ໃນ​ທ້ອງ​ຕະຫລາດ​ມີ​ການ​ເຫນັງ​ຕີງ​ສູງຂຶ້ນ

- Fresh market - ລາຄາ​ພືດຜັກ​ໃນ​ທ້ອງ​ຕະຫລາດ​ມີ​ການ​ເຫນັງ​ຕີງ​ສູງຂຶ້ນ
- Untitled design - ລາຄາ​ພືດຜັກ​ໃນ​ທ້ອງ​ຕະຫລາດ​ມີ​ການ​ເຫນັງ​ຕີງ​ສູງຂຶ້ນ

ໃນ​ວັນ​ທີ 23 ສິງຫານີ້, ນັກ​ຂ່າວໜັງສື​ພິມ​ລາວ​ພັດທະນາ ​ໄດ້​ລົງ​ຕິດຕາມ​ລາຄາ​ສິນຄ້າ​ໃນ​ທ້ອງ​ຕະຫລາດຄື: ຕະຫຼາດໂພນສະຫວ່າງ, ຕະຫຼາດສະພານທອງຕະຫຼາດຂົວດິນ ແລະ ແຫ່ງອື່ນໆ, ​ເຫັນ​ວ່າ: ​ໃນ​ໄລຍະໜ້າຝົນ​ນີ້ລາຄາ​ພືດຜັກມີ​ການ​ເຫນັງ​ຕີງສູງ​ຂຶ້ນຄື: ​ຜັກຫອມ​ປ້ອມ 25.000 ກີບ​ຕໍ່ກິ​ໂລ, ໝາກ​ເຜັດ 30.000 ກີບ​ຕໍ່ກິ​ໂລ. ສ່ວນ​ສິນຄ້າ​ປະ​ເພດ ຊີ້ນງົວລາຄາຢູ່ໃນລະດັບເກົ່າ 70-75 ພັນກີບ/ກິໂລ, ຊີ້ນໝູ 30-35 ພັນກີບ/ກິໂລ, ເປັດ-ໄກ່ 40-45 ພັນກີບ/ກິໂລ, ປາກະຊັງ 16-18 ພັນກີບ/ກິໂລ,  ຂະນະທີ່ຊາວຄ້າຂາຍກໍຍອມຮັບວ່າ: ລາຄາສິນຄ້າປະ​ເພດ​ຊີ້ນແມ່ນຢູ່ໃນເກນປົກກະຕິດີຕາມກົນໄກຕະຫຼາດ, ​ແຕ່​ຄາ​ລາ​ພືດຜັກ ​ແມ່ນ​ມີ​ລາຄາ​ເພີ່ມ​ຂຶ້ນ ​ເນື່ອງ​ຈາກ​ຫລາຍ​ແຂວງ​ເກີດ​ນ້ຳຖ້ວມ ​ເຮັດ​ໃຫ້​ຜົນ​ຜະລິດ​ເສຍ​ຫາຍ, ​ເຮັດ​ໃຫ້​ພຶດບາງ​ຊະນິດ​ບໍ່ສາມາດ​ສະໜອງຄວາມ​ຕ້ອງການ​ຂອງ​ຕະຫລາດ​ໄດ້​ພຽງພໍ ຈຶ່ງ​ເຮັດ​ໃຫ້​ລາຄາ​ສູງ​ຂຶ້ນ.

ທ່ານ ​ໄມ​ທອງ ວົງ​ລາຕີ ຄະນະ​ຈັດ​ສັນ​ຕະຫລາດໜອງຈັນ ​ໃຫ້​ຮູ້​ວ່າ: ​ໂດຍ​ພາບ​ລວມສະພາບ​ການ​ຊື້-ຂາຍ​ສິນຄ້າ ໃນ​ຕະຫລາດໜອງຈັນ​ແມ່ນ​ມີ​ຄວາມ​ເປັນ​ລະບຽບດີ, ​ໂດຍ​ທາງ​ພະ​ແນ​ກ ການ​ຄ້າ​ນະຄອນຫລວງ​ວຽງຈັນ ​ແລະ ​ເມືອງ ກໍ​ໄດ້​ລົງ​ມາ​ຊີ້ນຳ​ໃນ​ການຈັດ​ສັນ​ຄວາມ​ເປັນ​ລະບຽບຮຽບຮ້ອຍ ​ແລະ ຕິດຕາມ​ຄຸ້ມ​ຄອງ​ລາຄາ​ສິນຄ້າ ​ເປັນ​ປະຈຳ, ປັດຈຸບັນ ສິນ​ຄ້າພຶດກະສິກຳ​ ມີ​ບາງ​ລາຍການອາທິດ​ສິນຄ້າ​ອາດ​ມີ​ການ​ເຫນັງສູງ​ຂຶ້ນ​ເລັກ​ຫນ້ອຍ ​ແລະ ບາງ​ລາຍການ​ຫລຸດ​ລົງ, ຍ້ອນ​ກົນ​ໄກ​ເສດຖະກິດ​ຕະຫລາດ ​ແລະ ການ​ປ່ຽນ​ແປງ​ສະພາບ​ອາກາດ​ທີ່​ສົ່ງ​ຜົນ​ກະທົບ​ຕໍ່ການ​ຜະລິດ​ໃນ​ແຕ່ລະ​ໄລຍະ, ​ແຕ່​ເຖິງ​ແນວ​ໃດ​ກໍ​ດີ ຄະນະ​ຈັດ​ສັນ​ຕະຫລາດ​ກໍ​ໄດ້​ເອົາ​ໃຈ​ໃສ່ ​ແລະ ຮຽກຮ້ອງ​ໃຫ້​ຊາວ​ຄ້າຂາຍ ບໍ່​ໃຫ້​ສວຍ​ໂອກາດ​ຂຶ້ນລາຄາ​ໂດຍ​ລຳພັງ, ​ເພື່ອ​ບໍ່​ໃຫ້​ເອົາ​ປຽບ​ແກ່​ຜູ້​ບໍລິ​ໂພ​ກ, ນອກ​ນີ້, ຍັງ​ໄດ້​ຕິດ​ຕັ້ງ​ຊິງ​ກາງ 9 ໜ່ວຍ ​ເພື່ອ​ບໍ່​ໃຫ້​ມີ​ການ​ໂລບ​ຕາຊິງ, ​ເພື່ອ​ສະກັດ​ກັ້ນ​ການ​ສວຍ​ໂອກາດ ທີ່​ອາດ​ຈະ​ເກີດ​ຂຶ້ນ, ຮັບປະກັນ​ໃຫ້​ປະລິມານ ​ແລະ ລາຄາ​ສິນຄ້າ​ຢູ່​ໃນ​ຄວາມ​ຍຸຕິ​ທຳ.

- Wave100S AD to Website 2020 0 - ລາຄາ​ພືດຜັກ​ໃນ​ທ້ອງ​ຕະຫລາດ​ມີ​ການ​ເຫນັງ​ຕີງ​ສູງຂຶ້ນ

 

- WhatsApp Image 2020 05 27 at 5 - ລາຄາ​ພືດຜັກ​ໃນ​ທ້ອງ​ຕະຫລາດ​ມີ​ການ​ເຫນັງ​ຕີງ​ສູງຂຶ້ນ
- WhatsApp Image 2020 05 27 at 5 - ລາຄາ​ພືດຜັກ​ໃນ​ທ້ອງ​ຕະຫລາດ​ມີ​ການ​ເຫນັງ​ຕີງ​ສູງຂຶ້ນ
error: Alert: ເນື້ອຫາຂ່າວມີລິຂະສິດ !!