ລາວສາຫາລືເນື້ອໃນຮ່າງນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ແຕ່ 2019-2030 ​

- Policy population - ລາວສາຫາລືເນື້ອໃນຮ່າງນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ແຕ່ 2019-2030 ​
- Untitled design - ລາວສາຫາລືເນື້ອໃນຮ່າງນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ແຕ່ 2019-2030 ​

ໃນວັນທີ 22 ສິງຫາ ນີ້, ໄດ້ມີກອງປະຊຸມປຶກສາຫາລືກ່ຽວກັບ ຮ່າງນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ແຕ່ (2019-2030), ໂດຍການເປັນປະທານຮ່ວມຂອງທ່ານ ນາງ ພອນວັນ ອຸທະວົງ ຫົວໜ້າກົມແຜນການ ກະຊວງແຜນການ ແລະ ການລົງທຶນ ແລະ ທ່ານ Ms Frederika MEIJER ຜູ້​ຕາງ​ໜ້າ​ອົງການ​ສະຫະ​ປະຊາ​ຊາດກອງ​ທຶນ​ສຳລັບ​ປະຊາກອນ(UNFPA) ປະຈໍາລາວ, ມີຜູ້ຕາງໜ້າຈາກກະຊວງກ່ຽວຂ້ອງ ແລະ ຄູ່ຮ່ວມພັດທະນາເຂົ້າຮ່ວມທັງເປັນຈໍານວນຫຼາຍ.

ເພື່ອ​ປຶກສາຫາລື ກ່ຽວກັບການປັບປຸງນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ສະບັບປີ 2006 ຊຶ່ງໄດ້ຮັບການຈັດຕັ້ງປະຕິບັດມາເປັນເວລາ 10 ປີ ຜ່ານການສະຫຼຸບຕີລາຄານະໂຍບາຍດັ່ງກ່າວ ເຫັນວ່າມີຜົນສໍາເລັດ ແລະ ຄວາມຄືບໜ້າໃນຫຼາຍດ້ານເປັນຕົ້ນອັດຕາເຂົ້າຮຽນສຸດທິຊັ້ນປະຖົມເພີ່ມຂຶ້ນຈາກ 94% ໃນ ສົກປີ 2010-2011 ມາເປັນ 98,7 % ໃນສົກປີ 2016-2017; ການເຂົ້າເຖິງການບໍລິການສຸຂະພາບກໍກວ້າງຂວາງຂຶ້ນ, ອັດຕາການຕາຍຂອງເດັກລຸ່ມ 5 ປີ ຫຼຸດລົງຈາກ 98 ຄົນຕໍ່ເດັກເກີດມີຊີວິດ 1,000 ຄົນ ໃນປີ 2005 ມາເປັນ 86 ຄົນຕໍ່ເດັກເກີດມີຊີວິດ 1,000 ຄົນ ໃນປີ 2015, ອັດຕາການຕາຍຂອງແມ່ຫຼຸດລົງຈາກ 405 ຄົນຕໍ່ການເກີດມີຊີວິດ 100,000 ຄົນ ໃນປີ 2005 ມາເປັນ206 ຄົນຕໍ່ການເກີດມີຊີວິດ 100,000 ຄົນ ໃນປີ 2015. ຄຽງຄູ່ກັບຜົນສໍາເລັດດັ່ງກ່າວ ຍັງມີຂໍ້ຄົງຄ້າງ ແລະ ມີບາງຄາດໝາຍທີ່ບໍ່ສາມາດວັດແທກຄວາມຄືບໜ້າໄດ້ຢ່າງຊັດເຈນ ເຊິ່ງເຮັດໃຫ້ມີຄວາມຫຍຸ້ງຍາກໃນການຕິດຕາມ ແລະ ປະເມີນຜົນສໍາເລັດ.

- Wave100S AD to Website 2020 0 - ລາວສາຫາລືເນື້ອໃນຮ່າງນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ແຕ່ 2019-2030 ​

ປັດຈຸບັນສະພາບຂອງການພັດທະນາເສດຖະກິດ-ສັງຄົມ ກໍມີການປ່ຽນແປງຢ່າງຫຼວງຫຼາຍ ສະພາບປະຊາກອນກໍມີການປ່ຽນແປງຢ່າງເຫັນໄດ້ຊັດເຈນ. ໂດຍອີງຕາມຜົນສໍາຫຼວດພົນລະເມືອງຄັ້ງທີ 4ປີ 2015, ປະຊາກອນໃນເກນອາຍຸ 15-64 ປີ ກວມເອົາເຖິງ 63,7% ເພີ້ມຂຶ້ນຈາກ 56,7% ໃນປີ 2005 ຊຶ່ງສະແດງເຖິງກາລະໂອກາດຂອງປະຊາກອນຂອງລາວ ທີ່ມີປະຊາກອນໃນໄວອອກແຮງງານຫຼາຍ. ສະນັ້ນ, ນະໂຍບາຍແຫ່ງຊາດດ້ານປະຊາກອນ ແລະ ການພັດທະນາສະບັບປັບປຸງໃໝ່ (2019-2030) ປະກອບມີ 9 ເປົ້າໝາຍ ເພື່ອພັດທະນາປະຊາກອນຢ່າງມີຄຸນນະພາບ ເພື່ອໃຫ້ເຂົາເຈົ້າໄດ້ຮັບຜົນປະໂຫຍດສູງສຸດຈາກການພັດທະນາເສດຖະກິດ-ສັງຄົມຢ່າງທົ່ວເຖິງ ແລະ ສະເໝີພາບ, ຄຽງຄູ່ກັບການແກ້ໄຂບັນຫາຕ່າງໆເປັນຕົ້ນ ແມ່ນບັນຫາສຸຂະພາບ, ຈະເລີນພັນ, ການພັດທະນາສີມືແຮງງານ, ການພັດທະນາຕົວເມືອງ, ການຂະຫຍາຍຕົວຂອງປະຊາກອນ, ການຕາຍຂອງແມ່ ແລະ ເດັກ, ການນໍາໃຊ້ກາລະໂອກາດຂອງການມີປະຊາກອນໜຸ່ມ, ການພັດທະນາໄວໜຸ່ມ ໂດຍສະເພາະໄວໜຸ່ມຍິງ. ນະໂຍບາຍສະບັບປັບປຸງດັ່ງກ່າວນີ້ ມີຄວາມສອດຄ່ອງກົມກຽວ ກັບການຈັດຕັ້ງປະຕິບັດການພັດທະນາແບບຍືນຍົງ (SDGs) ແລະ ບັນຫາອື່ນໆ. ນອກນີ້, ນະໂຍບາຍດັ່ງກ່າວ ຍັງແມ່ນການສືບຕໍ່ຈັດຕັ້ງປະຕິບັດຄຳໜັ້ນສັນຍາຂອງ ສປປ ລາວ ຕໍ່ກັບ ການຈັດຕັ້ງປະຕິບັດແຜນດຳເນີນງານກອງປະຊຸມສາກົນ ກ່ຽວກັບ ປະຊາກອນ ແລະ ການພັດທະນາ (ICPD).

- WhatsApp Image 2020 05 27 at 5 - ລາວສາຫາລືເນື້ອໃນຮ່າງນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ແຕ່ 2019-2030 ​
- WhatsApp Image 2020 05 27 at 5 - ລາວສາຫາລືເນື້ອໃນຮ່າງນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ແຕ່ 2019-2030 ​
error: Alert: ເນື້ອຫາຂ່າວມີລິຂະສິດ !!