ມີຜູ້ເສຍຊີວິດ 2 ຄົນຈາກໄຂ້ເລືອດອອກຢູ່ບ້ານນາທອງເມືອງພິນແຂວງສະຫວັນນະເຂດ

- Mosguito fever - ມີຜູ້ເສຍຊີວິດ 2 ຄົນຈາກໄຂ້ເລືອດອອກຢູ່ບ້ານນາທອງເມືອງພິນແຂວງສະຫວັນນະເຂດ
- Untitled design - ມີຜູ້ເສຍຊີວິດ 2 ຄົນຈາກໄຂ້ເລືອດອອກຢູ່ບ້ານນາທອງເມືອງພິນແຂວງສະຫວັນນະເຂດ

ເມື່ອບໍ່ດົນມານີ້, ທ່ານເຈົ້າແຂວງສະຫວັນນະເຂດ ສັນຕິພາບ ພົມວິຫານ ພ້ອມຄະນະ, ໄດ້ລົງໄປຕິດຕາມສະພາບການລະບາດຂອງພະຍາດໄຂ້ເລືອດອອກຢູ່ບ້ານນາທອງເມືອງພີນ, ຫລັງຈາກໄດ້ມີຜູ້ເສຍຊີວິດຈາກພະຍາດດັ່ງກ່າວ ແລ້ວ 2 ຄົນ.

ໃນໂອກາດນີ້, ທ່ານເຈົ້າແຂວງສະຫວັນນະເຂດ ໄດ້ຮັບຟັງລາຍງານຈາກທ່ານ ຄຳມາດ ເນົາວົງພະຈັນ ເຈົ້າເມືອງເມືອງພິນວ່າ: ບ້ານນາທອງແມ່ນ 1 ໃນ 5 ບ້ານທີ່ພົບການລະບາດຂອງພະຍາດໄຂ້ຍຸງລາຍຫລາຍກໍລະນີ ແລະ ໄດ້ມີຜູ້ເສຍຊີວິດແລ້ວ 2 ຄົນ, ເຊິ່ງພະຍາດດັ່ງກ່າວໄດ້ພົບກໍລະນີທຳອິດເມື່ອເດືອນພຶດສະພາທີ່ປະຊາຊົນຢູ່ບ້ານອະນຸສັນຍາ, ຈາກນັ້ນກໍໄດ້ມີການເພີ່ມຂຶ້ນເລື້ອຍໆ, ຕໍ່ສະພາບດັ່ງກ່າວ, ທາງພະແນກສາທາລະນະສຸກແຂວງ ແລະ ເມືອງໄດ້ລົງກວດກາ ແລະ ທຳລາຍແຫລ່ງເພາະພັນຍຸງລາຍ, ພ້ອມທັງໄດ້ພົ່ນຢາຂ້າຍຸງໃນ 5 ບ້ານທີ່ພົບການລະບາດຂອງພະຍາດດັ່ງກ່າວຄື: ບ້ານພິນ, ນາທອງ, ອະນຸສັນຍາ, ເວີນຫົງຄຳ ແລະ ບ້ານປະສົງໄຊ. ມາຮອດປັດຈຸບັນທົ່ວ ເມືອງມີຜູ້ຕິດເຊື້ອໄຂ້ເລືອດອອກກວ່າ 350 ກໍລະນີ, ຈາກຈຳນວນ 5 ບ້ານໄດ້ຂະຫຍາຍມາເປັນ 38 ບ້ານ ແລະ ມີຜູ້ເສຍຊີວິດແລ້ວ 4 ຄົນ (ຍິງ 2 ຄົນ).  ສະເພາະບ້ານນາທອງມີຜູ້ຕິດເຊື້ອ 59 ກໍລະນີ, ໃນນີ້ມີຜູ້ເສຍຊີວິດ 2 ຄົນຊຶ່ງເປັນເດັກນ້ອຍ.

ໃນໂອກາດນີ້, ທ່ານເຈົ້າແຂວງສະຫວັນນະເຂດ ໄດ້ຊີ້ນໍາໃຫ້ອຳນາດການປົກ ຄອງ ແລະ ປະຊາຊົນແຕ່ລະບ້ານ ເພີ່ມທະວີຄວາມເອົາໃຈໃສ່ປ້ອງກັນ ແລະ ຕ້ານພະຍາດລະບາດຕ່າງໆ ຕາມຄຳແນະນຳຂອງກະຊວງສາທາລະນະສຸກ ເພື່ອບໍ່ໃຫ້ມີການລະບາດຂອງພະຍາດໄຂ້ເລືອດອອກ, ໂດຍສະເພາະປະຕິບັດຫລັກການ 5 ປໍ, ພ້ອມທັງກະກຽມຮັບມືກັບສະພາບດິນຟ້າອາກາດທີ່ມີການປ່ຽນແປງຢູ່ຕະຫລອດເວລາ. ໃນໂອກາດນີ້, ທ່ານເຈົ້າແຂວງໄດ້ມອບເຄື່ອງຊ່ວຍເຫລືອໃຫ້ແກ່ປະຊາຊົນບ້ານນາທອງຈຳນວນ 279 ຖົງ, ລວມມີມູນຄ່າກວ່າ 32 ລ້ານກີບ. ຈາກນັ້ນທ່ານເຈົ້າແຂວງໄດ້ໄປມອບເຄື່ອງອຸປະໂພກ-ບໍລິໂພກໃຫ້ປະຊາຊົນບ້ານວັງບ່ວງເມືອງພິນລວມມີມູນຄ່າ 8 ລ້ານກວ່າກີບ ແລະ  ໄປຕິດຕາມກວດກາການກໍ່ສ້າງອ່າງເກັບນ້ຳຫ້ວຍອາໄກ້ ແລະ ໄປຢ້ຽມຢາມຄົນເຈັບທີ່ຕິດເຊື້ອພະຍາດໄຂ້ເລືອດອອກຢູ່ໂຮງໝໍເມືອງພິນ, ພ້ອມທັງໄດ້ມອບເຄື່ອງຊ່ວຍເຫລືອອີກຈໍານວນໜຶ່ງ.

- Wave100S AD to Website 2020 0 - ມີຜູ້ເສຍຊີວິດ 2 ຄົນຈາກໄຂ້ເລືອດອອກຢູ່ບ້ານນາທອງເມືອງພິນແຂວງສະຫວັນນະເຂດ
- WhatsApp Image 2020 05 27 at 5 - ມີຜູ້ເສຍຊີວິດ 2 ຄົນຈາກໄຂ້ເລືອດອອກຢູ່ບ້ານນາທອງເມືອງພິນແຂວງສະຫວັນນະເຂດ
- WhatsApp Image 2020 05 27 at 5 - ມີຜູ້ເສຍຊີວິດ 2 ຄົນຈາກໄຂ້ເລືອດອອກຢູ່ບ້ານນາທອງເມືອງພິນແຂວງສະຫວັນນະເຂດ
error: Alert: ເນື້ອຫາຂ່າວມີລິຂະສິດ !!