ລາວ ປະເມີນຄວາມສ່ຽງລະດັບຊາດດ້ານການຟອກເງິນ

- Lao Bank - ລາວ ປະເມີນຄວາມສ່ຽງລະດັບຊາດດ້ານການຟອກເງິນ
- Untitled design - ລາວ ປະເມີນຄວາມສ່ຽງລະດັບຊາດດ້ານການຟອກເງິນ

ກອງ​ປະຊຸມສະຫຼຸບບົດລາຍງານການປະເມີນຄວາມສ່ຽງລະດັບຊາດດ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ໄດ້ຈັດຂຶ້ນໃນວັນທີ 23 ສິງຫານີ້ ທີ່ໂຮງແຮມ ດອນຈັນພາເລດ ນະຄອນຫຼວງວຽງຈັນ ພາຍໃຕ້ການເປັນປະທານຮ່ວມຂອງທ່ານພົນຕີ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ, ຮອງປະທານຄະນະຊີ້ນຳລວມການປະເມີນຄວາມສ່ຽງລະດັບຊາດດ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ (NRA), ຫົວໜ້າຄະນະສະເພາະກິດ ເພື່ອປະເມີນຄວາມສ່ຽງລະດັບຊາດດ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍຂອງ ສປປ ລາວ, ທ່ານ ນິໂກລາ ປອນຕາຣາ (Nicola Pontara) ຫົວໜ້າທະນາຄານໂລກ ປະຈຳລາວ; ທ່ານນາງ ວັດທະນາ ດາລາລອຍ ຮອງຜູ້ວ່າການທະນາຄານແຫ່ງ ສປປ ລາວ, ຮອງຫົວໜ້າຄະນະສະເພາະກິດ ເພື່ອປະເມີນຄວາມສ່ຽງລະດັບຊາດດ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍຂອງ ສປປ ລາວ ; ພ້ອມຄະນະຊ່ຽວຊານຈາກທະນາຄານໂລກ ແລະ ຄະນະອະນຸກຳມະການປະເມີນຄວາມສ່ຽງລະດັບຊາດ ແລະ ພາກສ່ວນກ່ຽວຂ້ອງເຂົ້າຮ່ວມ.

ການປະເມີນຄວາມສ່ຽງ NRA ເປັນການຈັດຕັ້ງປະຕິບັດຄັ້ງທໍາອິດຂອງ ສປປ ລາວ ຊຶ່ງໄດ້ມີການດໍາເນີນແຕ່ກາງປີ 2017 ແລະ ສໍາເລັດໃນກາງປີ 2018; ການຈັດຕັ້ງປະຕິບັດດັ່ງກ່າວ ເປັນການປະຕິບັດມາດຖານຂໍ້ແນະນໍາຂອງອົງການຕ້ານການຟອກເງິນສາກົນ  ເພື່ອປະເມີນໃຫ້ເຫັນຄວາມສ່ຽງ ແລະ ຄວາມບອບບາງຕໍ່ວຽກງານການຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ (AML/CFT) ໂດຍສະເພາະ ກໍານົດໃຫ້ຂະແໜງການທີ່ມີຄວາມສ່ຽງແລ້ວ ສ້າງແຜນປະຕິບັດງານ ເພື່ອແກ້ໄຂຄວາມສ່ຽງດັ່ງກ່າວ.

ທ່ານພົນຕີ ກົງທອງ ພົງວິຈິດ ໄດ້ເນັ້ນວ່າ:  ການປະເມີນຄວາມສ່ຽງລະດັບຊາດໃນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ແມ່ນມີຄວາມສຳຄັນຫຼາຍ ໂດຍສະເພາະເປັນການຈັດຕັ້ງປະຕິບັດຕາມຂໍ້ແນະນຳທີ 1  ຂອງ 40 ຂໍ້ແນະນຳຂອງອົງ ການຕ້ານການຟອກເງິນສາກົນ ຊຶ່ງບັນດາປະເທດທີ່ເປັນສະມາຊິກຂອງອົງການຕ້ານການຟອກເງິນສາກົນ ຫຼື ບັນດາປະເທດທີ່ເປັນສະມາ ຊິກຂອງອົງການຍ່ອຍຂອງອົງການດັ່ງກ່າວ ເວົ້າລວມ, ເວົ້າສະເພາະແມ່ນກຸ່ມຕ້ານການຟອກເງິນໃນຂົງເຂດອາຊີ-ປາຊີຟິກ ຕ້ອງໄດ້ມີການ ຈັດຕັ້ງປະຕິບັດກ່ອນມີການປະເມີນຜົນຮອບດ້ານ ແລະ ໄດ້ແຕ່ງຕັ້ງໃຫ້ເປັນຄະນະຊີ້ນຳລວມວຽກງານດັ່ງກ່າວ   ເຊັ່ນ: ຄວາມເຂົ້າໃຈຂອງບັນດາຜູ້ປະເມີນກໍຄືເປົ້າໝາຍປະເມີນຍັງຈຳກັດກ່ຽວກັບວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ, ການປະເມີນຄວາມສ່ຽງ ແລະ ບັນດາເຄື່ອງມືຂອງທະນາຄານໂລກທີ່ນຳໃຊ້ເຂົ້າໃນການປະເມີນ ແລະ ອື່ນໆ.

- Wave100S AD to Website 2020 0 - ລາວ ປະເມີນຄວາມສ່ຽງລະດັບຊາດດ້ານການຟອກເງິນ
- WhatsApp Image 2020 05 27 at 5 - ລາວ ປະເມີນຄວາມສ່ຽງລະດັບຊາດດ້ານການຟອກເງິນ
- WhatsApp Image 2020 05 27 at 5 - ລາວ ປະເມີນຄວາມສ່ຽງລະດັບຊາດດ້ານການຟອກເງິນ
error: Alert: ເນື້ອຫາຂ່າວມີລິຂະສິດ !!