ສັບພະຄຸນບໍ່ທຳມະດາຂອງຫົວຜັກບົ່ວແດງ

- 012308 2018 -  ສັບພະຄຸນບໍ່ທຳມະດາຂອງຫົວຜັກບົ່ວແດງ
- Untitled design -  ສັບພະຄຸນບໍ່ທຳມະດາຂອງຫົວຜັກບົ່ວແດງ

ໄລຍະນີ້ຈະເຫັນໃຜຫລາຍໆຄົນມີອາການທັງໄອ, ຈາມ, ເຈັບຄໍ ຫລື ມີນຳ້ມູກໄຫລ ບາງຄົນເລືອກຊື້ຢາມາກິນເປັນອາທິດກໍບໍ່ເຊົາ, ສຽງປ່ຽນ, ເຈັບຄໍ ທໍລະມານບໍ່ໜ້ອຍ ມື້ນີ້ພວກເຮົາຈຶ່ງມີພືດທີ່ຊ່ວຍຫລຸດຜ່ອນອາການເຈັບປ່ວຍດັ່ງກ່າວມາແນະນຳ.

ເຊິ່ງໃນຫົວຜັກບົ່ວແດງອຸດົມໄປດ້ວຍວິຕາມິນ ແລະ ຄຸນຄ່າທາງອາຫານຄົບຖ້ວນ ທັງຍັງເພີ່ມອຸນຫະພູມຮ່າງກາຍ, ບຳລຸງສະ ໝອງ, ຊ່ວຍໃຫ້ລະບົບຂັບຖ່າຍເຮັດວຽກໄດ້ດີ. ສິ່ງສຳຄັນຍັງມີລິດເປັນສານຕ້ານອະນຸມູນອິນສະຫລະ, ຊ່ວຍຮັກສາລະດັບນຳ້ຕານໃນເລືອດໃຫ້ຄົງທີ່ ບໍ່ຂຶ້ນລົງຜິດປົກກະຕິ.

ຍ້ອນຄວາມຫລາກຫລາຍຂອງສັບພະຄຸນທາງຢາໃນຫັວຜັກບົ່ວແດງ ສົ່ງຜົນໃຫ້ສາມາດປິ່ນປົວໄດ້ຫລາຍອາການດັ່ງນີ້ :

     – ໄຂ້ຫວັດ, ແກ້ອາການຕັນດັງ ແລະ ຊ່ວຍຫລຸດນຳ້ມູກ : ໃຊ້ຫົວຜັກບົ່ວແດງປອກເປືອກ ແລ້ວທຸບພໍແຕກ, ເອົາຜ້າບາງໆຫໍ່, ວາງໄວ້ຫົວຕຽງ ຫລື ຫົວບ່ອນນອນ ເພື່ອໃຫ້ກິ່ນຂອງຫົວຜັກບົ່ງແດງເຂົ້າດັງ ຊ່ວຍເຮັດໃຫ້ຫາຍໃຈໂລ່ງ ສາມາດຫລຸດຜ່ອນອາການຫວັດໄດ້ (ວາງໄວ້ເວລາລູກນອນຫລັບກໍໍໄດ້) ຍັງຊ່ວຍຫລຸດອາການຖ່າຍແຫລວ, ແໜ້ນທ້ອງ, ໄລ່ລົມ ໂດຍການມາເອົາຫົວຜັກບົ່ວແດງມາຊອຍເປັນປ່ຽງບາງໆ ແລ້ວຕົ້ມໃສ່ນຳ້ດື່ມ.

     – ພະຍາດຫອບຫືດ, ໄອຊຳ້ເຮື້ອ : ໃຊ້ຫົວຜັກບົ່ວແດງຂະໜາດຊຳ່ຫົວໂປ້ມືປັ່ນປະສົມກັບຂີງ ແລະ ຜັກທຽມ, ໃສ່ນຳ້ 1 ຈອກ ປັ່ນຈົນແຫລວ ແລ້ວກອງເອົາແຕ່ນຳ້, ໃສ່ນຳ້ເຜິ້ງ 1 ບ່ວງແກງ, ບີບນຳ້ໝາກນາວໃສ່ 2 – 3 ໜ່ວຍ, ດື່ມມື້ລະ 1 ຈອກ ຫລັງຈາກຖູແຂ້ວ ແລ້ວອາການຫອບຫືດຈະຄ່ອຍໆດີຂຶ້ນ.

- Wave100S AD to Website 2020 0 -  ສັບພະຄຸນບໍ່ທຳມະດາຂອງຫົວຜັກບົ່ວແດງ

     – ປິ່ນປົວຕຸ່ມຜື່ນຄັນ, ຫລຸດອາການອັກເສບ : ໃຊ້ຫົວຜັກບົ່ວແດງ  4 – 5 ຫົວ ຕຳຈົນແຫລກ, ຄັ້ນເອົາແຕ່ນຳ້ ແລ້ວເອົາໄປແຊ່ຕູ້ເຢັນ 30 ນາທີ ຈາກນັ້ນເອົາມາທາບໍລິເວນທີ່ເປັນເມັດຝົດຜື່ນ.

      – ປິ່ນປົວສິວ ແລະ ຫລຸດຮອຍດຳດ່າງ : ຫອມຜັກບົ່ວແດງ 4 – 5 ຫົວ ລ້າງໃຫ້ສະອາດເອົາມາຂາງໄຟ ຫລື ຝານບາງໆໃຊ້ແປະໄວ້ບໍລິເວນທີ່ເປັນສິວ ຫລື ຮອຍດຳດ່າງເທິງໃບໜ້າ ຍົກເວັ້ນບໍລິເວນອ້ອມຮອບດວງຕາ ແລະ ປາຍດັງ ເພາະອາດເກີດອາການລະຄາຍເຄືອງຈາກກຳມະຖັນໃນນຳ້ຫົວຜັກບົ່ວແດງ ປະໄວ້ 10 ນາທີ ແລ້ວລ້າງອອກ ເຮັດທຸກມື້ ປະມານ 1 ອາທິດ ຮອຍດຳດ່າງຈະຄ່ອຍໆຈາງລົງຈົນທ່ານສາມາດສັງເກດໄດ້.

- WhatsApp Image 2020 05 27 at 5 -  ສັບພະຄຸນບໍ່ທຳມະດາຂອງຫົວຜັກບົ່ວແດງ
- WhatsApp Image 2020 05 27 at 5 -  ສັບພະຄຸນບໍ່ທຳມະດາຂອງຫົວຜັກບົ່ວແດງ
error: Alert: ເນື້ອຫາຂ່າວມີລິຂະສິດ !!